'ವ್ಯಾಯಾಮ ನನಗೆ ಬೇಕಾಗಿಲ್ಲ' ಎಂಬ ಧೋರಣೆಯೇ?

Diet Fitness

oi-Reena

By Hema S

Published: Monday, May 28, 2012, 9:28 [IST]

ಆರೋಗ್ಯದ ವಿಷಯದಲ್ಲಿ ಸಂಕಟ ಅಂತ ಬಂದಾಗ ವೆಂಕಟರಮಣ ಅನ್ನುವವರೇ ನಮ್ಮಲ್ಲಿ ಹೆಚ್ಚು. ವ್ಯಾಯಾಮ ಮಾಡಿದರೆ ಆರೋಗ್ಯಕ್ಕೆ ಒಳ್ಳೆಯದು ಎಂದು ಗೊತ್ತಿದ್ದರೂ ಕಾಯಿಲೆ ಅಥವಾ ಬೊಜ್ಜು ಬಂದು ಅನಿವಾರ್ಯವಾಗಿ ವ್ಯಾಯಾಮ ಮಾಡಬೇಕಾದ ಪರಿಸ್ಥಿತಿ ಬರುವವರೆಗೆ ಹೆಚ್ಚಿನವರು ವ್ಯಾಯಾಮ ಮಾಡುವುದಿಲ್ಲ. ಮತ್ತೆ ಕೆಲವರು ನಾನು ತೆಳ್ಳಗಿದ್ದೇನೆ, ವ್ಯಾಯಾಮ ಮಾಡಿದರೆ ಮತ್ತಷ್ಟು ತೆಳ್ಳಗಾಗುತ್ತೇನೆ ಎಂಬ ತಪ್ಪು ಅಭಿಪ್ರಾಯವನ್ನು ಹೊಂದಿರುತ್ತಾರೆ. ಆದರೆ ಮನುಷ್ಯ ದಪ್ಪಗಿರಲಿ ಅಥವಾ ತೆಳ್ಳಗಿರಲಿ, ಯಾವುದೇ ವಯಸ್ಸಿನವರಾಗಿರಲಿ ವ್ಯಾಯಾಮ ಮಾಡಿದರೆ ಆರೋಗ್ಯಕ್ಕೆ ಒಳ್ಳೆಯದು.

ವ್ಯಾಯಾಮ ಮಾಡುವುದರಿಂದ ಸಮತೂಕದ ಮೈ ಪಡೆಯಬಹುದು. ಇದರಿಂದ ಸೌಂದರ್ಯ ಹೆಚ್ಚಾಗುವುದು ಮಾತ್ರವಲ್ಲ ಸ್ನಾಯು ಮತ್ತು ಮೂಳೆಗಳು ಬಲವಾಗುತ್ತದೆ. ಚಿಕ್ಕ ಮಕ್ಕಳ ಬೆಳವಣಿಗೆಗೆ ತುಂಬಾ ಸಹಕಾರಿಯಾಗುತ್ತದೆ. ಚಿಕ್ಕದಲ್ಲಿ ಸ್ಕೂಲಿನಲ್ಲಿ ಪಿಟಿ ಮಾಸ್ಟರು ಹೇಳಿಕೊಡುವ ವ್ಯಾಯಾಮಗಳನ್ನು ಬೆಳೆಯುತ್ತಿದ್ದಂತೆ ಮರೆತು ಬಿಡುತ್ತೇವೆ. ನಂತರ ಬೊಜ್ಜು ಎಂಬ ಸಮಸ್ಯೆ ಬರುವಾಗ ವ್ಯಾಯಾಮದ ಕುರಿತು ಯೋಚಿಸುತ್ತೇವೆ.

ವ್ಯಾಯಾಮ ಮಾಡುತ್ತಿದ್ದರೆ ಕೊಲೆಸ್ಟ್ರಾಲ್, ಹೃದ್ರೋಗ ಬರದಂತೆ ತಡೆಗಟ್ಟಬಹುದು. ವಯಸ್ಸಾದ ಮೇಲೆ ವ್ಯಾಯಾಮ ಮಾಡುತ್ತೇವೆ ಅನ್ನುವ ಧೋರಣೆಯ ಬದಲು ಸಣ್ಣ ಪ್ರಾಯದಲ್ಲಿಯೇ ವ್ಯಾಯಾಮ ಪ್ರಾರಂಭಿಸಿದರೆ ಒಳ್ಳೆಯದು. ದಿನದಲ್ಲಿ ಅರ್ಧ ಗಂಟೆ ವ್ಯಾಯಾಮದಂತೆ ಪ್ರತಿದಿನ ಮಾಡಬಹುದು ಇಲ್ಲದಿದ್ದರೆ ಕನಿಷ್ಠ ಪಕ್ಷ ವಾರಕ್ಕೆ 5 ಬಾರಿಯಾದರೂ ವ್ಯಾಯಾಮ ಮಾಡುವ ಅಭ್ಯಾಸವನ್ನು ಬೆಳೆಸಿಕೊಳ್ಳಬೇಕು. ಈ ರೀತಿ ಮಾಡಿದ್ದೇ ಆದರೆ ಅನೇಕ ಕಾಯಿಲೆಗಳನ್ನು ತಡೆಗಟ್ಟುವ ಸಾಮಾರ್ಥ್ಯವನ್ನು ನಿಮ್ಮ ದೇಹ ಹೊಂದುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.