ಗಬಗಬ ತಿಂದರೆ ಸಕ್ಕರೆ ಖಾಯಿಲೆ ಬರಬಹುದಾ?

Diabetes

oi-Sumalatha

By Sumalatha

Published: Saturday, October 8, 2011, 11:09 [IST]

ಈಗಿನ ಫಾಸ್ಟ್ ಲೈಫ್ ನಲ್ಲಿ ತಿನ್ನೋದಕ್ಕೂ ಪುರುಸೊತ್ತು ಇರೋದಿಲ್ಲ. ಒಂದೇ ನಿಮಿಷಕ್ಕೆ ತಿಂಡಿ, ಊಟವನ್ನು ಗಬಗಬನೆ ತಿಂದು ಕೆಲಸ ಕಾರ್ಯಗಳಿಗೆ ಹೋಗುವ ಮಂದಿ ಹೆಚ್ಚು. ಆದರೆ ಈ ರೀತಿ ಮಾಡುವುದರಿಂದ ಚಿಕ್ಕ ವಯಸ್ಸಿನಲ್ಲಿಯೇ ಮಧುಮೇಹ ಕಾಣಿಸಿಕೊಳ್ಳಬಹುದು ಎಂದು ನೂತನ ಸಂಶೋಧನೆಯೊಂದು ತಿಳಿಸಿದೆ.

ಸಂಶೋಧನೆ ಪ್ರಕಾರ, ತುಂಬಾ ಕಡಿಮೆ ಅವಧಿಯಲ್ಲಿ ಆಹಾರ ಸೇವಿಸುವವರು ಕಾಯಿಲೆಗಳಿಗೆ ಬೇಗನೆ ಒಳಗಾಗುತ್ತಾರಂತೆ. ಬೇಗ ಬೇಗನೆ ತಿನ್ನುವ ಅಭ್ಯಾಸ ರಕ್ತನಾಳದಲ್ಲಿ ಸಕ್ಕರೆ ಅಂಶ ಹೆಚ್ಚಿಸುತ್ತದೆ ಎಂದು ತಿಳಿಸಿದೆ.

ಇದರಿಂದ ಮೊದಲನೆ ಹಂತದ ಮಧುಮೇಹ ಖಾಯಿಲೆ ಅಂತಹವರಲ್ಲಿ ಬೇಗ ಕಾಣಿಸಿಕೊಳ್ಳುತ್ತದೆ ಎಂದಿದೆ. ಈ ರೀತಿ ಬಹುಬೇಗ ಆಹಾರ ಸೇವಿಸುವುದರಿಂದ ಇಂಪೇರ್ಡ್ ಗ್ಲೂಕೋಸ್ ಟಾಲೆರೆನ್ಸ್ (ಐಜಿಟಿ) ಬೆಳವಣಿಗೆಯಾಗಿ ಮಧುಮೇಹ ಕಾಣಿಸಿಕೊಳ್ಳುತ್ತದೆ.

ಗಬಗಬನೆ ತಿಂದು ಮುಗಿಸುವುದು ಅನೇಕ ರೀತಿಯಿಂದ ಆರೋಗ್ಯ ಸಮಸ್ಯೆಗೆ ದಾರಿ ಮಾಡಿಕೊಡುತ್ತದೆ ಎಂದು ಅನೇಕ ವೈದ್ಯರು ತಿಳಿಸಿದ್ದಾರೆ. ಇದು ಕ್ಯಾಲೊರಿಗಳನ್ನು ಹೆಚ್ಚಿಸುವುದಲ್ಲದೆ ತೂಕ ಹೆಚ್ಚಳಕ್ಕೂ ಕಾರಣವಾಗುತ್ತದೆ.

ಆದ್ದರಿಂದ ರಕ್ತದಲ್ಲಿ ಗ್ಲೂಕೋಸ್ ಅಂಶವನ್ನು ಹತೋಟಿಯಲ್ಲಿಡಲು ಸರಿಯಾದ ಕ್ರಮದಲ್ಲಿ ಆಹಾರ ಸೇವಿಸುವುದು ಅವಶ್ಯಕ ಎಂದು ಸಂಶೋಧನೆ ತಿಳಿಸಿದೆ.ನಿಧಾನವಾಗಿ ತಿಂದು ಫಿಟ್ ಆಗಿ ಇರಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.