ಚಳಿಗಾಲಕ್ಕೆ ದೇಹವನ್ನು ಬೆಚ್ಚಗಿಡುವ ಉತ್ತಮ ಆಹಾರ ಪದಾರ್ಥಗಳು

ಬೆಳ್ಳುಳ್ಳಿ:

ಹೆಚ್ಚು ಕೊಲೆಸ್ಟ್ರಾಲ್ ಹೊಂದಿದ ವ್ಯಕ್ತಿ ಬೆಳ್ಳುಳ್ಳಿಯನ್ನು ಸಾಕಷ್ಟು ಬಳಸಬೇಕು ಎಂದು ವೈದ್ಯರು ಹೇಳುತ್ತಾರೆ.ಇದರ ಇನ್ನೊಂದು ಉಪಯೋಗವೆಂದರೆ ಇದು ಚಳಿಗಾಲದಲ್ಲಿ ದೇಹವನ್ನು ಬೆಚ್ಚಗಿಡುತ್ತದೆ. ಚಳಿಗಾಲದಲ್ಲಿ ಫ್ಲೂ ಮತ್ತು ಕೆಮ್ಮು ಹೆಚ್ಚುವ ಸಂಭವವಿರುತ್ತದೆ. ಬೆಳ್ಳುಳ್ಳಿಯಲ್ಲಿ ಆಂಟಿ ಬ್ಯಾಕ್ಟೀರಿಯ ಗುಣಗಳಿರುವುದರಿಂದ ವೈರಸ್ ಮತ್ತು ಬ್ಯಾಕ್ಟೀರಿಯದಿಂದ ಬರುವ ಸಾಕಷ್ಟು ಕಾಯಿಲೆಯಿಂದ ದೂರವಿರುವಂತೆ ಬೆಳ್ಳುಳ್ಳಿ ಮಾಡುತ್ತದೆ.ನಿಮಗೆ ಚಳಿಗಾಲದಲ್ಲಿ ಗಂಟಲು ಕೆರೆತ ಆರಂಭವಾದರೆ ತಕ್ಷಣ ೨ -೩ ಬೆಳ್ಳುಳ್ಳಿ ರಸ ಹೀರುವುದರಿಂದ ಗಂಟಲು ಕೆರೆತ ಹೋಗಲಾಡಿಸಬಹುದು.

ಜೇನುತುಪ್ಪ :

ನಿಮಗೆ ಚಳಿಗಾಲದಲ್ಲಿ ತಂಡಿ ಅಥವಾ ಕೆಮ್ಮು ಆರಂಭವಾದರೆ ಮನೆಯಲ್ಲಿ ಅಜ್ಜಿ ಜೇನುತುಪ್ಪ ತಿನ್ನಲು ಹೇಳಬಹುದು.ಇದು ಕೆಮ್ಮನ್ನು ಹೋಗಲಾಡಿಸಲು ನೈಸರ್ಗಿಕ ವಿಧಾನ.ಚಳಿಗಾಲದಲ್ಲಿ ಪ್ರತಿದಿನ ಒಂದು ಚಮಚ ಜೇನುತುಪ್ಪ ಬಳಸುವುದರಿಂದ ಬರಬಹುದಾದ ಸಣ್ಣ ಪುಟ್ಟ ರೋಗದಿಂದ ದೂರವಿರಬಹುದು.ಸಕ್ಕರೆ ಆರೋಗ್ಯಕ್ಕೆ ಅಷ್ಟು ಒಳ್ಳೆಯದಲ್ಲ ಚಳಿಗಾಲದಲ್ಲಿ ಸಕ್ಕರೆಯ ಬದಲು ಹೆಚ್ಚು ಜೇನುತುಪ್ಪ ಬಳಸುವುದರಿಂದ ಅರೋಗ್ಯಕರವಾಗಿರಬಹುದು. ಜೇನುತುಪ್ಪ ಬಳಸುವುದರಿಂದ ಹೆಚ್ಚಿನ ಕ್ಯಾಲೋರಿ ತಗ್ಗಿಸಬಹುದು ಮತ್ತು ಬೆಚ್ಚಗಿರಬಹುದು.

ಶುಂಟಿ:

ಭಾರತೀಯರ ಅಡುಗೆಮನೆಯಲ್ಲಿ ಶುಂಟಿ ಇದ್ದೇ ಇರುತ್ತದೆ ಇದು ಖಾದ್ಯದ ರುಚಿಯನ್ನು ಇನ್ನಷ್ಟು ಹೆಚ್ಚಿಸುತ್ತದೆ. ಇಷ್ಟೇ ಅಲ್ಲ ಚಳಿಗಾಲದಲ್ಲಿ ಇದನ್ನು ಬಳಸುವುದರಿಂದ ದೇಹದ ಒಳಗಿನಿಂದ ಕೂಡ ನೀವು ಬೆಚ್ಚಗಿರುವಂತೆ ಮಾಡುತ್ತದೆ. ಶುಂಟಿಯಲ್ಲಿರುವ ತರ್ಮೊಜೆನಿಕ್,ಜಿನ್ಜೆರಾಲ್ ಮತ್ತು ಶೋಗಾಲ್ ಗುಣಗಳು ದೇಹವನ್ನು ಬೆಚ್ಚಗಿಡಲು ಸಹಕರಿಸುತ್ತವೆ.ಚಳಿಗಾಲದಲ್ಲಿ ಒಣಗಿದ ಅಥವಾ ಹಸಿ ಶುಂಟಿಯನ್ನು ಉಪ್ಪಿನ ಜೊತೆ ತಿನ್ನುವುದರಿಂದ ಚಯಾಪಚಯ ಕ್ರಿಯೆಯನ್ನು ಕೂಡ ಹೆಚ್ಚಿಸುತ್ತದೆ.ದೇಹವನ್ನು ಬೆಚ್ಚಗಿಡಲು ಶುಂಟಿ ಟೀಯನ್ನು ಕೂಡ ಕುಡಿಯಬಹುದು.

ದಾಲ್ಚಿನ್ನಿ ಚಕ್ಕೆ :

ಭಾರತೀಯ ಅಡುಗೆ ಮನೆಗಳಲ್ಲಿ ದೊರೆಯುವ ಇನ್ನೊಂದು ಸಂಬಾರ ಪದಾರ್ಥವೆಂದರೆ ದಾಲ್ಚಿನ್ನಿ ಚಕ್ಕೆ. ಚಳಿಗಾಲದಲ್ಲಿ ಚಳಿಯನ್ನು ತಡೆದು ದೇಹವನ್ನು ಬೆಚ್ಚಗಿಡುವ ಗುಣ ಇದರಲ್ಲಿದೆ.ನೀವು ಅಡುಗೆಯಲ್ಲಿ ದಾಲ್ಚಿನ್ನಿ ಮೊಗ್ಗು ಮತ್ತು ಚಕ್ಕೆಯನ್ನು ಚಳಿಗಾಲದಲ್ಲಿ ಬಳಸಬಹುದು.ಕೆಲವರು ಟೀ ಮತ್ತು ಕಾಫಿ ಗೆ ಕೂಡ ಈ ಚಕ್ಕೆಯನ್ನು ಬಳಸುತ್ತಾರೆ.

ನಟ್ಸ್ :

ಮಾರುಕಟ್ಟೆಗಳಲ್ಲಿ ವಿವಿಧ ರೀತಿಯ ನಟ್ಸ್ ದೊರೆಯುತ್ತದೆ. ವಾಲ್ನಟ್,ಶೇಂಗ,ಬಾದಾಮಿ ಇವುಗಳೆಲ್ಲ ವಿಟಮಿನ್ ಮತ್ತು ಫೈಬರ್ ಜೊತೆಗೆ ದೇಹಕ್ಕೆ ಶಾಖ ಹೆಚ್ಚಿಸಲು ಸಹಕಾರಿಯಾಗಿದೆ.