ಬೆಳಗ್ಗಿನ ತಿಂಡಿಗೆ ನೀವು ಏನನ್ನು ತಿನ್ನುತ್ತಿದ್ದೀರಾ?

Diet Fitness

oi-Sumalatha

By Sumalatha

Published: Thursday, November 10, 2011, 11:58 [IST]

ಆಹಾರ ಸೇವಿಸುವುದಷ್ಟೇ ಮುಖ್ಯವಲ್ಲ, ಅದರಲ್ಲಿ ದೇಹಕ್ಕೆ ಬೇಕಾದ್ದು ಏನೇನಿದೆ ಮತ್ತು ಏನೇನಿಲ್ಲ ಎಂಬುದು ಅಷ್ಟೇ ಮುಖ್ಯ. ಉತ್ತಮ ಆರೋಗ್ಯ ಪಡೆಯಲು ಯಾವ ರೀತಿ ಬ್ರೇಕ್ ಫಾಸ್ಟ್ ಇರಬೇಕು ಎಂದು ಯೋಚಿಸುತ್ತಿದ್ದರೆ ಇಲ್ಲೊಂದು ಸಲಹೆಯಿದೆ.

ಒಂದು ಕಪ್ ಯಾವುದಾದರೂ ಧಾನ್ಯ ಅಥವಾ ಕಾಳು ಮತ್ತು ಒಂದು ಲೋಟ ಹಾಲು ಕುಡಿದರೆ ಸಾಕು, ದಿನವಿಡೀ ನೀವು ಚೈತನ್ಯದಿಂದಿರುವಂತೆ ನೋಡಿಕೊಳ್ಳುತ್ತದೆ ಎಂದಿದೆ ನೂತನ ಸಂಶೋಧನೆ.

ಹಾಲಿನೊಂದಿಗೆ ಕೆಲವು ಧಾನ್ಯ ಹಾಗೂ ಕಾಳನ್ನು ಬೆಳಗ್ಗಿನ ತಿಂಡಿಗೆ ಸೇವಿಸುವುದರಿಂದ ಆರೋಗ್ಯವನ್ನು ಸುಭದ್ರವಾಗಿರಿಸಿಕೊಳ್ಳುವುದು ಸಾಧ್ಯವಿದೆ ಎಂದು ತಿಳಿದುಬಂದಿದೆ.

ಆರೋಗ್ಯಕರ ಜೀವನಕ್ರಮದ ಸಂಕೇತವೇ ನಮ್ಮ ಬೆಳಗ್ಗಿನ ತಿಂಡಿ. ಆದ್ದರಿಂದ ಈ ಅವಧಿಯಲ್ಲಿ ಸೇವಿಸುವ ಆಹಾರ ಪೋಷಕಾಂಶದಿಂದ ತುಂಬಿರಲೇಬೇಕು. ಹಾಲು ಮತ್ತು ಧಾನ್ಯದ ಸೇವನೆ ಈ ಅವಧಿಗೆ ಮುಖ್ಯ ಎಂದು ಸಂಶೋಧಕರು ತಿಳಿಸಿದ್ದಾರೆ.

ನ್ಯೂಟ್ರಿಶನ್ ಸಿಗ್ರಿಡ್ ಗಿಬ್ಸನ್ ಕೈಗೊಂಡಿದ್ದ ಅಧ್ಯಯನದ ಪ್ರಕಾರ, ಕ್ಯಾಲ್ಸಿಯಂ, ಫೈಬರ್, ಪ್ರೊಟೀನ್ ಮತ್ತು ಕಾರ್ಬೊ ಹೈಡ್ರೇಡ್ ಹೆಚ್ಚಿರುವ ಧಾನ್ಯ ಮತ್ತು ಹಾಲನ್ನು ಬೆಳಗಿನ ಹೊತ್ತು ಸೇವಿಸುವುರಿಂದ, ಇನ್ನಿತರ ಆಹಾರಗಳಿಂದ ದೇಹದಲ್ಲಿ ಬೊಜ್ಜು ಮತ್ತು ಸಕ್ಕರೆ ಅಂಶ ಸೇರಿಕೊಳ್ಳುವುದನ್ನು ನಿವಾರಿಸುತ್ತದೆ ಎಂದು ತಿಳಿಸಿದ್ದಾರೆ.

ಬೆಳಗಿನ ತಿಂಡಿಯನ್ನು ನಿಯಮಿತವಾಗಿ ಸೇವಿಸುವವರಲ್ಲಿ, ಸೇವಿಸದವರಿಗಿಂತ ಬೊಜ್ಜು ಕಡಿಮೆ ಮಟ್ಟದ್ದಲ್ಲಿರುವುದು ತಿಳಿದುಬಂದಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.