ನಲವತ್ತರ ನಂತರ ಕಾಡಬಹುದು ಹೊಟ್ಟೆಯ ಬೊಜ್ಜು

Diet Fitness

oi-Sumalatha N

By Sumalatha N

Published: Saturday, August 13, 2011, 12:03 [IST]

ನಲವತ್ತು ದಾಟುತ್ತಿದ್ದಂತೆ ಮೈ ದಪ್ಪಗಾಗಲು ಆರಂಭಿಸುತ್ತೆ. ಹೊಟ್ಟೆಯಲ್ಲಿ ಬೊಜ್ಜು ಗೊತ್ತೇ ಆಗದಂತೆ ಸೇರಿಕೊಂಡುಬಿಟ್ಟಿರುತ್ತೆ. ಊಟ ತಿಂಡಿ ಕಡಿಮೆ ಮಾಡಿದೂ ತೂಕ ಮಾತ್ರ ಕಡಿಮೆ ಆಗ್ತಿಲ್ಲ ಅಂತ ಹೇಳೋರು ಹೆಚ್ಚು ಮಂದಿ. ಆದ್ರೆ ಬೊಜ್ಜು ಕಡಿಮೆ ಮಾಡಲು ಊಟ ಬಿಡುವ ಕ್ರಮ ತಪ್ಪು. ಸರಿಯಾದ ಆಹಾರ ಕ್ರಮ ಅನುಸರಿಸಿದರೆ ನಿಮ್ಮ ತೂಕವನ್ನು ಮಧ್ಯವಯಸ್ಸಿನಲ್ಲೂ ಸಮ ಪ್ರಮಾಣದಲ್ಲಿ ಸರಿತೂಗಿಸಿಕೊಂಡು ಹೋಗಲು ಸಾಧ್ಯವಿದೆ.

ಹೊಟ್ಟೆಯ ಬೊಜ್ಜನ್ನು ಕಡಿಮೆ ಮಾಡವ ವಿಧಾನ:

* ಪಾಲಾಕ್, ಬೀಟ್ ರೂಟ್, ಹೂಕೋಸು, ಎಲೆಕೋಸು, ನಿಂಬೆ ಕಿತ್ತಳೆ ಮುಂತಾದ ಹುಳಿ ಅಂಶದ ಹಣ್ಣುಗಳ ಸೇವನೆಯಿಂದ ದೇಹದಲ್ಲಿ ಆಸ್ಟ್ರೋಜೆನ್ ಉತ್ಪತ್ತಿ ಕಡಿಮೆಗೊಂಡು ಬೊಜ್ಜು ಕರಗಿಸಲು ಸಹಾಯ ಮಾಡುತ್ತದೆ.

* ಆಲಿವ್ ಎಣ್ಣೆಯನ್ನು ತರಕಾರಿ ಸಲಾಡ್ ಗಳಲ್ಲಿ ಮಿಶ್ರಣ ಮಾಡಿ ಸೇವಿಸಿದರೆ ಅಥವಾ ಎಳ್ಳು ಮತ್ತು ಹುಚ್ಚೆಳ್ಳನ್ನು ಬೆರೆಸಿ ಸೇವಿಸಿದರೆ ಹೊಟ್ಟೆಯಲ್ಲಿ ಬೊಜ್ಜಿನ ಅಂಶ ಕ್ಷೀಣವಾಗುತ್ತದೆ.

* ನಿಮ್ಮ ದಿನ ನಿತ್ಯದ ಆಹಾರದೊಂದಿಗೆ ಸ್ವಲ್ಪವಾದರೂ ಪ್ರೊಟೀನ್ ಅಂಶದ ಆಹಾರವಿರಲಿ. ಮೊಟ್ಟೆ, ಮಾಂಸ, ಮೀನು, ಧಾನ್ಯಗಳು ಪೋಷಕಾಂಶ ನೀಡಿ ದೇಹವನ್ನು ಸದೃಢವಾಗಿಸುತ್ತದೆ.

* ದಿನಕ್ಕೆ 30 ನಿಮಿಷ ವಾಕಿಂಗ್, ಸ್ವಿಮ್ಮಿಂಗ್, ಸೈಕ್ಲಿಂಗ್, ಡ್ಯಾನ್ಸಿಂಗ್ ಮುಂತಾದ ಸಣ್ಣ ಪುಟ್ಟ ವ್ಯಾಯಾಮಗಳು ಹೊಟ್ಟೆಯ ಬೊಜ್ಜನ್ನು ಸುಲಭವಾಗಿ ಕರಗಿಸುತ್ತದೆ.

* ಮದ್ಯವ್ಯಸನವೂ ಕೂಡ ಹೊಟ್ಟೆಯಲ್ಲಿ ಬೊಜ್ಜು ತುಂಬಿಕೊಳ್ಳಲು ಕಾರಣ. ಆದ್ದರಿಂದ ಸಂಪೂರ್ಣವಾಗಿ ಮದ್ಯವ್ಯಸನ ತ್ಯಜಿಸಲು ಪ್ರಯತ್ನಿಸಿದರೆ ಹೊಟ್ಟೆ ಕರಗಿಸುವುದು ಸುಲಭ.

* ಅತಿಯಾದ ಒತ್ತಡ ದೇಹದಲ್ಲಿ ಬೊಜ್ಜಿಗೆ ಜಾಗ ನೀಡುತ್ತದೆ. ಆದಷ್ಟು ಒತ್ತಡ ಕಡಿಮೆಮಾಡುವ ನೈಸರ್ಗಿಕ ಮಾರ್ಗ ಕಂಡುಕೊಂಡು ಅದಕ್ಕೆ ತಕ್ಕಂತೆ ನಿಮ್ಮ ಜೀವನ ಶೈಲಿಯನ್ನು ಬದಲಾಯಿಸಿಕೊಳ್ಳಿ.

ಈ ಮೇಲಿನ ಮಾರ್ಗವನ್ನು ನಿರಂತರವಾಗಿ ಅನುಸರಿಸುತ್ತಾ ಬಂದರೆ ಖಂಡಿತ ನಿಮ್ಮನ್ನು ಕಾಡುವ ಹೊಟ್ಟೆಯ ಬೊಜ್ಜು ಕ್ರಮೇಣ ಕಡಿಮೆಯಾಗುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.