ಮೊಟ್ಟೆಯನ್ನು ಯಾವ ರೀತಿ ತಿಂದರೆ ಆರೋಗ್ಯಕರ?

Diet Fitness

oi-Sumalatha

By Sumalatha

Published: Wednesday, December 7, 2011, 11:38 [IST]

ಮೊಟ್ಟೆಯಲ್ಲಿ ದೇಹಕ್ಕೆ ಅಗತ್ಯವಾದ ಪೌಷ್ಟಿಕಾಂಶವಿದೆ. ಮೊಟ್ಟೆ ಸೇವನೆ ಮೂಳೆಗಳನ್ನು ಗಟ್ಟಿಗೊಳಿಸುವುದಷ್ಟೇ ಅಲ್ಲ, ದಿನವಿಡೀ ಚೈತನ್ಯದಿಂದಿರುವಂತೆ ನೋಡಿಕೊಳ್ಳುತ್ತದೆ. ಆದರೆ ಸರಿಯಾದ ಕ್ರಮದಲ್ಲಿ ಬೇಯಿಸದಿದ್ದರೆ ಮೊಟ್ಟೆಯಿಂದ ದೇಹಕ್ಕೆ ಕೆಡುಕೂ ಆಗಬಹುದು. ಮೊಟ್ಟೆ ಬೇಯಿಸುವ ಕೆಲವು ವಿಧಾನವನ್ನು ಅನುಸರಿಸುವುದರಿಂದ ಮೊಟ್ಟೆಯಲ್ಲಿನ ಸಂಪೂರ್ಣ ಉಪಯೋಗವನ್ನು ಪಡೆದುಕೊಳ್ಳಬಹುದು.

ಮೊಟ್ಟೆ ಬೇಯಿಸುವ 3 ವಿಧಾನ:

* ಬೇಯಿಸುವುದು: ಬೇಯಿಸಿದ ಮೊಟ್ಟೆ ಸೇವನೆ ಆರೋಗ್ಯಕ್ಕೆ ಒಳ್ಳೆಯದು. ಬೇಯಿಸಿದ ಮೊಟ್ಟೆಯಲ್ಲಿ 6.29 ಗ್ರಾಂ ಪ್ರೊಟೀನ್. 4 ಗ್ರಾಂ ಕೊಬ್ಬು, ಸೋಡಿಯಂ, ಕ್ಯಾಲ್ಸಿಯಂ, ಕಬ್ಬಿಣಾಂಶ, ಖನಿಜಾಂಶ ಇನ್ನಿತರ ಅಂಶಗಳಿರುತ್ತದೆ. ಬೇಯಿಸದ ಮೊಟ್ಟೆ ಸೇವನೆಯಿಂದ ದೃಷ್ಟಿ, ರೋಗನಿರೋಧಕ ಶಕ್ತಿ ಮತ್ತು ಜ್ಞಾಪಕ ಶಕ್ತಿಯೂ ಹೆಚ್ಚುತ್ತದೆ. ಇದರಿಂದ ರಕ್ತ ಸಂಚಲನವನ್ನೂ ಹೆಚ್ಚಾಗುತ್ತದೆ. ಬೇಯಿಸಿದ ಮೊಟ್ಟೆ ಕ್ಯಾಲೊರಿ ಮತ್ತು ಬೊಜ್ಜನ್ನೂ ಕರಗಿಸುತ್ತದೆ.

* ಮೊಟ್ಟೆ ಬೆರೆಸುವುದು: ಮೊಟ್ಟೆಯನ್ನು ತಿನ್ನುವ ರುಚಿಕರ ವಿಧಾನದಲ್ಲಿ ಇದೂ ಒಂದು. ಬಾಣಲೆಯಲ್ಲಿ ಮೊಟ್ಟೆ ಹಾಕಿ ಸ್ವಲ್ಪ ಉಪ್ಪು, ಮೆಣಸಿನ ಪುಡಿ ಬೆರೆಸಿ ಕದಡಿ ಮಾಡುವ ಈ ವಿಧಾನದಿಂದ ದೇಹಕ್ಕೆ ವಿಟಮಿನ್ ಬಿ, ವಿಟಮಿನ್ ಇ, ಪ್ರೊಟೀನ್, ಖನಿಜಾಂಶ, ಫಾಸ್ಪರಸ್ ದೊರೆಯುತ್ತದೆ. ಅಥ್ಲೆಟ್ ಗಳಿಗೆ ಮತ್ತು ಬಾಡಿ ಬಿಲ್ಡರ್ ಗಳಿಗೆ ಈ ವಿಧಾನ ಸೂಕ್ತ. ಈ ರೀತಿ ತಿನ್ನುವುದರಿಂದ ಮೊಟ್ಟೆಯಲ್ಲಿರುವ ಸಂಪೂರ್ಣ ಪೋಷಕಾಂಶ ದೊರೆಯುತ್ತದೆ.

* ಆಮ್ಲೆಟ್: ತುಂಬಾ ರುಚಿಕರವೆನಿಸುವ, ಹೊಟ್ಟೆ ತುಂಬಿಸುವ ಆಮ್ಲೆಟ್ ವಿಧಾನದಿಂದ ಮೊಟ್ಟೆ ಸೇವಿಸಬಹುದು. ಮೆಣಸಿನ ಪುಡಿ ಬೆರೆಸಿ ಆಮ್ಲೆಟ್ ತಯಾರಿಸಿ ತಿಂದರೆ ಆರೋಗ್ಯಕ್ಕೂ ಒಳ್ಳೆಯದು. ಕಡಿಮೆ ಕೊಬ್ಬಿನಂಶದ ಚೀಸ್ ಉಪಯೋಗಿಸಿಯೂ ಆಮ್ಲೆಟ್ ತಯಾರಿಸಿ ತಿನ್ನಬಹುದು

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.