ದೇಹವನ್ನು ತೆಳ್ಳಗಾಗಿಸುವ ಮನೆ ಮದ್ದುಗಳಿವು

ನಿಂಬೆ ರಸವನ್ನು ಬಿಸಿ ನೀರಿನ ಜೊತೆ ಹಾಕಿ ಕುಡಿಯುವುದು

ಪ್ರತೀದಿನ ಬೆಳಗ್ಗೆ ಬಿಸಿ ನೀರಿಗೆ ಅರ್ಧ ನಿಂಬೆ ಹಣ್ಣಿನ ರಸವನ್ನು ಹಿಂಡಿ ಕುಡಿಯಬೇಕು. ಈ ರೀತಿ ಮಾಡುವುದರಿಂದ ಜೀರ್ಣಕ್ರಿಯೆ ಸರಿಯಾಗಿ ನಡೆಯುವುದರ ಜೊತೆಗೆ, ಅಧಿಕ ಕೊಬ್ಬಿನಂಶ ಕಡಿಮೆಯಾಗುವುದು, ತ್ವಚೆಯ ಕಾಂತಿ ಹೆಚ್ಚುವುದು.

ಗ್ರೀನ್ ಟೀ

ಗ್ರೀನ್ ಟೀಯಿಂದ ಹೆಚ್ಚಿನ ಪ್ರಯೋಜನ ಪಡೆಯಲು ಸಕ್ಕರೆ ಹಾಕಿ ಕುಡಿಯದಿರುವುದು ಒಳ್ಳೆಯದು. ಸಕ್ಕರೆ ಬದಲು ಜೇನು ಹಾಕಿ, ಸ್ವಲ್ಪ ನಿಂಬೆ ರಸ ಹಿಂಡಿದರೆ ಗ್ರೀನ್ ಟೀ ಕುಡಿಯಲು ರುಚಿಕರವಾಗಿರುತ್ತದೆ.

ಸೋರೆಕಾಯಿ ಜ್ಯೂಸ್

ದೇಹದ ತೂಕ ಕಮ್ಮಿಯಾಗಬೇಕೆಂದು ಬಯಸುವವರು ಸೋರೆಕಾಯಿ ಜ್ಯೂಸ್ ಮಾಡಿ ಕುಡಿಯುವುದು ಒಳ್ಳೆಯದು. ಇದರಲ್ಲಿ ನಾರಿನಂಶ ಅಧಿಕವಿರುವುದರಿಂದ ಅಧಿಕ ತೂಕವನ್ನು ಕಮ್ಮಿ ಮಾಡಿ, ದೇಹಕ್ಕೆ ಶಕ್ತಿಯನ್ನು ತುಂಬುತ್ತದೆ.

ಆಪಲ್ ಸೈಡರ್ ವಿನೆಗರ್

ಆಪಲ್ ಸೈಡರ್ ವಿನೆಗರ್ ಕೂಡ ತೂಕ ಇಳಿಸುವಲ್ಲಿ ತುಂಬಾ ಸಹಕಾರಿ. ಒಂದು ಚಮಚ ವಿನೆಗರ್ ಅನ್ನು ಒಂದು ಲೋಟ ನೀರಿಗೆ ಹಾಕಿ ಕುಡಿಯಿರಿ. ಈ ರೀತಿ ದಿನದಲ್ಲಿ ಎರಡು ಬಾರಿ ಕುಡಿಯುತ್ತಾ ಬಂದರೆ ಅಧಿಕ ತೂಕದಿಂದ ಸಾಮಾನ್ಯ ತೂಕಕ್ಕೆ ಬರಲು ಕೆಲವೇ ತಿಂಗಳು ಸಾಕು.

ಬೆರ್ರಿ ಜ್ಯೂಸ್

ಯಾವುದೇ ಬೆರ್ರಿ ಜ್ಯೂಸ್ ಆಗಿರಲಿ, ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಅಲ್ಲದೆ ಬೆರ್ರಿ ಫ್ರೂಟ್ ಡಯಟ್ ಮಾಡಿ ದೇಹದ ತೂಕವನ್ನು ಕಮ್ಮಿ ಮಾಡಿಕೊಳ್ಳಬಹುದು.

ಮೇಪಲ್ ಸಿರಪ್ ಮತ್ತು ನೀರು (Maple Syrup)

ಮೇಪಲ್ ಸಿರಪ್ ಅನ್ನು ಬಿಸಿ ನೀರಿನಲ್ಲಿ ಕರಗಿಸಿ ಕುಡಿದರೆ ದೇಹದ ತೂಕ ಕಮ್ಮಿಯಾಗುವುದು. ಮೇಪಲ್ ಸಿರಪ್ ಬೆಂಗಳೂರಿನಲ್ಲಿ ಬ್ರಿಗೇಡ್ , ಜಯಾನಗರದಲ್ಲಿರುವ ನೀಲ್ ಗಿರೀಸ್ ನಲ್ಲಿ ಅಥವಾ ಕಮರ್ಷೀಯಲ್ ಸ್ಟ್ರೀಟ್ ನಲ್ಲಿರುವ ಡಾಲರ್ ಸ್ಟೋರ್ ನಲ್ಲಿ ಕೇಳಿ ನೋಡಿ ಸಿಗಬಹುದು.

ಬೇಯಿಸಿದ ಆಪಲ್

ಆಪಲ್ ಅನ್ನು ಹಾಗೇ ತಿನ್ನುವುದಕ್ಕಿಂತ ಬೇಯಿಸಿ ತಿಂದರೆ ತುಂಬಾ ಒಳ್ಳೆಯದು. ಅಲ್ಲದೆ ಬೇಯಿಸಿದ ಸೇಬು ದೇಹದಲ್ಲಿರುವ ಕಲ್ಮಶಗಳನ್ನು ಹೊರಹಾಕಿ ದೇಹದ ತೂಕವನ್ನು ಕಮ್ಮಿ ಮಾಡುವಲ್ಲಿ ಸಹಕಾರಿಯಾಗಿದೆ.

ಕರಿ ಮೆಣಸಿನ ಪುಡಿ ಮತ್ತು ಶುಂಠಿ

ಸ್ವಲ್ಪ ಕರಿ ಮೆಣಸು ಮತ್ತು ಶುಂಠಿಯನ್ನು ಪುಡಿ ಮಾಡಿ ತಿಂದರೆ ಇವುಗಳು ದೇಹದಲ್ಲಿರುವ ಕಲ್ಮಶಗಳನ್ನು ಹೊರಹಾಕಿ ದೇಹದ ತೂಕವನ್ನು ಕಮ್ಮಿ ಮಾಡುವಲ್ಲಿ ಸಹಕಾರಿಯಾಗಿದೆ.