ಕೆಮ್ಮನ್ನು ಏಕೆ ನಿರ್ಲಕ್ಷಿಸಬಾರದು

ಕೆಮ್ಮು ಜೀವನಶೈಲಿಯ ಮೇಲೆ ಪರಿಣಾಮಗಳನ್ನು ಉಂಟುಮಾಡುತ್ತದೆ;

ಕೆಮ್ಮು ನಿಮ್ಮನ್ನು ಆವರಿಸಿದ್ದರೆ ನಿಮ್ಮ ಮಾತುಗಳು ಸ್ಪಷ್ಟವಾಗಿರುವುದಿಲ್ಲ ಮಾತಿನ ನಡುವೆ ಆಗಾಗ್ಗೆ ಕೆಮ್ಮು ನಿಮ್ಮನ್ನು ಇಕ್ಕಟ್ಟಿಗೆ ಸಿಲುಕಿಸುತ್ತದೆ. ಗಂಟಟಲಲ್ಲಿ ಒತ್ತಡ ಉಂಟಾಗಿ ತಲೆನೋವು ಪ್ರಾರಂಭವಾಗಬಹುದು.

ದೈಹಿಕ ಹಾನಿ ಉಂಟುಮಾಡುತ್ತದೆ;

ನಿರಂತರ ಕೆಮ್ಮು ಎದೆಯಲ್ಲಿ ನೋವನ್ನುಂಟು ಮಾಡುತ್ತದೆ ಹಾಗೂ ಬೆನ್ನು ನೋವಿಗೂ ಇದು ಕಾರಣವಾಗುತ್ತದೆ. ಪ್ರತೀ ಬಾರಿ ನೀವು ಕೆಮ್ಮುವಾಗ ಎದೆಯ ಸ್ನಾಯುಗಳಿಗೆ ಬಳಲಿಕೆ ಉಂಟಾಗುತ್ತದೆ ಮತ್ತು ಇದರಿಂದ ನೋವು ಸಂಭವಿಸುತ್ತದೆ.

ತೀವ್ರ ಕೆಮ್ಮಿನಿಂದ ಆರೋಗ್ಯದ ಮೇಲಿನ ಅಪಾಯ;

ತೀವ್ರ ಕೆಮ್ಮು ಕೆಲವೊಂದು ಬಾರಿ ಕಾಣಿಸಿಕೊಳ್ಳುತ್ತದೆ. ವೈರಲ್ ಜ್ವರ, ಸೈನುಟಿಸ್, ಬ್ರೋಂಚಿಟೀಸ್ ಮೊದಲಾದವುಗಳಿಂದ ತೀವ್ರ ಕೆಮ್ಮು ಕಾಣಿಸಿಕೊಳ್ಳುತ್ತದೆ. ಅಸ್ತಮಾ, ವಾತಾವರಣದ ಕಲುಷಿತ ಮತ್ತು ಧೂಮಪಾನದ ಹೊಗೆ ಕೂಡ ತೀವ್ರ ಕೆಮ್ಮಿಗೆ ಕಾರಣವಾಗುತ್ತದೆ.

ಸುತ್ತಲಿನ ಜನರಿಗೆ ಹರಡುತ್ತದೆ:

ಕೆಮ್ಮು ನಿಮ್ಮ ಸುತ್ತಲಿದ್ದವರಿಗೂ ಬೇಗನೇ ಹರಡುತ್ತದೆ. ನಿಮಗೆ ಕೆಮ್ಮಿದ್ದಾಗ ಮುಖವನ್ನು ಕರವಸ್ತ್ರದಿಂದ ಮುಚ್ಚಿಕೊಳ್ಳಿ. ಕೆಮ್ಮಿನಲ್ಲಿರುವ ಸಾಂಕ್ರಾಮಿಕ ಜೀವಿಗಳು ಇತರರಿಗೂ ಕೆಮ್ಮನ್ನು ತರಿಸುವಲ್ಲಿ ನಿಷ್ಣಾತರಾಗಿರುತ್ತವೆ.

ದೀರ್ಘಕಾಲದ ಕೆಮ್ಮಿನಿಂದ ಆಳವಾದ ಆರೋಗ್ಯ ಸಮಸ್ಯೆಗಳು:

ಹೆಚ್ಚಿನ ಜನರಲ್ಲಿ ಕೆಮ್ಮು ಸೋಂಕುಗಳು, ಅಲರ್ಜಿ ಅಥವಾ ಇತರ ಸಣ್ಣಪುಟ್ಟ ಸಮಸ್ಯೆಗಳಿಗೆ ಕಾರಣವಾಗುತ್ತದೆ. ಕೆಲವೊಂದು ದೀರ್ಘಕಾಲದ ಕೆಮ್ಮು (ಮೂರು ವಾರಕ್ಕಿಂತಲೂ ಹೆಚ್ಚಾಗಿ ಇರುವ ಕೆಮ್ಮು) ಕೆಲವು ಆಧಾರವಾಗಿರುವ ವೈದ್ಯಕೀಯ ಸ್ಥಿತಿಯಾದ ಅಂದರೆ ಟ್ಯೂಬರ್‌ಕುಲೋಸಿಸ್, ಕ್ಯಾನ್ಸರ್, ಹೃದಯಾಘಾತ, ಕಿವಿ ಸೋಂಕು ಮೊದಲಾದವುಗಳ ಸೂಚಕವಾಗಿದೆ. ಈ ಸಂದರ್ಭದಲ್ಲಿ ನಿಮಗೆ ಸಹಾಯ ಮಾಡುವವರು ನಿಮ್ಮ ವೈದ್ಯರಾಗಿದ್ದಾರೆ ಎಂಬುದನ್ನು ನೆನಪಿಡಿ.