ತೆಳ್ಳಗಿದ್ದರೂ ಕಾಡಬಹುದು ಹೊಟ್ಟೆ ಬೊಜ್ಜು!

ಬೊಜ್ಜು ಹೊಟ್ಟೆ ಹೆಚ್ಚಿನವರಲ್ಲಿ ಕಂಡು ಬರುವ ಸಮಸ್ಯೆಯಾಗಿದೆ. ದಪ್ಪಗಿದ್ದವರಿಗೆ ಮಾತ್ರವಲ್ಲ ತೆಳ್ಳಗಿದ್ದವರಿಗೂ ಹೊಟ್ಟೆ ದಪ್ಪಗಾಗುತ್ತದೆ. ಬೊಜ್ಜು ಹೊಟ್ಟೆಯಲ್ಲಿ ಅನೇಕ ವಿಧಗಳಿವೆ. ಕೆಳಹೊಟ್ಟೆಯ ಬೊಜ್ಜು, ಮಡಿಕೆಯಂತಹ ಹೊಟ್ಟೆ, ಬೀರ್ ಹೊಟ್ಟೆ ಹೀಗೆ ಹೊಟ್ಟೆಯ ಬೊಜ್ಜನ್ನು ನಾನಾ ಹೆಸರಿನಿಂದ ಕರೆಯಲಾಗುತ್ತದೆ.

ಅಧಿಕ ಕ್ಯಾಲೋರಿಯ ಆಹಾರಗಳನ್ನು ತಿನ್ನುವುದರಿಂದ, ದೇಹದಲ್ಲಿ ಹಾರ್ಮೋನ್ ಗಳ ವ್ಯತ್ಯಾಸದಿಂದ ಹೊಟ್ಟೆ ಬೊಜಿನ ಸಮಸ್ಯೆ ಉಂಟಾಗುವುದು. ದಿನದಲ್ಲಿ ಅರ್ಧ ಗಂಟೆ ನಿಯಮಿತ ವ್ಯಾಯಾಮ ಮಾಡುವವರಿಗೆ ಈ ಹೊಟ್ಟೆ ಬೊಜ್ಜಿನ ಸಮಸ್ಯೆ ಕಂಡು ಬರುವುದಿಲ್ಲ.

ಸಾಮಾನ್ಯವಾಗಿ ಸಣ್ಣಗಿದ್ದವರಿಗೆ ನನಗೆ ವ್ಯಾಯಾಮ ಅಗತ್ಯವಿಲ್ಲ, ಹೊಟ್ಟೆ ಬೊಜ್ಜಿನ ಸಮಸ್ಯೆ ಕಂಡು ಬರುವುದಿಲ್ಲ ಎಂಬ ಭಾವನೆ ಇರುತ್ತದೆ. ಹೊಟ್ಟೆ ಬೊಜ್ಜಿಗೂ, ದೇಹದ ತೂಕಕ್ಕೂ ಸಂಬಂಧವಿಲ್ಲ. ಬೊಜ್ಜು ಹೊಟ್ಟೆ ಅನೇಕ ಸಮಸ್ಯೆಗಳನ್ನು ತರುತ್ತದೆ. ಬೊಜ್ಜು ಹೊಟ್ಟಯಿಂದ ಹಾರ್ಮೋನ್ ಗಳಲ್ಲಿ ವ್ಯತ್ಯಾಸ ಉಂಟಾಗಿ ಕಾಯಿಲೆಗಳು ಶುರುವಾಗುವುದು.

ಇದು ದೇಹಕ್ಕೆ ಆಮ್ಲಜನಕ ಪೂರೈಕೆಗೆ ತಡೆಯೊಡ್ಡುತ್ತದೆ. ಹೊಟ್ಟೆಯನ್ನು ಹೋಗಲಾಡಿಸಬೇಕೆಂದು ಸರಿಯಾಗಿ ಊಟ ಮಾಡದೆ ಕಾಯಿಲೆ ಬೀಳುವ ಬದಲು ಚೆನ್ನಾಗಿ ತಿಂದು ವ್ಯಾಯಾಮ ಮಾಡಿದರೆ ಸಾಕು ಹೊಟ್ಟೆಯ ಬೊಜ್ಜು ಕರಗುವುದು.

ಬರೀ ಡಯಟ್ ಮಾಡಿ ದೇಹದ ತೂಕ ಕ್ಮಮಿ ಮಾಡಲು ಪ್ರಯತ್ನಿಸಿದರೆ ಹೃದ್ರೋಗದ ತೊಂದರೆಗಳು ಕಾಣಿಸಿಕೊಳ್ಳಬಹುದು. ಆದ್ದರಿಂದ ಎಚ್ಚರ!
ಹೊಟ್ಟೆ ಬೊಜ್ಜು ಕರಗಿಸಲು ಮಾರ್ಗಗಳು
* ಆರೋಗ್ಯಕರವಾಗಿ ದೇಹದ ತೂಕವನ್ನು ಕಡಿಮೆ ಮಾಡುವುದು
*ಧ್ಯಾನದ ಮುಖಾಂತರ ಮಾನಸಿಕ ಒತ್ತಡವನ್ನು ಹೊರದಬ್ಬುವುದು
* ಸಾಕಷ್ಟು ನೀರು ಕುಡಿದು ದೇಹದಲ್ಲಿರುವ ಕಶ್ಮಲಗಳನ್ನು ಹೊರಹಾಕುವುದು.

ಓಟ್ಸ್, ಗೋಧಿ, ಕೆಂಪಕ್ಕಿ ಅನ್ನ, ಹಸಿರು ತರಕಾರಿ ಇವುಗಳನ್ನು ಆಹಾರಕ್ರಮದಲ್ಲಿ ಶೇರಿಸಿದರೆ ಹೊಟ್ಟೆ ಬೊಜ್ಜಿನಿಂದ ಪಾರಾಗಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.