ಮುಖದಲ್ಲಿ ಮೂಡುವ ನೆರಿಗೆಯ ಸಮಸ್ಯೆಗೆ, ಪವರ್‌‌ಫುಲ್ ಮನೆಮದ್ದುಗಳು

Skin Care

oi-Manohar Shetty

By Hemanth

Published: Tuesday, September 5, 2017, 18:41 [IST]

ವಯಸ್ಸಾಗುತ್ತಿರುವ ಲಕ್ಷಣ ತೋರಿಸುವಂತಹ ನೆರಿಗೆ ಮುಖದ ಮೇಲೆ ಮೂಡಿದರೆ ಅದರಿಂದ ಭಾರೀ ಚಿಂತೆ ಕಾಡಲು ಆರಂಭವಾಗುವುದು. ನೆರಿಗೆಯು ವಯಸ್ಸಾಗುತ್ತಿರುವ ಲಕ್ಷಣ ತೋರಿಸುವುದು ಮಾತ್ರವಲ್ಲದೆ ಮುಖದ ಸೌಂದರ್ಯ ಕೆಡಿಸುವುದು. ಮುಖದ ಮೇಲಿನ ನೆರಿಗೆ ವಿಷಯವನ್ನೇ ಇಟ್ಟುಕೊಂಡು ಕಂಪನಿಗಳು ಹಲವಾರು ರೀತಿಯ ಕ್ರೀಮ್‌ಗಳನ್ನು ಮಾರುಕಟ್ಟೆಗೆ ತರುತ್ತಾ ಇದೆ. ಇದು ಸ್ವಲ್ಪ ಸಮಯದವರೆಗೆ ನೆರಿಗೆ ನಿವಾರಣೆ ಮಾಡಿದರೂ ಅದರಿಂದ ಅಡ್ಡಪರಿಣಾಮಗಳು ಉಂಟಾಗುವುದು ಖಚಿತ.

ಆದರೆ ಮನೆಯಲ್ಲಿ ತಯಾರಿಸುವ ಕೆಲವು ಮನೆಮದ್ದಿನಿಂದ ಚರ್ಮವನ್ನು ನೆರಿಗೆ ಮುಕ್ತಗೊಳಿಸಬಹುದು. ವಯಸ್ಸಾಗುತ್ತಾ ಇರುವಂತೆ ಪುರುಷರು ಹಾಗೂ ಮಹಿಳೆಯರಲ್ಲಿ ನೆರಿಗೆ ಮೂಡುವುದು ಸಾಮಾನ್ಯ. ಕೆಲವು ಮನೆಮದ್ದುಗಳು ನೆರಿಗೆ ನಿವಾರಣೆ ಮಾಡುವುದು ಮಾತ್ರವಲ್ಲದೆ ನೆರಿಗೆ ಮತ್ತೆ ಮೂಡದಂತೆ ತಡೆಯುವುದು. ಇದು ಹೇಗೆಂದು ಬೋಲ್ಡ್ ಸ್ಕೈ ಈ ಲೇಖನ ಮೂಲಕ ತಿಳಿಸಲಿದೆ...

1.ಕಣ್ಣಿನ ಕೆಳಗಡೆ ನೆರಿಗೆ ಮೂಡಿದ್ದರೆ ಮೊಟ್ಟೆಯ ಬಿಳಿ ಲೋಳೆ ಹಚ್ಚಬಹುದು.
2.ಹರಳೆಣ್ಣೆ ನಿವಾರಣೆ ಮಾಡಲು ಮತ್ತೊಂದು ಉತ್ತಮ ವಿಧಾನವೆಂದರೆ ಹರಳೆಣ್ಣೆ. ಮುಖ ಹಾಗೂ ಕುತ್ತಿಗೆ ಭಾಗಕ್ಕೂ ಇದನ್ನು ಹಚ್ಚಿಕೊಳ್ಳಿ.
3.ಎರಡು ಚಮಚ ಮೊಸರು, ಒಂದು ಚಮಚ ಜೇನುತುಪ್ಪ, ಒಂದು ಚಮಚ ಲಿಂಬೆರಸದೊಂದಿಗೆ ಮೂರು ವಿಟಮಿನ್ ಕ್ಯಾಪ್ಸೂಲ್ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ. ಹತ್ತಿ ಉಂಡೆ ಬಳಸಿ ಮುಖಕ್ಕೆ ಹಚ್ಚಿಕೊಳ್ಳಿ. ಹತ್ತು ನಿಮಿಷ ಬಿಟ್ಟು ಮುಖ ತೊಳೆಯಿರಿ.

4.ನೆರಿಗೆ ಇರುವ ಮುಖದ ಭಾಗಕ್ಕೆ ತೆಂಗಿನೆಣ್ಣೆ ಹಚ್ಚಿಕೊಳ್ಳಿ ಪ್ರತೀ ದಿನ ರಾತ್ರಿ ಮೂರು ವಾರ ಕಾಲ ಇದನ್ನು ಹಚ್ಚಿಕೊಂಡರೆ ಫಲಿತಾಂಶ ಸಿಗಲಿದೆ.
5.ನೆರಿಗೆ ಮತ್ತು ವಯಸ್ಸಾಗುವ ಲಕ್ಷಣ ತಡೆಗಟ್ಟಲು ಅರಶಿನ ಮತ್ತು ಕಬ್ಬಿನ ಜ್ಯೂಸ್ ನ್ನು ಮಿಶ್ರಣ ಮಾಡಿಕೊಂಡು ಮುಖಕ್ಕೆ ಹಚ್ಚಿಕೊಳ್ಳಿ.
6.ನೆರಿಗೆ ನಿವಾರಣೆ ಮಾಡಲು ಅನಾನಸು ತುಂಬಾ ಒಳ್ಳೆಯದು. ನೆರಿಗೆ ಇರುವ ಭಾಗಕ್ಕೆ ಅನಾನಸನ್ನು ಸರಿಯಾಗಿ ಉಜ್ಜಿಕೊಳ್ಳಿ. 10ರಿಂದ 15 ನಿಮಿಷ ಕಾಲ ಹಾಗೆ ಬಿಟ್ಟು ಬಳಿಕ ತೊಳೆಯಿರಿ.
7.ನೆರಿಗೆಯೊಂದಿಗೆ ಮುಖದ ಚರ್ಮವು ಬಿರುಕು ಬಿಟ್ಟಂತೆ ಆಗಿದ್ದರೆ ಹಸಿರು ಅನಾನಸ್ ನ ಜ್ಯೂಸ್ ಮತ್ತು ಸೇಬಿನ ಜ್ಯೂಸ್ ಹಚ್ಚಿಕೊಂಡು 10ರಿಂದ 15 ನಿಮಿಷ ಹಾಗೆ ಬಿಡಿ. ಇದು ನೆರಿಗೆ ವಿಚಾರದಲ್ಲಿ ಅದ್ಭುತವನ್ನೇ ಮಾಡಲಿದೆ.