ಪಿಜ್ಜಾ ತಿಂದರೂ ದಪ್ಪಗಾಗದಿರಲು ಸರಳ ಸೂತ್ರ!

Diet Fitness

oi-Reena

By Hema S

Updated: Friday, July 27, 2012, 11:18 [IST]

ಪ್ರತಿ ವೀಕೆಂಡ್ ಬರುತ್ತಿದ್ದ ಹಾಗೇ ಈ ವಾರ ಎಲ್ಲಿ ಜೌಟಿಂಗ್ ಹೋಗಬೇಕು ಎಂದು ಯೋಚಿಸುತ್ತಿರುತ್ತೇವೆ. ಜೌಟಿಂಗ್ ಹೋದರೆ ಡಯಟ್ ಬದಿಗೊತ್ತಿ ಪಿಜ್ಜಾ, ಬರ್ಗರ್ ಅಂತ ತಿಂದು ಬಿಡುತ್ತೇವೆ. ನಂತರ ದೇಹದ ತೂಕ ಜಾಸ್ತಿಯಾಗುತ್ತಿದೆ ಎಂದು ಯೋಚನೆ ಮಾಡುತ್ತೇವೆ, ಆದರೆ ಪಿಜ್ಜಾ, ಬರ್ಗರ್ ನಿಂದ ದೂರವಿರುವುದು ಸ್ವಲ್ಪ ಕಷ್ಟದ ವಿಷಯವಾಗಿದೆ.

ವಾರಪೂರ್ತಿ ಡಯಟ್ ಮಾಡಿ ನಂತರ ವೀಕೆಂಡ್ ನಲ್ಲಿ ಒಂದು ದಿನ ತಾನೆ ಎಂದು ಪಿಜ್ಜಾ ತಿಂದು ಬಿಡುತ್ತೇವೆ. ಪಿಜ್ಜಾ ಮಾತ್ರಕ್ಕೆ ನಿಲ್ಲಿಸುವುದಿಲ್ಲ, ಕೋಕ್, ಐಸ್ ಕ್ರೀಮ್ ಅಂತ ಹೊಟ್ಟೆಗೆ ಇಳಿಸುತ್ತೇವೆ. ಅಲ್ಲಿಗೆ ಒಂದು ವಾರದ ಡಯಟ್ ನಿಷ್ಪ್ರಯೋಜಕವಾಗಿ ಬಿಡುತ್ತದೆ.

ಚಿಂತೆ ಮಾಡಬೇಡಿ, ಪಿಜ್ಜಾ ತಿಂದರೂ ದೇಹದ ತೂಕ ಹೆಚ್ಚಾಗದಿರಲು ಈ ಕೆಳಗಿನ ಸೂತ್ರಗಳನ್ನು ಪಾಲಿಸಿ. ಈ ಸೂತ್ರ ನೆನೆಪಿಡಲು ಸುಲಭ.

ಈ ಸೂತ್ರಕ್ಕೆ ಬೇಕಾದ ವಸ್ತುಗಳು
ಒಂದು ಸೇಬು ಮತ್ತು ಒಂದು ಸಾಧಾರಣ ಗಾತ್ರದ ಲೋಟ ನನೀರು ಇಟ್ಟುಕೊಳ್ಳಬೇಕು. ನಂತರ ಈ ಕೆಳಗಿನಂತೆ ಮಾಡಿ

ವಿಧಾನ 1: ಪಿಜ್ಜಾ ತಿನ್ನುವ 15-20 ನಿಮಿಷ ಮೊದಲು ಸಾಧಾರಣ ಗಾತ್ರದ ಸೇಬು ತಿನ್ನಬೇಕು. ಇದನ್ನು ಪಿಜ್ಜಾ ಸೆಂಟರ್ ಗೆ ಹೋಗುವ ದಾರಿಯಲ್ಲಿ ಗಾಡಿಯಲ್ಲಿ ಹೋಗುವಾಗ ತಿಂದುಕೊಂಡು ಹೋದರೂ ಸಾಕು. (ಕುಡಿದು ಗಾಡಿ ಓಡಿಸಿದರೆ ತಪ್ಪು, ಸೇಬು ತಿನ್ನುತ್ತಾ ಗಾಡಿ ಹೋಡಿಸಬಹುದಲ್ವಾ?)

ವಿಧಾನ 2: ನಂತರ ಪಿಜ್ಜಾ ಸೆಂಟರ್ ಹೋಗಿ ಪಿಜ್ಜಾಕ್ಕೆ ಆರ್ಡರ್ ಕೊಡುವಾಗ ಒಂದು ನೀರಿನ ಬಾಟಲಿ ಕೂಡ ಕೊಂಡುಕೊಳ್ಳಿ, ನಂತರ ಪಿಜ್ಜಾ ಬಂದ ನಂತರ ಒಂದೊಂದು ತುಂಡು ತಿನ್ನುವಾಗಲೂ ಒಂದು ಲೋಟ ನೀರು ಕುಡಿಯಿರಿ, ನಾಲ್ಕು ಪೀಸ್ ಪಿಜ್ಜಾ ತಿಂದರೆ ನಾಲ್ಕು ಗ್ಲಾಸ್ ನೀರು ಕುಡಿಯಬೇಕು . ಈ ರೀತಿ ಮಾಡಿದ್ದೇ ಆದರೆ ಒಳ್ಳೆಯ ಪ್ರಯೋಜನವನ್ನು ಕಾಣಬಹುದು.

ಇದಲ್ಲದೆ ಈ ಕೆಳಗಿನ ಸಲಹೆಗಳನ್ನು ಕೂಡ ಪಾಲಿಸಬಹುದು:

ಮನೆಯಲ್ಲಿ ಪಿಜ್ಜಾ ತಂದು ತಿನ್ನುವುದಾದರೆ ಒಂದು ತುಂಡು ತಿಂದು ನಂತರ ಒಂದು ಲೋಟ ನೀರು ಕುಡಿದು ಸ್ವಲ್ಪ ಮನೆ ಕೆಲಸ ಮಾಡಿ ಅಥವಾ ಸ್ವಲ್ಪ ಹೊತ್ತು ಓಡಾಡಿ ನಂತರ ತಿನ್ನಿ. ಈ ಮಾಡಿದರೆ ಪಿಜ್ಜಾ ಸ್ವಲ್ಪ ತಿಂದರೂ ಸಾಕಾಗುವುದು.

ಸಲಹೆ: ಒಂದು ವೇಳೆ ನಿಮಗೆ ಪಿಜ್ಜಾ ತುಂಬಾ ಇಷ್ಟವಿದ್ದರೂ ಒಂದು ಪಿಜ್ಜಾ ಒಬ್ಬರೇ ತಿನ್ನಬೇಡಿ , ಸ್ನೇಹಿತರ ಜೊತೆ ಹೋಗಿ, 2 ಪೀಸ್ ಗಿಂತ ಅಧಿಕ ಪಿಜ್ಜಾ ತಿನ್ನಲು ಹೋಗಬೇಡಿ. ಏಕೆಂದರೆ ಸಮತೂಕದ ಮೈಕಟ್ಟಿಗೆ 2000 ಕ್ಯಾಲೋರಿ ಮಾತ್ರ ತಿನ್ನಬೇಕು. ಆದರೆ ಚೀಸ್ ಹಾಕಿ ತಯಾರಿಸಿದ ಪಿಜ್ಜಾದಲ್ಲಿ 5000 ಕ್ಯಾಲೋರಿ ಇರುತ್ತದೆ.

ಪಿಜ್ಜಾ ತಿಂದ ಮೇಲೆ ಆ ದಿನ ಇತರ ಆಹಾರಗಳನ್ನು ಸೇವಿಸುವಾಗ ಕ್ಯಾಲೋರಿ ಕಡಿಮೆ ಇರುವ ಆಹಾರ ತಿನ್ನಿ. ಈ ರೀತಿ ಮಾಡಿದರೆ ಪಿಜ್ಜಾ ತಿಂದರೂ ದೇಹದ ತೂಕ ಹೆಚ್ಚಾಗದಂತೆ ನೋಡಿಕೊಳ್ಳಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.