For Quick Alerts
ALLOW NOTIFICATIONS  
For Daily Alerts

ಮಧುಮೇಹಿಗಳು ಮಾವಿನಹಣ್ಣು ತಿನ್ನಬಹುದೇ? ಇದರಿಂದ ಏನಾದರೂ ಸಮಸ್ಯೆ ಇದೆಯೇ?

|

ನಮ್ಮ ದೇಹಕ್ಕೆ ಒಂದು ಬಾರಿ ಸಕ್ಕರೆ ಕಾಯಿಲೆ ಇದೆ ಎಂದು ತಿಳಿದರೆ ಸಾಕು , ಅದು ತಿನ್ನಬೇಡ , ಇದು ತಿನ್ನಬೇಡ . ಸರಿಯಾದ ಸಮಯಕ್ಕೆ ಮಾತ್ರೆ ತೆಗೆದುಕೋ , ಇನ್ಸುಲಿನ್ ತೆಗೆದುಕೊಳ್ಳುವುದನ್ನು ಮರೆಯಬೇಡ . ಹೀಗೆ ಮನೆಯವರಿಂದ ಸಲಹೆಗಳ ಪಟ್ಟಿ ಬೆಳೆಯುತ್ತಾ ಹೋಗುತ್ತದೆ . ಅದರಲ್ಲಿ ಯಾವುದು ಸತ್ಯವೋ ಇಲ್ಲ ಸುಳ್ಳೋ ಅವರಿಗೆ ಗೊತ್ತಿರುವುದಿಲ್ಲ . ಸುಮ್ಮನೆ ಅಲ್ಲಿ ಇಲ್ಲಿ ಕೇಳಿ ತಿಳಿದುಕೊಂಡಿದ್ದನ್ನು ನಮ್ಮ ಮುಂದೆ ಹೇಳುತ್ತಾ ಇರುತ್ತಾರೆ . ಆದರೆ ನಾವಾದರೂ ಅದರ ಬಗ್ಗೆ ಯೋಚಿಸಬೇಕಲ್ಲವೇ ? ಮಧುಮೇಹ ಶುರುವಾದ ಹೊಸದರಲ್ಲಿ ಯಾವುದು ತಿನ್ನಬೇಕು ಯಾವುದು ತಿನ್ನಬಾರದು ಎಂಬ ಹೊಸ ಆಹಾರಗಳ ಪಟ್ಟಿಗೆ ಸರಿ ಹೊಂದಿಕೊಳ್ಳಲು ನಮಗೆ ಸ್ವಲ್ಪ ಜಾಸ್ತಿ ಸಮಯವೇ ಹಿಡಿಯುತ್ತದೆ .

ಇದರ ಪಟ್ಟಿಗೆ ಬೇರೆ ಆಹಾರಗಳ ಜೊತೆಗೆ ಹಣ್ಣುಗಳ ರಾಜ ಎಂದೇ ಕರೆಸಿಕೊಳ್ಳುವ ಮಾವಿನ ಹಣ್ಣು ಕೂಡ ಸೇರುತ್ತದೆ . ಆದರೆ ಹಣ್ಣುಗಳ ವಿಷಯದಲ್ಲಿ ಅಷ್ಟು ಭಯ ಪಡುವ ಅಗತ್ಯವಿಲ್ಲ . ಏಕೆಂದರೆ ಹಣ್ಣುಗಳು ತಿನ್ನಲು ಸಿಹಿಯಾಗಿದ್ದರೂ ಅದರಲ್ಲಿರುವ ಕೆಲವೊಂದು ಪೋಷಕಾಂಶಗಳು ಮಧುಮೇಹಿಗಳಿಗೂ ಉಪಯೋಗವಾಗುತ್ತವೆ . ಆದ್ದರಿಂದ ಮಾವಿನ ಹಣ್ಣು ಸೇರಿದಂತೆ ಇತರೆ ಹಣ್ಣುಗಳನ್ನು ಮಿತ ಪ್ರಮಾಣದಲ್ಲಿ ತಿಂದರೆ ಆರೋಗ್ಯಕ್ಕೆ ಯಾವುದೇ ತೊಂದರೆ ಇರುವುದಿಲ್ಲ .

Can Diabetics Eat Mangoes?

ಗ್ಲೈಸೆಮಿಕ್ ಇಂಡೆಕ್ಸ್

ಏನಿದು ಗ್ಲೈಸೆಮಿಕ್ ಇಂಡೆಕ್ಸ್ ಎಂದು ಚಿಂತಿಸುತ್ತಿದ್ದೀರಾ ? ಇದು ಮಧುಮೇಹಿಗಳಿಗೆ ಯಾವ ಆಹಾರ ಸೂಕ್ತ ಮತ್ತು ಯಾವುದು ಸೂಕ್ತ ಅಲ್ಲ ಎಂಬುದನ್ನು ಸೂಕ್ಷ್ಮವಾಗಿ ಗಮನಿಸಿ ಅಂಕಿ ಅಂಶಗಳಲ್ಲಿ ತಿಳಿಸುತ್ತದೆ . ಅಂದರೆ ಯಾವ ಆಹಾರ ಎಷ್ಟು ತಿಂದರೆ ಬ್ಲಡ್ ಶುಗರ್ ಲೆವೆಲ್ ಯಾವ ಮಟ್ಟಕ್ಕೆ ಹೋಗುತ್ತದೆ ಎಂದು ಅಳೆಯುವ ಒಂದು ವಿಧಾನ . ಇದನ್ನು ಶುದ್ಧ ಗ್ಲುಕೋಸ್ , ಮನುಷ್ಯನ ಮೈ ಸೇರಿದರೆ ಬ್ಲಡ್ ಶುಗರ್ ಲೆವೆಲ್ ಯಾವ ಮಟ್ಟಕ್ಕೆ ಹೋಗುತ್ತದೆ ಎಂಬುದರ ಜೊತೆ ತಾಳೆ ಹಾಕಲಾಗುತ್ತದೆ . ಯಾವ ಆಹಾರ ದ ಗ್ಲೈಸೆಮಿಕ್ ಇಂಡೆಕ್ಸ್ ಕಡಿಮೆ ಸಂಖ್ಯೆಯಲ್ಲಿ ಬರುತ್ತದೆಯೋ ಅಂತಹ ಆಹಾರ ತಿಂದರೆ ಯಾವ ಭಯವೂ ಇರುವುದಿಲ್ಲ . ಅದೇ ಯಾವುದರ ಗ್ಲೈಸೆಮಿಕ್ ಇಂಡೆಕ್ಸ್ ನ ಸಂಖ್ಯೆ ಜಾಸ್ತಿ ಬರುತ್ತದೋ ಅಂತಹ ಆಹಾರವನ್ನು ಮುಟ್ಟಲೇ ಬಾರದು . ಹೀಗೆ ಅಳೆದು ನೋಡಿದಾಗ ಮಾವಿನ ಹಣ್ಣಿನ ಗ್ಲೈಸೆಮಿಕ್ ಇಂಡೆಕ್ಸ್ ಕೇವಲ ೫೧ ಬರುತ್ತದೆ ಅದೂ ಪರಂಗಿಹಣ್ಣು ಮತ್ತು ಪೈನ್ ಆಪಲ್ ನ ಸಂಖ್ಯೆಗೆ ಹೋಲಿಸಿದರೆ ಕಡಿಮೆಯೇ . ಆದರಿಂದ ಯಾವುದೇ ಭಯ ಪಡದೆ ಸುಮಾರು ಅರ್ಧಕ್ಕಿಂತ ಕಡಿಮೆ ಮಾವಿನ ಹಣ್ಣನ್ನು ತಿಂದರೆ ಆರೋಗ್ಯ ಕ್ಕೆ ಯಾವುದೇ ಸಮಸ್ಯೆಯಾಗುವುದಿಲ್ಲ.

Most Read: ಡಯಾಬಿಟೀಸ್ ಇರುವವರ ಆರೋಗ್ಯಕ್ಕೆ ಬಹಳ ಒಳ್ಳೆಯದು ಈ ಹಣ್ಣುಗಳು

Can Diabetics Eat Mangoes?

ಅಮೆರಿಕನ್ ಡಯಾಬಿಟಿಸ್ ಅಸೋಸಿಯೇಷನ್ ಸಂಸ್ಥೆಯು ನಾವು ತಿನ್ನುವ ಒಂದೊಂದು ಆಹಾರದ ಗ್ಲೈಸೆಮಿಕ್ ಇಂಡೆಕ್ಸ್ ಅನ್ನು ಕಂಡು ಹಿಡಿದಿದೆ . ಆದರೆ ಅದರಿಂದ ಮಧುಮೇಹ ಕ್ಕೆ ಯೋಗ್ಯವಾದ ಆಹಾರದ ಪ್ರಮಾಣ ಎಷ್ಟು ಎಂಬುದು ಗೊತ್ತಾಗುವುದಿಲ್ಲ . ನಾವು ಪ್ರತಿದಿನ ತಿನ್ನುವ ಆಹಾರದ ಪ್ರಮಾಣದ ಕಾರ್ಬೋಹೈಡ್ರೇಟ್ ಅನ್ನು ಅಳೆದರೆ ಸುಲಭವಾಗಿ ತಿಳಿಯುತ್ತದೆ . ಇಲ್ಲೂ ಸಹ ಮಾವಿನ ಹಣ್ಣು ಉತ್ತೀರ್ಣವಾಗಿದೆ . ಏಕೆಂದರೆ ಅರ್ಧ ಕಪ್ ಮಾವಿನ ಹಣ್ಣಿನಲ್ಲಿ ಕೇವಲ ೧೨ ಗ್ರಾಂ ನಷ್ಟು ಮಾತ್ರ ಕಾರ್ಬೋಹೈಡ್ರೇಟ್ ಅಂಶ ಪತ್ತೆಯಾಗಿದೆ . ಇದು ಕೆಂಪು ದ್ರಾಕ್ಷಿ , ಹಸಿರು ದ್ರಾಕ್ಷಿ ಮತ್ತು ಬಾಳೆ ಹಣ್ಣಿನಲ್ಲಿ ಕಂಡು ಬರುವ ೨೭ ಗ್ರಾಂ ಗಿಂತ ಕಡಿಮೆ ಇದೆ ಎಂದು ಯಾರು ಬೇಕಾದರೂ ಖುಷಿ ಪಡಬಹುದು .

Can Diabetics Eat Mangoes?

ಮಾವಿನ ಹಣ್ಣಿನಿಂದ ಸಿಗುವ ಪೋಷಕಾಂಶಗಳು

ನಮ್ಮ ಬ್ಲಡ್ ಶುಗರ್ ಲೆವೆಲ್ ಅನ್ನು ನಿಯಂತ್ರಿಸುವುದು ಎಷ್ಟು ಮುಖ್ಯವೋ ಅಷ್ಟೇ ಮುಖ್ಯ ನಾವು ತಿನ್ನುವ ಆಹಾರದಲ್ಲಿ ಎಷ್ಟು ಪ್ರಮಾಣದ ಪೋಷಕಾಂಶ , ಫೈಬರ್ ಅಂಶ ಮತ್ತು ಕ್ಯಾಲೊರಿ ಅಂಶ ಇದೆ ಎಂದು ತಿಳಿದುಕೊಂಡು ನಂತರ ನಮಗೆ ಬೇಕಾದಷ್ಟು ಬಳಸಿ ಆರೋಗ್ಯಕರ ಡಯಟ್ ಮಾಡಬಹುದು .

ಮಾವಿನ ಹಣ್ಣಿನಲ್ಲಿ ವಿಟಮಿನ್ ' ಸಿ ' ಮತ್ತು ವಿಟಮಿನ್ ' ಏ ' ಪೋಷಕಾಂಶ ಹೇರಳವಾಗಿದೆ . ಇನ್ನು ಫೈಬರ್ ಅಂಶಕ್ಕೆ ಬಂದರೆ ಬೀನ್ಸ್ ಮತ್ತು ಓಟ್ಸ್ ನಲ್ಲಿ ಯಾವ ರೀತಿ ಕರಗುವಂತಹ ಫೈಬರ್ ಅಂಶ ಇದೆಯೋ ಅದೇ ಥರ ಮಾವಿನ ಹಣ್ಣಿನಲ್ಲೂ ಇದೆ .ಜೊತೆಗೆ ಪೊಟ್ಯಾಸಿಯಂ ಅಂಶ ಕೂಡ ಇದೆ . ಯು ಎಸ್ ಡಿ ಏ ನ ೨೦೧೫ ನೇ ಪೋಷಕಾಂಶಗಳ ನಿಯಮಗಳ ಪ್ರಕಾರ , ಯಾವ ಆಹಾರಗಳು ಪೋಷಕಾಂಶಗಳನ್ನು ಅಧಿಕವಾಗಿ ಹೊಂದಿರುತ್ತವೆಯೋ ಅಂತಹ ಆಹಾರವನ್ನು ನಿಯಮಿತವಾಗಿ ಬಳಸಬಹುದು . ಮತ್ತುಇದರಲ್ಲಿ ಮಾವಿನ ಹಣ್ಣೂ ಕೂಡ ಸೇರಿದೆ . ಆದ್ದರಿಂದ ಮಾವಿನ ಹಣ್ಣನ್ನು ನಿಯಮಿತವಾಗಿ ತಿಂದರೆ ಯಾವ ತೊಂದರೆ ಆಗುವುದಿಲ್ಲ .

Can Diabetics Eat Mangoes?

ಮಾವಿನ ಹಣ್ಣನ್ನು ನಮ್ಮ ಡಯಟ್ಗೆ ಹೇಗೆಲ್ಲ ಸೇರಿಸಿಕೊಳ್ಳಬಹುದು?

ಮಾವಿನಹಣ್ಣು ಒಮ್ಮೆ ತಿಂದರೆ ಮತ್ತೆ ತಿನ್ನಬೇಕು ಆನಿಸುವುದರಲ್ಲಿ ಯಾವುದೇ ಸಂದೇಹವಿಲ್ಲ . ಹಣ್ಣು ಸಿಗದಿದ್ದರೂ ಮಾವಿನ ಹಣ್ಣಿನ ಜ್ಯೂಸು ಆದರೂ ಕುಡಿಯಬೇಕು ಎನ್ನುವ ತವಕ ಉಂಟಾಗುತ್ತದೆ . ಆದರೆ ಶೇಖರಿಸಿಟ್ಟ ಹಣ್ಣಿನ ರಸದಲ್ಲಿ ಸಕ್ಕರೆ ಅಂಶ ಯಥೇಚ್ಛವಾಗಿರುತ್ತದೆ . ಆದ್ದರಿಂದ ದಯಮಾಡಿ ಈ ತರಹದ ಹಣ್ಣಿನ ಜ್ಯೂಸು ಅನ್ನುಯಾವುದೇ ಕಾರಣಕ್ಕೂ ಮಧುಮೇಹಿಗಳು ಸೇವಿಸಬೇಡಿ.

Most Read: ಡಯಾಬಿಟಿಸ್ ಸಮಸ್ಯೆ ಇದ್ದವರು ಮೊಟ್ಟೆ ತಿನ್ನಬಹುದೇ? ಇದರಿಂದ ಏನಾದರೂ ಸಮಸ್ಯೆಗಳಿವೆಯೇ?

Can Diabetics Eat Mangoes?

ಮಾವಿನಹಣ್ಣನ್ನು ಸಿಪ್ಪೆಯ ಸಮೇತ ತಿನ್ನಬೇಡಿ . ಸಿಪ್ಪೆ ತೆಗೆದು ಒಳಗಿರುವ ಹಣ್ಣಿನ ಅಂಶವನ್ನು ಚಾಕುವಿನಿಂದ ಕಟ್ ಮಾಡಿ ಅದನ್ನು ಹಾಗೆ ಯಾವುದೇ ಸಕ್ಕರೆ ಬೆರೆಸದೆ ತಿನ್ನಿ . ಮೀನು , ಮಾಂಸ ಮತ್ತು ಚಿಕನ್ ಗೆ ಮಾವಿನ ಹಣ್ಣಿನ ಗಾರ್ನಿಶ್ ಮಾಡಿ ಕೂಡ ತಿನ್ನಬಹುದು

ಒಟ್ಟಿನಲ್ಲಿ ಮಾವಿನ ಹಣ್ಣು ವರ್ಷವಿಡೀ ಏನೂ ಇರುವುದಿಲ್ಲ . ಅದು ಬಂದಾಗ ಪಕ್ಕದವರು ತಿನ್ನುವುದನ್ನು ನೋಡಿ ಮೂಗು ಮುರಿಯದೆ ನೀವೂ ತಿಂದು ಸಂತೋಷ ಪಡಿ . ಆದರೆ ನಿಯಮಿತವಾಗಿ ನೆನಪಿರಲಿ .

English summary

Can Diabetics Eat Mangoes?

There's a lingering myth among diabetics, especially new diabetics, that you just plain can't have sweet things. It isn't a bad rule when it comes to cakes and cookies, but it certainly doesn't apply to healthful fresh fruits such as mangos. A reasonable portion of mango has little effect on your blood sugar and is good for you in many other ways, so feel free to enjoy them in moderation.
Story first published: Saturday, May 11, 2019, 15:00 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more