ಹರಳೆಣ್ಣೆ ಇರುವಾಗ ಸೌಂದರ್ಯದ ಸಮಸ್ಯೆಗೆ ಭಯವೇಕೆ?

Skin Care

oi-Manohar

By Suma

Published: Thursday, February 4, 2016, 19:47 [IST]

ಚರ್ಮದ ಸಮಸ್ಯೆಗಳು ದಿನೇ ದಿನೇ ಹೆಚ್ಚಾಗುತ್ತಿದ್ದು, ಆತಂಕದ ವಾತಾವರಣ ಎಲ್ಲರಲ್ಲಿ ಮನೆಮಾಡುತ್ತಿದೆ. ಈ ಸಮಸ್ಯೆಗೆ ಅನೇಕ ಕಾರಣಗಳಿದ್ದು, ಸೇವಿಸುವ ಆಹಾರ, ವಾತಾವರಣ, ಮಾನಸಿಕ ಒತ್ತಡ ಇತ್ಯಾದಿಗಳಿಂದ ಚರ್ಮದ ಚರ್ಮದ ಸಮಸ್ಯೆಯು ಉಲ್ಬಣಗೊಳ್ಳುತ್ತಿದೆ. ಹಾಗಾಗಿ ಈ ಸಮಸ್ಯೆಗೆ ಒಳ್ಳೆಯ ಉಪಾಯವೊಂದನ್ನು ಈ ಲೇಖನದಲ್ಲಿ ನಿಮಗಾಗಿ ನೀಡಲಾಗಿದೆ. ಅದುವೇ ಹರಳೆಣ್ಣೆಯ ಬಳಕೆ.

ಸಾಮಾನ್ಯವಾಗಿ ಎಲ್ಲರ ಮನೆಗಳಲ್ಲಿಯೂ ಹರಳೆಣ್ಣೆಯು ಇದ್ದೇ ಇರುತ್ತದೆ. ಹರಳೆಣ್ಣೆಯ ಉಪಯೋಗದ ಬಗ್ಗೆ ಅನೇಕರಿಗೆ ತಿಳಿದಿದ್ದರೂ ಸಹ ನಿಮ್ಮ ಚರ್ಮದ ಆರೈಕೆಯನ್ನು ಇದರಿಂದ ಮಾಡಬಹುದು ಎಂಬುದು ತಿಳಿದಿಲ್ಲ. ಈ ಲೇಖನದಲ್ಲಿ ಹರಳೆಣ್ಣೆಯನ್ನು ಉಪಯೋಗಿಸಿ ನಿಮ್ಮ ಸೌಂದರ್ಯವನ್ನು ಹೆಚ್ಚಿಸುವ 5 ಸುಲಭ ವಿಧಾನಗಳನ್ನು ನಿಮಗಾಗಿ ನೀಡಲಾಗಿದೆ. ವಿವರಗಳಿಗೆ ಮುಂದೆ ಓದಿ. . ಎಲ್ಲಾ ಬಗೆಯ ಕೂದಲಿನ ಸಮಸ್ಯೆಗೆ ಒಂದೇ ರಾಮಬಾಣ- ಹರಳೆಣ್ಣೆ

ಮೊಡವೆಗಳ ನಿವಾರಣೆಗೆ

ಮೊಡವೆಗಳು ಮತ್ತು ಕಲೆಗಳನ್ನು ಹೋಗಲಾಡಿಸಲು ಹರಳೆಣ್ಣೆ ನಿಜಕ್ಕೂ ರಾಮಬಾಣವಿದ್ದಂತೆ. ನಿಮ್ಮ ಮುಖವನ್ನು ನೀರಿನಿಂದ ಚೆನ್ನಾಗಿ ಸ್ವಚ್ಛಗೊಳಿಸಿದ ನಂತರ, ಹತ್ತಿಯ ಉಂಡೆಯನ್ನು ಬೆಚ್ಚನೆಯ ನೀರಿಗೆ ಅದ್ದಿ ಒಂದು ಹನಿ ಹರಳೆಣ್ಣೆಯನ್ನು ಅದರ ಮೇಲೆ ಸಿಂಪಡಿಸಿ. ಈಗ ಇದನ್ನು ನಿಮ್ಮ ಮೊಡವೆಯ ಭಾಗಕ್ಕೆ ನಯವಾಗಿ ತಿಕ್ಕಿಕೊಳ್ಳಿ. ನಂತರ ಒಂದು ರಾತ್ರಿ ಹಾಗೆಯೇ ಇರಲು ಬಿಡಿ. ಬೆಳಗ್ಗೆ ನಿಮ್ಮ ಮುಖವನ್ನು ಸ್ವಚ್ಛತಾ ಸಾಧನದಿಂದ ಚೆನ್ನಾಗಿ ಸ್ವಚ್ಛಗೊಳಿಸಿ.

ವಿವಿಧ ರೀತಿಯ ಚರ್ಮಕ್ಕೆ ತೇವಾಂಶ ನೀಡಿ
ನಿಮ್ಮ ಒಣಗಿದ ಚರ್ಮಕ್ಕೆ ಆರೈಕೆ ಮಾಡಲು ಮತ್ತು ತೇವಾಂಶ ನೀಡಲು ಹರಳೆಣ್ಣೆ ಮತ್ತು ಎಳ್ಳೆಣ್ಣೆಯನ್ನು ಮಿಶ್ರಣ ಮಾಡಿಕೊಂಡು ನಿಮ್ಮ ಚರ್ಮದ ಭಾಗಕ್ಕೆ ತಿಕ್ಕಿಕೊಳ್ಳಿ. ಅದೇ ರೀತಿಯಲ್ಲಿ ಸಹಜವಾದ ಚರ್ಮಕ್ಕೆ ದ್ರಾಕ್ಷಿ ಬೀಜದ ಎಣ್ಣೆ ಮತ್ತು ಹರಳೆಣ್ಣೆಯ ಮಿಶ್ರಣ ಹೆಚ್ಚು ಉಪಯುಕ್ತ. ಅಲ್ಲದೆ ಜಿಡ್ಡಿನ ಚರ್ಮಕ್ಕೆ ಜೊಜೊಬಾ ಎಣ್ಣೆ ಮಿಶ್ರಣ ನೆರವಾಗುತ್ತದೆ. ಹರಳೆಣ್ಣೆಯಲ್ಲಿದೆ ಹಲವು ಪ್ರಯೋಜನ

ಗೆರೆಯ ಗುರುತುಗಳನ್ನು ತಿಳಿಗೊಳಿಸಿ
ನಿಮ್ಮ ಚರ್ಮದ ಮೇಲಿರುವ ಚರ್ಮದ ಗೆರೆಯ ಕಲೆಗಳನ್ನು ನಿವಾರಿಸಲು ಹರಳೆಣ್ಣೆಯನ್ನು ದಿನಕ್ಕೆ ಎರಡು ಬಾರಿ ತಿಕ್ಕಿಕೊಳ್ಳಿ. ಇದನ್ನು ಕಟ್ಟುನಿಟ್ಟಾಗಿ ಪಾಲಿಸಿದರೆ ಒಂದು ತಿಂಗಳಲ್ಲಿ ನಿಮಗೆ ಫಲಿತಾಂಶ ದೊರೆಯುತ್ತದೆ.

ನವೆಯುಕ್ತ ಒಣ ಚರ್ಮವನ್ನು ನಿವಾರಿಸಿ
ಹರಳೆಣ್ಣೆಯ ಜೊತೆ ತೆಂಗಿನ ಎಣ್ಣೆಯನ್ನು ಮಿಶ್ರಣ ಮಾಡಿ ನವೆಯ ಜಾಗಕ್ಕೆ ಹಚ್ಚಿಕೊಳ್ಳಿ. ಸುಮಾರು 2 ರಿಂದ 3 ನಿಮಿಷಗಳವರೆಗೆ ನಯವಾಗಿ ತಿಕ್ಕಿಕೊಳ್ಳಿ. ನಂತರ 20 ನಿಮಿಷ ಹಾಗೆಯೇ ಬಿಡಿ. ತದನಂತರ ತಣ್ಣನೆಯ ನೀರಿನಿಂದ ಸ್ವಚ್ಛಗೊಳಿಸಿ. ಇದು ನಿಮ್ಮ ಒಣಗಿದ ನವೆಯಾದ ಚರ್ಮಕ್ಕೆ ಹೆಚ್ಚು ಉಪಯುಕ್ತ.

ತುಟಿಗಳಿಗೆ ತೇವಾಂಶ ನೀಡಿ
ಹರಳೆಣ್ಣೆಯನ್ನು ಉಪಯೋಗಿಸಿ ನಿಮ್ಮ ತುಟಿಗಳಿಗೆ ತೇವಾಂಶ ನೀಡಿ, ತುಟಿಯಲ್ಲಿನ ಸತ್ತ ಜೀವಕೋಶಗಳನ್ನು ಹೊರಹಾಕಿ. ಇದನ್ನು ರಾತ್ರಿ ಹೊತ್ತು ಅನುಸರಿಸಿದರೆ ಹೆಚ್ಚು ನೆರವಾಗುತ್ತದೆ. ನಿಮ್ಮ ತುಟಿಗಳಿಗೆ ಹರಳೆಣ್ಣೆ ಮತ್ತು ಸಕ್ಕರೆಯನ್ನು ಮಿಶ್ರಣ ಮಾಡಿಕೊಂಡು ನಯವಾಗಿ ತಿಕ್ಕಿಕೊಳ್ಳಿ. ಬೆಳಗ್ಗೆ ಎದ್ದ ನಂತರ ಸ್ವಚ್ಛಗೊಳಿಸಿ. ವ್ಯತ್ಯಾಸ ನಿಮಗೇ ತಿಳಿಯುತ್ತದೆ.