ಟಮ್ಮಿಕರಗಿಸಲು ಇಲ್ಲಿದೆ ಸುಲಭದ ಟ್ರಿಕ್ಸ್

ಸಮಯದ ಮ್ಯಾಜಿಕ್

ಪ್ರೋಟೀನ್ ಇರುವ ಸ್ನಾಕ್ಸ್ ಅನ್ನು ಸಂಜೆ 3-4 ಗಂಟೆ ಹೊತ್ತಿಗೆ ತಿನ್ನಬೇಕು. ಇದರಿಂದ ದೇಹದಲ್ಲಿ ಸಕ್ಕರೆ ಅಂಶವನ್ನು ನಿಯಂತ್ರಣದಲ್ಲಿಡಬಹುದು. ಸಕ್ಕರೆ ಅಂಶ ಕಡಿಮೆ ಇದ್ದರೆ ಇನ್ಸುಲಿನ್ ಕಡಿಮೆಯಾಗುತ್ತದೆ. ಇನ್ಸುಲಿನ್ ಕಡಿಮೆಯಾದರೆ ಸೊಂಟದ ಸುತ್ತ ಕೊಬ್ಬಿನಂಶ ಸಂಗ್ರಹವಾಗುತ್ತದೆ. ಆದ್ದರಿಂದ ದೇಹದಲ್ಲಿ ಇನ್ಸುಲಿನ್ ಪ್ರಮಾಣ ಸರಿಯಾದ ರೀತಿಯಲ್ಲಿ ಇರುವಂತೆ ನೋಡಿಕೊಳ್ಳಬೇಕು. ಸ್ವಲ್ಪ -ಸ್ವಲ್ಪ ಆಹಾರನ್ನು 3-4 ಗಂಟೆಗಳ ಬಿಡುವಿನಲ್ಲಿ ತಿನ್ನಬೇಕು. ಈ ರೀತಿ ಮಾಡಿದರೆ ದೇಹದಲ್ಲಿ ಸಕ್ಕರೆಯಂಶ ಹೆಚ್ಚು-ಕಡಿಮೆಯಾಗದೆ ಸರಿಯಾದ ರೀತಿಯಲ್ಲಿರುತ್ತದೆ.

ಬಾಲ್ ವ್ಯಾಯಾಮ

ಬಾಲ್ ಅನ್ನ ಕೈಯಲ್ಲಿ ಹಿಡಿದುಕೊಂಡು ನೇರವಾಗಿ ಮಲಗಬೇಕು. ಈಗ ಬಾಲ್ ಅನ್ನು ತಲೆಯ ಹತ್ತಿರ ಹಿಡಿದು ನಿಧಾನಕ್ಕೆ ಅದನ್ನು ಎದೆ ಭಾಗಕ್ಕೆ, ನಂತರ ಸೊಂಟಕ್ಕೆ ನಂತರ ಕಾಲಿನವರೆಗೆ ತಂದು ಅದನ್ನು ಪಾದಗಳ ನಡುವಿನಲ್ಲಿಟ್ಟು ನಂತರ ತೆಗೆದು ತಲೆ ಹತ್ತಿರ ಹಿಡಿದು ಪುನಃ ಇದೇ ರೀತಿ ಮಾಡಿ. ಈ ರೀತಿ ದಿನಾ 3-4 ಬಾರಿ ಮಾಡಿದರೆ ಸಾಕು ಹೊಟ್ಟೆಯ ಬೊಜ್ಜು ಕರಗುವುದು.

ಜೀರೋ ಗ್ರಾಂ ಆಫ್ ಶುಗರ್

ಜೀರೋ ಗ್ರಾಂ ಆಫ್ ಶುಗರ್ ಅನ್ನು ಟೀ , ಕಾಫಿಗೆ ಬಳಸುವುದರಿಂದ, ಸಕ್ಕರೆಯಂಶ ಇಲ್ಲದ ತಿಂಡಿ ತಿನ್ನುವುದರಿಂದ, ಕರಿದ ಪದಾರ್ಥಗಳಿಂದ ದೂರವಿರುವುದರಿಂದ ಕೂಡ ಬೊಜ್ಜು ಹೊಟ್ಟೆ ಬರುವುದನ್ನು ತಡೆಯಬಹುದು.

ಆಹಾರವನ್ನು ಚೆನ್ನಾಗಿ ಜಗಿದು ತಿನ್ನಿ

ಆಹಾರವನ್ನು ಚೆನ್ನಾಗಿ ಜಗಿದು ತಿಂದರೆ ಜೀರ್ಣಕ್ರಿಯೆ ಸುಲಭವಾಗುವುದು ಹಾಗೂ ಹೊಟ್ಟೆ ಗ್ಯಾಸ್ ನ ಸಮಸ್ಯೆ ಉಂಟಾಗುವುದಿಲ್ಲ.

ಉಪ್ಪು

ಕಡಿಮೆ ಸೋಡಿಯಂ ಇರುವ ಉಪ್ಪನ್ನು ಬಳಸಿ, ಸಲಾಡ್ ಗಳಲ್ಲಿ ಉಪ್ಪಿನ ಬದಲು ಸೋಯಾ ಸಾಸ್ ಬಳಸಿದರೆ ಹೊಟ್ಟೆಯಲ್ಲಿ ಬೊಜ್ಜು ಶೇಖರವಾಗುವುದು ಕಡಿಮೆಯಾಗುತ್ತದೆ.

ಮಿತವಾದ ಆಹಾರ

ಹೊಟ್ಟೆ ಕರಗಬೇಕೆಂದು ಕೊಬ್ಬಿನ ಆಹಾರ ಬಿಟ್ಟು ಪ್ರೊಟೀನ್ ಆಹಾರ ತಿನ್ನಲಾರಂಭಿಸುತ್ತಾರೆ. ಪ್ರೊಟೀನ್ ಆಹಾರವನ್ನು ಮಿತವಾಗಿ ತಿನ್ನಿ. ಆಹಾರವನ್ನು ಮಿತಿ ಮೀರಿ ತಿಂದರೆ ದಪ್ಪ ಕಮ್ಮಿಯಾಗಲು ಸಾಧ್ಯವಿಲ್ಲ.