ನೀರಿನಲ್ಲಿ ವ್ಯಾಯಾಮ ಮಾಡುವುದರ 7 ಪ್ರಯೋಜನ

Diet Fitness

oi-Reena

By Hema S

Published: Tuesday, December 27, 2011, 14:00 [IST]

ಈಜುವ ಅಭ್ಯಾಸವು ದೇಹದ ತೂಕವನ್ನು ನಿಯಂತ್ರಣದಲ್ಲಿಡುವ ಹೆಚ್ಚಿನ ಪರಿಣಾಮಕಾರಿಯಾದ ವ್ಯಾಯಾಮವಾಗಿದೆ. ಈಜು ಮಾತ್ರವಲ್ಲ ಅನೇಕ ರೀತಿಯ ವ್ಯಾಯಾಮವನ್ನು ಕೂಡ ಮಾಡಿ ದೇಹದ ತೂಕವನ್ನು ಕಡಿಮೆ ಮಾಡಿಕೊಳ್ಳಬಹುದು. ಈ ರೀತಿ ನೀರಿನಲ್ಲಿ ವ್ಯಾಯಾಮ ಮಾಡುವುದರಿಂದ ಅದರದೆ ಆದ ಪ್ರಯೋಜನಗಳಿವೆ . ಅವುಗಳ ಬಗ್ಗೆ ತಿಳಿಯಲು ಮುಂದೆ ಓದಿ.

1. ಇದು ದೇಹವನ್ನು ತಂಪಾಗಿ ಹಾಗೂ ಬೆಚ್ಚಗೆ ಇಡುವುದು: ಬೇಸಿಗೆಯಲ್ಲಿ ನೀರಿನಲ್ಲಿ ವ್ಯಾಯಾಮ ಮಾಡಿದರೆ ಅದು ದೇಹವನ್ನು ತಂಪಾಗಿ ಇಡುವುದು, ಅದೇ ಚಳಿಗಾಲದಲ್ಲಿ ವ್ಯಾಯಾಮ ಮಾಡಿದರೆ ದೇಹ ಚೆಚ್ಚಗೆ ಆಗುತ್ತದೆ. ಅಲ್ಲದೆ ವಿದ್ಯುತ್ ನಿಂದ ಈಜು ಕೊಳದ ನೀರನ್ನು ಬೆಚ್ಚಗೆ ಇಡುವ ಸೌಲಭ್ಯ ಕೂಡ ಇದೆ.

2. ಅತಿ ಬೇಗನೆ ತೂಕ ಕಡಿಮೆಯಾಗುವುದು: ನೀರಿನಲ್ಲಿ ವ್ಯಾಯಾಮ ಮಾಡುವುದರಿಂದ ದೇಹದಲ್ಲಿರುವ ಕ್ಯಾಲೋರಿ ಬೇಗನೆ ಕರುಗುತ್ತದೆ ಎಂದು ವೈಜ್ಞಾನಿಕವಾಗಿ ಕೂಡ ಸಾಬೀತಾಗಿದೆ.

3. ಬೆವರು ಬರುವುದಿಲ್ಲ: ಜಿಮ್ ಗೆ ಹೋಗಿ ವ್ಯಾಯಾಮ ಮಾಡಿದಾಗ ಸುರಿಯುವ ಬೆವರು ಒರೆಸುವುದು ಒಂದು ಕೆಲಸವಾಗಿರುತ್ತದೆ. ಬೆವರು ಬರುವುದು ಆರೋಗ್ಯದ ದೃಷ್ಟಿಯಿಂದ ಒಳ್ಳೆಯದು. ಆದರೆ ನೀರಿನಲ್ಲಿ ವ್ಯಾಯಾಮ ಮಾಡುವಾಗ ಬೆವರು ಬರುವುದು ಗೊತ್ತಾಗುವುದಿಲ್ಲ. ಅಲ್ಲದೆ ವ್ಯಾಯಾಮದ ನಂತರ ದಣಿದವರಂತೆ ಕಾಣಿಸಿಕೊಳ್ಳದೆ, ಆಗ ತಾನೆ ಸ್ನಾನ ಮಾಡಿ ಬಂದ ತಾಜಾತನ ಮತ್ತು ಹುರುಪು ಇರುವುದು.

4.ಸ್ನಾಯುಗಳು ಬಲವಾಗುತ್ತವೆ: ನೀರಿನಲ್ಲಿ ಕೈ ಮತ್ತು ಕಾಲುಗಳ ಸಹಾಯದಿಂದ ದೇಹ ನೀರಿನಲ್ಲಿ ಮುಳಗದಂತೆ ತಡೆಯಲಾಗುವುದು. ಈ ರೀತಿಯ ವ್ಯಾಯಾಮ ಕೈ ಮತ್ತು ಸ್ನಾಯುಗಳಿಗೆ ಹೆಚ್ಚಿನ ಬಲವನ್ನು ನೀಡುತ್ತದೆ.

5. ಗಾಯಗಳಿಂದ ಮುಕ್ತಿ: ಜಿಮ್ ನಲ್ಲಿ ಭಾರವನ್ನು ಎತ್ತುವಾಗ ಕೈ ಕಾಲುಗಳಿಗೆ ಗಾಯವಾಗುವ ಸಾಧ್ಯತೆ ಇದೆ. ಆದರೆ ನೀರಿನಲ್ಲಿ ಈ ರೀತಿ ಗಾಯವಾಗುವ ಸಾಧ್ಯತೆ ಇಲ್ಲ. ವ್ಯಾಯಾಮ ಮಾಡುವಾಗ ಸೊಂಟದವರೆಗೆ ನೀರಿರುವ ಕೊಳದಲ್ಲಿ ಮಾಡಬೇಕು, ಅಧಿಕ ನೀರಿರುವ ಕೊಳ ಸುರಕ್ಷತೆ ಅಲ್ಲ.

6.ಏಕಾಗ್ರತೆ: ನೀರಿನಲ್ಲಿ ಬಾಲ್ ಪಾಯಿಂಟ್ ವ್ಯಾಯಾಮ ಮಾಡುವುದರಿಂದ ಏಕಾಗ್ರತೆ ಸಾಮರ್ಥ್ಯ ಹೆಚ್ಚಾಗುತ್ತದೆ.

7. ಆರೋಗ್ಯ: ಮೊಣ ಕಾಲು ಅಥವಾ ಕೈ ನೋವು ಇರುವವರು, ಹೃದಯದ ಸಂಬಂಧಿ ತೊ0ದರೆ ಇರುವವರು ಕೂಡ ಆಳ ಕಡಿಮೆ ಇರುವ ಕೊಳದಲ್ಲಿ ನೀರಿನಲ್ಲಿ ವ್ಯಾಯಾಮ ಮಾಡುವುದು ಒಳ್ಳೆಯದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.