ಬೊಜ್ಜು ಹೊಟ್ಟೆ ತರುವುದು ನಾನಾ ಕಾಯಿಲೆ

Diet Fitness

oi-Reena

By Hema S

Updated: Friday, September 21, 2012, 11:35 [IST]

ಗಣಪನ ಹೊಟ್ಟೆಯ ರೀತಿ ಹೊಟ್ಟೆ ಬಂದರೆ ಒಂದಲ್ಲಾ ಒಂದು ಕಾಯಿಲೆ ಬರುವುದು ಕಟ್ಟಿಟ್ಟ ಬುತ್ತಿ. ಆದ್ದರಿಂದ ಬೊಜ್ಜಿನ ಹೊಟ್ಟೆ ಬರಲು ಅವಕಾಶ ಕೊಡಬಾರದು. ಬೊಜ್ಜಿನ ಹೊಟ್ಟೆ ಈ ಕೆಳಗಿನ ಪ್ರಮುಖ ಕಾರಣಗಳಿಂದ ಉಂಟಾಗುತ್ತದೆ.

1. ವ್ಯಾಯಾಮ ಮಾಡದಿರುವುದು: ಬೊಜ್ಜಿನ ಹೊಟ್ಟೆ ಬರಲು ಪ್ರಮುಖ ಕಾರಣ ಪ್ರತಿದಿನ ವ್ಯಾಯಾಮ ಮಾಡದಿರುವುದು. ಸರಿಯಾದ ದೈಹಿಕ ಶ್ರಮವಿಲ್ಲದಿದ್ದರೆ ಬೊಜ್ಜಿನ ಹೊಟ್ಟೆ ಬರುವುದು.

2. ಅಧಿಕ ಕೊಲೆಸ್ಟ್ರಾಲ್: ದೇಹ ಸಣ್ಣಗೆ ಇದ್ದು ಹೊಟ್ಟೆ ಮಾತ್ರ ದಪ್ಪವಿದ್ದರೆ ಇದರಿಂದಾಗಿ ಕೊಲೆಸ್ಟ್ರಾಲ್ ತೊಂದರೆ ಉಂಟಾಗುತ್ತದೆ. ಈ ರೀತಿ ಹೊಟ್ಟೆ ಬರುತ್ತಿದ್ದರೆ ಕೊಲೆಸ್ಟ್ರಾಲ್ ಇದೆಯೇ ಎಂದು ಪರೀಕ್ಷಿಸಿ , ಕೊಲೆಸ್ಟ್ರಾಲ್ ನಿಯಂತ್ರಣಕ್ಕೆ ಔಷಧಿ ಮತ್ತು ಆರೋಗ್ಯಕರ ಆಹಾರವನ್ನು ತೆಗೆದುಕೊಳ್ಳಬೇಕು.

3. ಬೀರ್: ಬೀರ್ ಅನ್ನು ಮಿತಿಯಲ್ಲಿ ಕುಡಿದರೆ ಆರೋಗ್ಯಕ್ಕೆ ಒಳ್ಳೆಯದು. ಅದೇ ಮಿತಿ ಮಿರಿ ಕುಡಿದರೆ ಬೊಜ್ಜು ಹೊಟ್ಟೆ ಬರಲಾರಂಭಿಸುತ್ತದೆ.

ಈ ರೀತಿಯ ಬೊಜ್ಜಿನಿಂದ ಈ ಕೆಳಗಿನ ಸಮಸ್ಯೆಗಳು ಕಂಡು ಬರುತ್ತದೆ.

1. ಅಧಿಕ ರಕ್ತದೊತ್ತಡ: ಬೊಜ್ಜು ಹೆಚ್ಚಾದಂತೆ ಒಬೆಸಿಟಿ ತೊಂದರೆ ಕಾಣಿಸಿಕೊಳ್ಳುತ್ತದೆ. ಒಬೆಸಿಟಿ ಹೆಚ್ಚಾದಂತೆ ಅಧಿಕ ರಕ್ತದೊತ್ತಡ, ಹೃದಯದ ಸಮಸ್ಯೆ ಕಾಣಿಸಿಕೊಳ್ಳುವುದು.

2. ಮಕ್ಕಳಾಗದಿರುವುದು: ಅಧಿಕ ಬೊಜ್ಜಿದ್ದರೆ ಮಹಿಳೆಯರಲ್ಲಿ ಮಕ್ಕಳಾಗುವ ಸಾಧ್ಯತೆ ಕಡಿಮೆ. ಪುರುಷರಲ್ಲೂ ಕೂಡ ಅಧಿಕ ಬೊಜ್ಜಿನಿಂದ ದೇಹದ ಉಷ್ಣತೆ ಹೆಚ್ಚಾಗಿ ವೀರ್ಯಾಣುಗಳು ಕಡಿಮೆ ಪ್ರಮಾಣದಲ್ಲಿ ಉತ್ಪತ್ತಿಯಾಗುವುದರಿಂದ ಮಕ್ಕಳಾಗುವ ಸಾಧ್ಯತೆ ಕಡಿಮೆಯಾಗುವುದು.

3. ಮರೆವು: ಒಬೆಸಿಟಿ ಇರುವವರಿಗೆ ಅಲ್ಜೈಮರ್ಸ್ ಅಥವಾ ಮರೆವು ಕಂಡು ಬರುತ್ತದೆ.

ಈ ಎಲ್ಲಾ ಸಮಸ್ಯೆಗಳು ಬರದಂತೆ ತಡೆಯಲು ವ್ಯಾಯಾಮ ಮತ್ತು ಆಹಾರಕ್ರಮ ಉತ್ತಮ ವಿಧಾನವಾಗಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.