ನೀವು ನಿರ್ಲಕ್ಷಿಸಬಾರದ ಆರು ಲಿವರ್ (ಯಕೃತ್ತು)ಕಾಯಿಲೆಯ ಲಕ್ಷಣಗಳು

ತಲೆಸುತ್ತುವಿಕೆ ಮತ್ತು ವಾಂತಿ:

ಸಾಕಷ್ಟು ಕಾಯಿಲೆಗಳಿಗೆ ವಾಂತಿ ಮತ್ತು ಸಲೆಸುತ್ತುವಿಕೆ ಸಾಮಾನ್ಯವಾಗಿ ಕಾಣಿಸಿಕೊಳ್ಳುವ ಸಮಸ್ಯೆ.ತಲೆಸುತ್ತಿವಿಕೆ ಹೆಚ್ಚಿದಂತೆ ವಾಂತಿ ಜೊತೆಗೆ ಬೆವರುವಿಕೆ ಕಾಣಿಸಿಕೊಳ್ಳುತ್ತದೆ.ನೀವು ಸೇವಿಸಿದ ಆಹಾರ ಬಾಯಿಯ ಮೂಲಕ ಹೊರಬರುವುದರ ಜೊತೆಗೆ ಇದು ತುಂಬಾ ಸುಸ್ತು ಮಾಡಿಸಿಬಿಡುತ್ತದೆ.ಇಂತಹ ಸಮಸ್ಯೆ ಕಾಣಿಸಿಕೊಂಡರೆ ತಕ್ಷಣ ವೈದ್ಯರ ಬಳಿ ಹೋಗುವುದು ಸೂಕ್ತ.

ಹೊಟ್ಟೆ ಮೇಲ್ಬದಿಯ ಬಲಭಾಗದಲ್ಲಿ ನೋವು:

ಹೊಟ್ಟೆಯ ಬಲ ಮೇಲ್ಭಾಗದಲ್ಲಿ ನಿಮ್ಮ ಯಕೃತ್ ಇದೆ.ಈ ಭಾಗದಲ್ಲಿ ನಿಮಗೆ ನೋವು ಕಾಣಿಸಿಕೊಂಡರೆ ಅದು ಲಿವರ್ ಗೆ ಸಂಬಂಧಿಸಿದ ಸಮಸ್ಯೆಯಾಗಿರಬಹುದು ಆದ್ದರಿಂದ ತಕ್ಷಣ ವೈದ್ಯರನ್ನು ಭೇಟಿ ಮಾಡಿ.

ಅಜೀರ್ಣ:

ಜೀರ್ಣಕ್ರಿಯೆ ನಡೆಯಲು ಯಕೃತ್ ಪ್ರಮುಖ ಅಂಗವಾದ್ದರಿಂದ ಲಿವರ್ ಗೆ ಯಾವುದೇ ರೀತಿಯ ಹಾನಿಯಾದರೆ ಇದು ಜೀರ್ಣಕ್ರಿಯೆಯನ್ನು ಖಡಿತಗೊಳಿಸುತ್ತದೆ.ನಿಮಗೆ ಇಂತಹ ಸಮಯದಲ್ಲಿ ಊಟ ಮಾಡಲು ಆಗದಿರಬಹುದು ಅಥವಾ ಹೊಟ್ಟೆಯಲ್ಲಿ ಸುಡುವ ಅನುಭವವಾಗಬಹುದು.

ದುರ್ಬಲತೆ ಮತ್ತು ಸುಸ್ತು:

ದೇಹಕ್ಕೆ ಬೇಕಾದ ಖನಿಜಾಂಶಗಳು,ವಿಟಮಿನ್ ಇವುಗಳನ್ನು ಲಿವರ್ ಹೀರಿಕೊಳ್ಳುತ್ತದೆ.ಲಿವರ್ ಕೆಲಸ ಮಾಡುವುದನ್ನು ನಿಲ್ಲಿಸಿದಾಗ ಇವುಗಳ ಕೊರತೆಯಿಂದಾಗಿ ಸುಸ್ತು ಮತ್ತು ದುರ್ಬಲತೆ ಕಾಣಿಸಿಕೊಳ್ಳಬಹುದು.

ತೂಕ ಕಳೆದುಕೊಳ್ಳುವಿಕೆ:

ಸಾಕಷ್ಟು ಬಾರಿ ಯಕೃತ್ ನ ರೋಗ ಜೀರ್ಣಕ್ರಿಯೆಯಾಗುವುದನ್ನು ನಿಲ್ಲಿಸಿದಾಗ ನಿಮಗೆ ಹಸಿವಾಗುವುದು ಕೂಡ ನಿಂತುಬಿಡಬಹುದು.ಈ ಕಾರಣಕ್ಕೆ ನೀವು ಅತಿಬೇಗ ತೂಕ ಕಳೆದುಕೊಳ್ಳಬಹುದು.

ಚರ್ಚ ಹಳದಿ ಬಣ್ಣ ಪಡೆಯುವುದು:

ಲಿವರ್ ಕ್ಯಾನ್ಸರ್ ರೋಗ ಬಂದರೆ ಚರ್ಮ ಮತ್ತು ಕಣ್ಣು ಹಳದಿ ಬಣ್ಣ ತಲುಪಿ ಕಾಮಾಲೆ ರೋಗ ಕಾಣಿಸಿಕೊಳ್ಳಬಹುದು.ಯಕೃತ್ ನ ರೋಗಗಳಿಂದ ದೇಹಕ್ಕೆ ಇತರ ಹಾನಿಯೂ ಆಗಬಹುದು ಆದ್ದರಿಂದ ಎಷ್ಟು ಸಾಧ್ಯವೋ ಅಷ್ಟು ಬೇಗ ವೈದ್ಯರನ್ನು ಕಾಣುವುದು ಸೂಕ್ತ.

ಈ ಮೇಲೆ ಹೇಳಿದ ಲಕ್ಷಣಗಳು ಕಾಣಿಸಿಕೊಂಡರೆ ಕಡೆಗಣಿಸದೆ ವೈದ್ಯರನ್ನು ಕಂಡು ಸಮಸ್ಯೆಯನ್ನು ಬಗೆಹರಿಸಿಕೊಳ್ಳಿ.