ಸಚಿನ್ ತೆಂಡೂಲ್ಕರ್ ಶತಕ ಶಕ್ತಿಯ ಗುಟ್ಟುರಟ್ಟು

Diet Fitness

oi-Reena

By Hema S

Published: Friday, March 16, 2012, 18:09 [IST]

ಕ್ರಿಕೆಟ್ ಇತಿಹಾಸದಲ್ಲಿ ನೂರನೇ ಶತಕ ದಾಖಲೆ ಬರೆದ ಸಚಿನ್ ಆರೋಗ್ಯದ ಗುಟ್ಟೇನು? ಅವರು ತಿನ್ನುವ ಆಹಾರವೇನು? ಅವರ ಆಹಾರ ದಿನಚರಿಯೇನು? ಇನ್ನೂ ತರುಣನಾಗಿ ಕಾಣುವ ಅವರ ಫಿಟ್ ನೆಸ್ ಸೀಕ್ರೆಟ್ ಏನು? ಹೀಗೆ ಹತ್ತು ಹಲವು ಪ್ರಶ್ನೆಗಳು ನಿಮ್ಮ ಮನದಲ್ಲಿರಬಹುದು.

ಸಚಿನ್ ಡಯೆಟ್ ನಲ್ಲಿ ಶೇಕಡ 40ರಷ್ಟು ಕಾರ್ಬೋಹೈಡ್ರೇಟ್, ಶೇಕಡ 30ರಷ್ಟು ಕೊಬ್ಬಿನಂಶ ಮತ್ತು ಶೇಕಡ 30ರಷ್ಟಿ ಪ್ರೊಟೀನ್ ಅಂಶವಿರುವ ಆಹಾರ ಸೇವಿಸುತ್ತ ಬಂದಿದ್ದಾರೆ. ಇದು ಅವರ ಶೇಕಡ 100ರಷ್ಟು ಶತಕದ ಗುಟ್ಟು ಕೂಡ ಆಗಿರಬಹುದು.

ಬೆಳಗಿನ ತಿಂಡಿಗೆ ದೊಡ್ಡಬಟ್ಟಲಿನಲ್ಲಿ ಪೋರೆಡ್ಜ್ ಮತ್ತು 200ಎಂಎಲ್ ಹಾಲು ಕುಡಿತಾರೆ. ಜೊತೆಗೆ ಒಂದು ಚಮಚ ಸಕ್ಕರೆ ಹಾಕಿದ ನೀರು ಮತ್ತು ತಾಜಾ ಹಣ್ಣುಗಳನ್ನು ತಿನ್ನುತ್ತಾರೆ. ಟೀ ಅಥವಾ ಕಾಫಿ ಯಾವುದೂ ಅವರಿಗೆ ಆಗುತ್ತಂತೆ.

ಆಟದ ಅಭ್ಯಾಸ ನಡೆಸಿದ ಬಳಿಕ 25ಗ್ರಾಂ ಪ್ರೊಟೀನ್ ಪುಡಿ ತಿನ್ನುತ್ತಾರೆ. ಸ್ಯಾಂಡ್ ವಿಚ್ ಮತ್ತು ಸಾಫ್ಟ್ ಚೀಸ್ ತಿಂಡಿಯಾಗಿ ತೆಗೆದುಕೊಳ್ಳುತ್ತಾರೆ. ಗ್ರಿಲ್ಡ್ ಮೀನು ಕೂಡ ಅವರ ತಿಂಡಿ ಪ್ಲೇಟಿನಲ್ಲಿ ಇರುತ್ತದೆ.

ಮಧ್ಹಾಹ್ನ ಊಟಕ್ಕೆ 3 ರೊಟ್ಟಿ ಮತ್ತು ಆಲೀವ್ ಎಣ್ಣಿ ಹಾಕಿದ ಮೀನು ಮತ್ತು ದಾಲ್ ಇದ್ದರೆ ಸಾಕು. ತರಬೇತಿ ಮುಗಿದ ನಂತರ ಪ್ರೊಟೀನ್ ಶೇಕ್, 100 ಗ್ರಾಂ ನಟ್ಸ್, ತಾಜಾಹಣ್ಣುಗಳುನ್ನು ತಿನ್ನುತ್ತಾರೆ. ರಾತ್ರಿಯ ಊಟಕ್ಕೆ ಮಧ್ಯಾಹ್ನದ ಆಹಾರಕ್ರಮವನ್ನೇ ಅನುಸರಿಸುತ್ತಾರೆ.

ಸಚಿನ್ ಬೆಂಗಾಲಿ ಶೈಲಿಯ ಆಹಾರವನ್ನು ತುಂಬಾ ಇಷ್ಟಪಡುತ್ತಾರೆ. ಸಚಿನ್ ಯೋಗ, ಪ್ರಾಣಯಾಮ, ಜಿಮ್, ಏರೊಬಿಕ್ ವ್ಯಾಯಾಮವನ್ನು ಮಾಡಿ ತನ್ನ ದೇಹದ ಸದೃಢತೆಯನ್ನು ಕಾಪಾಡಿಕೊಂಡು ಬಂದಿದ್ದಾರೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.