ಬೆಳಗಿನ ಉಪಹಾರ ತಪ್ಪಿಸಿದರೆ, ಆಪತ್ತು ಕಟ್ಟಿಟ್ಟ ಬುತ್ತಿ

ಹದಿಹರೆಯದವರೇ ಜಾಸ್ತಿ

ಒಂದು ಅಧ್ಯಯನದ ಪ್ರಕಾರ ವಯಸ್ಕರು, ಹದಿಹರೆಯದವರು, ಹೆಚ್ಚು ಧೂಮಪಾನಿಗಳು, ಕಡಿಮೆ ವ್ಯಾಯಾಮ, ಗುಣಮಟ್ಟದ ಪೌಷ್ಟಿಕ ಆಹಾರ ಸೇವಿಸದೇ ಇರುವವರು, ಕುಡಿತದ ಚಟವಿರುವವರು, ಹೆಚ್ಚಿನ ಬಿಎಂಐ ಇರುವ ವಯಸ್ಕರು, ಹದಿಹರೆಯದವರು ಉಪಹಾರವನ್ನು ತಪ್ಪಿಸುವುದು ಹೆಚ್ಚು ಎಂದು ಅಧ್ಯಯನದಲ್ಲಿ ಹೊರಬಿದ್ದ ಸತ್ಯಾಂಶ.

ಸರಿಯಾದ ಸಮಯದಲ್ಲಿ ಊಟ ಮಾಡದೇ ಇರುವುದು

ಸಂಶೋಧನೆಯ ಪ್ರಕಾರ ಸರಿಯಾದ ಸಮಯದಲ್ಲಿ ಉಪಹಾರ ಮಾಡದೇ ಇರುವುದು ಮತ್ತು ಹೊಟ್ಟೆಯನ್ನು ಖಾಲಿ ಬಿಟ್ಟು ದಿನವನ್ನು ಶುರು ಮಾಡುವುದರಿಂದ ಹಸಿವು ನಿಯಂತ್ರಣದಲ್ಲಿರುತ್ತದೆ. ಅಲ್ಲದೇ ಇದರಿಂದ ನಿಮ್ಮ ತೂಕವನ್ನೂ ಕೂಡ ನಿಯಂತ್ರಣದಲ್ಲಿರಿಸಬಹುದು ಎನ್ನುವ ಭಾವನೆಯಲ್ಲಿ ತುಂಬಾ ಜನರಿದ್ದರು.

ಧೂಮಪಾನದ ಹವ್ಯಾಸವಿರುವ ಮಕ್ಕಳೇ ಜಾಸ್ತಿ

ಸುಮಾರು 5500 ಹುಡುಗ, ಹುಡುಗಿಯರನ್ನು ಮತ್ತು ಅವರ ಪೋಷಕರನ್ನು ಸಂಪರ್ಕಿಸಿ, ಅವರು ಸರಿಯಾದ ಸಮಯದಲ್ಲಿ ಉಪಹಾರ ಸೇವಿಸುತ್ತಿದ್ದಾರೋ, ಅವರ ತೂಕ, ಕುಡಿತ ಮತ್ತು ಊಟದ ಹವ್ಯಾಸದ ಬಗ್ಗೆ ಸಂಶೋಧನೆಯ ವೇಳೆ ಇಂತಹ ಪ್ರಶ್ನೆಗಳನ್ನು ಕೇಳಿ ಬರೆದಿಟ್ಟು ಕೊಳ್ಳಲಾಗಿತ್ತು. ಉಪಹಾರ ಸೇವಿಸದೇ ಇರುವ ಪೋಷಕರ ಮಕ್ಕಳು ಕೂಡಾ ಇದನ್ನೇ ಅಭ್ಯಾಸ ಮಾಡಿಕೊಂಡಿರುತ್ತಾರೆ. ಇಂತಹ ಸರಿಯಾದ ಊಟದ ವ್ಯವಸ್ಥೆಯನ್ನು ಪಾಲಿಸದ, ಜೊತೆಗೆ ಮದ್ಯಪಾನ, ಧೂಮಪಾನದ ಹವ್ಯಾಸವಿರುವ ಮಕ್ಕಳು ಇದರಿಂದ ಭಾರೀ ತೊಂದರೆಯನ್ನು ಅನುಭವಿಸಬೇಕಾಗುತ್ತದೆ.

ರಕ್ತದಲ್ಲಿರುವ ಸಕ್ಕರೆ ಅಂಶದ ಸಮತೋಲನ ಕಾಪಾಡಿಕೊಳ್ಳಲು

ಬೆಳಗಿನ ಉಪಹಾರವನ್ನು ಸಮಯಕ್ಕೆ ಸರಿಯಾಗಿ ಮಾಡುವುದರಿಂದ ರಕ್ತದಲ್ಲಿರುವ ಸಕ್ಕರೆ ಅಂಶದ ಸಮತೋಲನವನ್ನು ಕಾಪಾಡಿಕೊಳ್ಳಬಹುದು ಇದರಿಂದ ಹಸಿವು ಮತ್ತು ದೇಹದ ಶಕ್ತಿ ಸರಿಯಾದ ನಿಯಂತ್ರಣದಲ್ಲಿ ಇಟ್ಟುಕೊಳ್ಳಬಹುದೆಂದು ಅಧ್ಯಯನದಲ್ಲಿ ಸಾಬೀತಾಗಿದೆ.

ಬೆಳಗಿನ ಉಪಹಾರದ ಮಹತ್ವ

ಇನ್ನೊಂದು ಅಧ್ಯಯನದ ಪ್ರಕಾರ 3000ಕ್ಕಿಂತಲೂ ಹೆಚ್ಚಿನ ಅಮೆರಿಕನ್ನರ ಅನುಭವದ ಪ್ರಕಾರ ಯಾರು ಬೆಳಗಿನ ಉಪಹಾರವನ್ನು ಸರಿಯಾದ ಸಮಯದಲ್ಲಿ ತೆಗೆದುಕೊಳ್ಳುತ್ತಾರೋ ಅವರು ಸರಿಯಾದ ದೇಹದ ತೂಕ ಹೊಂದಿರುತ್ತಾರೆ, ಮಧುಮೇಹದ ತೊಂದರೆಯಿಂದ ಮುಕ್ತರಾಗಿರುತ್ತಾರೆ. ಇದು ಸರಿಯಾಗಿ ಉಪಹಾರ ತೆಗೆದುಕೊಳ್ಳದೇ ಇರುವವರಿಗಿಂತ ಜಾಸ್ತಿ ಪ್ರಮಾಣದಲ್ಲಿರುವುದು ಸರ್ವೇಯಲ್ಲಿ ಕಂಡು ಬಂದಿದೆ.ಆದುದರಿಂದ ಸಮಯಕ್ಕೆ ಸರಿಯಾಗಿ ಉಪಹಾರ ಸೇವಿಸುವುದನ್ನು ಯಾವತ್ತು ತಪ್ಪಿಸಿಕೊಳ್ಳಬೇಡಿ. ಹಾಗೆಯೇ, ಮಕ್ಕಳ ಪೋಷಕರೂ ಕೂಡ ತಮ್ಮ ಮಕ್ಕಳ ಉತ್ತಮ ಆರೋಗ್ಯಕ್ಕಾಗಿ ಪೌಷ್ಠಿಕ ಆಹಾರವನ್ನು ದಿನ ನಿತ್ಯ ಸರಿಯಾದ ಸಮಯದಲ್ಲಿ ಕೊಡುವುದನ್ನು ಮರೆಯಬಾರದು.