2020 ಹೊಸ ವರುಷಕ್ಕಾಗಿ ಫಿಟ್‌ನೆಸ್ ಸಲಹೆ

ಡಯಟ್

ಹೌದು, ಈ ವರುಷದ ಪ್ರಾರಂಭದಿಂದಲೇ, ನಿಮ್ಮ ಊಟದ ಮೆನುವಿನಲ್ಲಿ ಆರೋಗ್ಯಕರವಾಗಿರುವ ಡಯಟ್ ಚಾರ್ಟ್ ಅನ್ನು ಸಿದ್ದಪಡಿಕೊಳ್ಳಿ. ನಿಮ್ಮ ಪ್ರತಿ ನಿತ್ಯ ಊಟದ ಮೆನುವಿನಲ್ಲಿ ಡಯಟ್ ಆಹಾರಕ್ಕೆ ಹೆಚ್ಚು ಪ್ರಾಮುಖ್ಯ ನೀಡಿ, ಅಂದರೆ ಸೊಪ್ಪು, ತರಕಾರಿ, ಇಂತಹ ಆಹಾರವನ್ನು ಹೆಚ್ಚು ಬಳಸಿ. ನಿಮ್ಮ ದೇಹ ಫಿಟ್‌ನೆಸ್ ಅನ್ನು ಹೊಂದಿರಬೇಕಾದರೆ ನೀವು ಡಯಟ್ ಅನ್ನು ಅಚ್ಚುಕಟ್ಟಾಗಿ ಪಾಲಿಸಲೇಬೇಕು.

ವ್ಯಾಯಾಮ

ವ್ಯಾಯಾಮ ಮಾಡುವುದನ್ನು ಎಂದಿಗೂ ಮರೆಯಬೇಡಿ. ಇದು ಕೂಡ ನಿಮ್ಮ ಹೊಸವರುಷದ ಮೊದಲ ಫಿಟ್‌ನೆಸ್ ಆಗಿದೆ. ಪ್ರತಿ ದಿನ ನೀವು ವ್ಯಾಯಾಮ ಮಾಡುವುದರಿಂದ ಕೂಡ ನಿಮ್ಮ ದೇಹದಲ್ಲಿರುವ ಬೊಜ್ಜನ್ನು ಕಡಿಮೆಗೊಳಿಸಬಹುದು.

ಊಟದ ಸಮಯದಲ್ಲಿ ಟಿವಿ ನೋಡಬೇಡಿ

ಯಾವುದೇ ಕಾರಣಕ್ಕೂ ಟಿವಿ ಮುಂದೆ ಕುಳಿತುಕೊಂಡು ಊಟ ಮಾಡಬೇಡಿ. ಏಕೆಂದರೆ ನೀವು ಟಿವಿ ಮುಂದೆ ಕುಳಿತು ಊಟ ಮಾಡುತ್ತಿರುವಾಗ ನಿಮಗೆ ಗೊತ್ತಿಲ್ಲದೇ ಅವಶ್ಯಕತೆಕ್ಕಿಂತ ಹೆಚ್ಚಿನ ಆಹಾರವನ್ನು ನೀವು ಸೇವಿಸುತ್ತೀರಿ..! ಇದು ಕೂಡ ನಿಮ್ಮ ಡಯಟ್‌ಗೆ ತೊಡಕುಂಟಾಗಬಹುದು.

ಏಕಾಂಗಿಯಾಗಿ ವ್ಯಾಯಾಮ ಮಾಡಿ

ಬೇರೆಯವರ ಸಹಾಯದೊಂದಿಗೆ ವ್ಯಾಯಾಮ ಮಾಡುವುದಕ್ಕಿಂತ, ಏಕಾಂಗಿಯಾಗಿ ವ್ಯಾಯಾಮ ಮಾಡುವುದು ಎಂದಿಗೂ ಉತ್ತಮ. ಹಾಗಾಗಿ ಹೊಸವರುಷದಲ್ಲಿ ಏಕಾಂಗಿಯಾಗಿ ತಾಲೀಮು ಮಾಡುವುದನ್ನು ಮುಂದುವರೆಸಿ.

ಆರೋಗ್ಯಯುಕ್ತ ಆಹಾರ

ನೀವು ಡಯಟ್‌ನಲ್ಲಿರುವಾಗ, ಮೊದಲು ಆರೋಗ್ಯಕರವಾಗಿರುವ ಸಂತುಲಿತ ಆಹಾರ ಕಡೆ ಗಮನ ನೀಡುವುದು ಅತ್ಯವಶ್ಯಕ. ಸಾಮಾನ್ಯವಾಗಿ ಸೊಪ್ಪು, ತರಕಾರಿಗಳಲ್ಲಿ ಹೆಚ್ಚಿನ ಪ್ರಮಾಣದ ಪೋಷಕಾಂಶ, ಹಾಗೂ ಪ್ರೊಟೀನ್ ಅಂಶವಿರುವುದರಿಂದ, ನಿಮ್ಮ ದೇಹವನ್ನು ಸಮತೋಲನದಲ್ಲಿಡಲು ಇದು ಸಹಕಾರಿಯಾಗಲಿದೆ.

ಹೆಚ್ಚಾಗಿ ತರಕಾರಿಗಳನ್ನು ಸೇವಿಸಿ

ಹೊಸ ವರುಷದ ಪ್ರಾರಂಭದಿಂದಲೇ ಅಂದರೆ ಈ ತಿಂಗಳು ಪೂರ್ತಿ ತರಕಾರಿಗಳನ್ನು ಸೇವಿಸಿ ಹಾಗೂ ನಿಮ್ಮ ದೇಹದಲ್ಲಿ ಉಂಟಾಗುವ ಬದಲಾವಣೆಯನ್ನು ಗಮನಿಸಿ..! ಪರಿಣಿತರ ಪ್ರಕಾರ ಹೆಚ್ಚಿನ ಪ್ರಮಾಣದ ನಾನ್-ವಜ್ ಆಹಾರವು ನಿಮ್ಮನ್ನು ದೀರ್ಘ ಕಾಲದವರೆಗೆ ಆರೋಗ್ಯಕರವಾಗಿಡುವುದಿಲ್ಲ.