ಕೈ ನೋವು ನಿವಾರಣೆಗೆ 6 ಮನೆಮದ್ದುಗಳು

1.ಹೆಚ್ಚಿನ ತೂಕ

ಹೆಚ್ಚಾದ ದೇಹ ತೂಕ ನಮ್ಮ ಸ್ನಾಯುಗಳ ನೋವಿಗೆ ಹಾಗೂ ಕೀಲುಗಳ ಬೇನೆಗೆ ಕಾರಣ. ತೂಕ ಹೆಚ್ಚಾದಂತೆ ನಮ್ಮ ಸ್ನಾಯುಗಳು ಬೇಗನೆ ಸವೆಯುತ್ತವೆ. ಇದು ನೋವನ್ನು ಜಾಸ್ತಿ ಮಾಡುತ್ತದೆ. ಸ್ವಲ್ಪ ತೂಕವನ್ನು ಕಡಿಮೆ ಮಾಡಿಕೊಂಡರೆ ನೋವು ಒಮ್ಮೆಗೆ ಉಪಶಮನ ಆಗುತ್ತದೆ. ಆದರೆ ತೂಕ ಕಡಿಮೆ ಮಾಡಲೇ ಬೇಕೆಂದು ನಿಮ್ಮ ಮೇಲೆ ಬಹಳ ಒತ್ತಡವನ್ನು ಹಾಕಿಕೊಳ್ಳಬೇಡಿ. ಸಾಮಾನ್ಯವಾದ ವ್ಯಾಯಾಮ ಹಾಗೂ ಆಹಾರ ನಿಯಂತ್ರಣವಷ್ಟೇ ಸಾಕು.

2.ತ್ವರಿತ ವ್ಯಾಯಾಮ

ನಿಮ್ಮ ನೋವು ಬೇಗನೇ ಮಾಯವಾಗಬೇಕು ಎಂದಾದರೆ ಕೆಲವು ಸಣ್ಣ ವ್ಯಾಯಾಮಗಳಿವೆ ಅವನ್ನು ನೀವು ಮಾಡಿದ ಕೂಡಲೆ ನಿಮ್ಮ ನೋವು ಮಾಯವಾಗುತ್ತದೆ. ಇವು ಸಾಮಾನ್ಯವಾಗಿ ಸ್ಟ್ರೆಚಿಂಗ್ ವ್ಯಾಯಾಮಗಳು ಇವು ಸ್ನಾಯುಗಳಲ್ಲಿನ ಒತ್ತಡವನ್ನು ನಿವಾರಿಸುತ್ತವೆ. ಮಣಿಕಟ್ಟನ್ನು ವೃತ್ತಾಕಾರವಾಗಿ ಸುತ್ತುವುದು ಅವುಗಳಲ್ಲಿ ಒಂದು. ಇವು ಬಹಳ ಸುಲಭವಾದ ವ್ಯಾಯಾಮಗಳು ಹಾಗೂ ಯಾವುದೇ ಇತರ ಸಲಕರಣೆಗಳ ಅಗತ್ಯ ಇಲ್ಲ.

3.ನೋವು ನಿವಾರಕ ಜೆಲ್ ಹಾಗೂ ಕ್ರೀಮ್ ಗಳು

ಮೆಂಥಾಲ್ ಯುಕ್ತ ಕ್ರೀಮ್ ಹಾಗೂ ಜೆಲ್ ಗಳು ನಿಮ್ಮ ಆರ್ಥರೈಟಿಸ್ ನೋವಿನ ಮೇಲೆ ಬಹಳ ಉತ್ತಮ ಪರಿಣಾಮ ಬೀರುವುದರಲ್ಲಿ ಅನುಮಾನವಿಲ್ಲ. ನಿಮಗೆ ಸರಿಹೊಂದುವ ಕ್ರೀಮ್ ಅನ್ನು ಆಯ್ಕೆ ಮಾಡು ಹಾಗೂ ಹಚ್ಚಿಕೊಳ್ಳಿ. ಸಾಮಾನ್ಯವಾಗಿ ಇಂತಹ ಕ್ರೀಮ್ ಗಳು ಮಾರುಕಟ್ಟೆಯಲ್ಲಿ ಸುಲಭವಾಗಿ ಲಭ್ಯವಿವೆ. ಇವು ಬಹಳ ಮಟ್ಟಿಗೆ ನಿಮ್ಮ ಕೈ ಹಾಗೂ ಬೆರಳುಗಳ ನೋವನ್ನು ಕಡಿಮೆ ಮಾಡುತ್ತದೆ.

4.ಮಸಾಜ್

ಮಿನರಲ್ ತೈಲದಿಂದ ಮಸಾಜ್ ಮಾಡುವುದು ಸಂಧಿವಾತ, ಕೈ ಬೆರಳುಗಳ ನೋವುಗಳಿಗೆ ಪ್ರಯೋಜನಕಾರಿ ಚಿಕಿತ್ಸೆಯಾಗಿದೆ. ತೈಲ ಮಸಾಜ್ ನೋವು ಮತ್ತು ಉರಿಯನ್ನು ಸಹ ಶಮನಗೊಳಿಸುತ್ತದೆ. ನಿಯಮಿತವಾಗಿ ಮಸಾಜ್ ಮಾಡುವುದರಿಂದ ಕ್ರಮೇಣ ನೋವು ಕಡಿಮೆಯಾಗುತ್ತದೆ. ತಾಳೆ ಎಣ್ಣೆ, ಆಲಿವ್ ತೈಲ ಮತ್ತು ಕೊಬ್ಬರಿ ಎಣ್ಣೆ ಹಾಗೂ ಇತರ ಖನಿಜ ತೈಲಗಳನ್ನು ಈ ಉದ್ದೇಶಕ್ಕಾಗಿ ಬಳಸಬಹುದು. ಬಿಸಿ ಎಣ್ಣೆ ಮಸಾಜ್ ಸಂಧಿವಾತದ ನೋವಿಗೆ ಪರಿಹಾರ ಒದಗಿಸಲು ತುಂಬಾ ಒಳ್ಳೆಯದು. ವಿಶೇಷ ಮಸಾಲೆಗಳನ್ನು ಬೆರೆಸಿದ ಹದವಾಗಿ ತೈಲಗಳು ಕೂಡ ಸಂಧಿವಾತ ನೋವು ಕಡಿಮೆ ನೈಸರ್ಗಿಕ ಪರಿಹಾರಗಳಲ್ಲಿ ಒಂದಾಗಿದೆ.

5.ಶುಂಠಿ ರಸ

ಶುಂಠಿ ಉರಿಯೂತ ಶಮನಕಾರಿ ಗುಣಲಕ್ಷಣಗಳನ್ನು ಹೊಂದಿದೆ. ಶುಂಠಿ ರಸ ದೈನಂದಿನ ಆಹಾರದ ಜೊತೆಗೆ ಸೇವಿಸುವುದರಿಂದ ಸಂಧಿವಾತದ ನೋವು ಕಡಿಮೆ ಮಾಡಲು ಸಹಕಾರಿ. ಶುಂಠಿ ಜಂಟಿ ನೋವು ಮತ್ತು ಸ್ನಾಯು ನೋವು ಕಡಿಮೆ ಅನುಕೂಲಕರ. ಶುಂಠಿ ಔಷಧೀಯ ಗುಣಗಳನ್ನು ಸಹ ಹೊಂದಿದೆ. ಶುಂಠಿ ರಸ ಕೈಗಳು ಮತ್ತು ಬೆರಳುಗಳ ಸಂಧಿವಾತ ನೋವು ನಿವಾರಿಸಲು ಗೃಹಾಧಾರಿತ ಪರಿಹಾರ.

6.ಸ್ಟ್ರೀಮ್ ಚಿಕಿತ್ಸೆ

ನೋವಿನಿಂದ ತ್ವರಿತ ಪರಿಹಾರಕ್ಕಾಗಿ, ಹಬೆ ಸ್ನಾನ ಅಥವಾ ನಿಮ್ಮ ಕೈಗಳಿಗೆ ಬಿಸಿ ಹಬೆ/ನೀರಿನ ಬ್ಯಾಗ್ ಬಳಸಿ. ಬಿಸಿ ಆವಿ ಅಥವಾ ಬಿಸಿ ನೀರಿನ ಬ್ಯಾಗ್ ಸಂಧಿವಾತ ನೋವಿಗೆ ಉತ್ತಮ ಪರಿಹಾರ ಒದಗಿಸುತ್ತದೆ. ಇದು ಆರ್ಥರೈಟಿಸ್ ನೋವನ್ನು ಉಪಶಮನ ಮಾಡುವ ಸುಲಭವಾದ ಮನೆಯಲ್ಲೇ ತಯಾರಿಸಬಹುದುದಾದ ಪರಿಹಾರಗಳಲ್ಲಿ ಒಂದಾಗಿದೆ. ನೀವು ಯಾವುದೇ ಹಾನಿಯಾಗದಂತೆ ನಿಯಮಿತವಾಗಿ ಈ ವಿಧಾನವನ್ನು ಬಳಸಬಹುದು.