ತ್ವಚೆಯ ಆರೈಕೆಗೆ ದಿನನಿತ್ಯ ಬಳಸುವ ಪದಾರ್ಥಗಳೇ ಸಾಕು

ಬಾದಾಮಿ ಪೇಸ್ಟ್

ಬಾದಾಮಿಯಲ್ಲಿ ವಿಟಮಿನ್-ಇ ಅಂಶವು ಹೇರಳವಾಗಿದ್ದು, ಇದು ಚರ್ಮದ ಕಾಂತಿಯನ್ನು ಹೆಚ್ಚಿಸಲು ಹೆಚ್ಚು ಸಹಕಾರಿ. ಇದರಲ್ಲಿರುವ ವಿಟಮಿನ್-ಡಿ ಸತ್ವವು ಚರ್ಮಕ್ಕೆ ಒಳಗಿನಿಂದ ತೇವಾಂಶ ನೀಡಿ ಹೆಚ್ಚಿನ ಆರೈಕೆಗೆ ನೆರವಾಗುತ್ತದೆ. ಬಾದಾಮಿ ಪುಡಿಗೆ ಕ್ರಮವಾಗಿ ಲಿಂಬೆರಸ, ಒಂದು ಚಿಟಿಕೆ ಕಡಲೆ ಹಿಟ್ಟು ಮತ್ತು ಒಂದು ಚಮಚ ತಂಪಾದ ಹಾಲನ್ನು ಬೆರೆಸಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಿ. ಈ ಮಿಶ್ರಣವನ್ನು ನಿಮ್ಮ ಚರ್ಮದ ಭಾಗಕ್ಕೆ ನಯವಾಗಿ ತಿಕ್ಕಿ. ಈ ಪ್ರಕ್ರಿಯೆಯನ್ನು ಕ್ರಮವಾಗಿ ಅನುಸರಿಸಿದರೆ ನಿಮ್ಮ ಚರ್ಮದ ಕಾಂತಿಯು ಇಮ್ಮಡಿಯಾಗುವುದರಲ್ಲಿ ಸಂಶಯವೇ ಇಲ್ಲ.

ವಾಲ್ ನಟ್

ಈ ಬೀಜಗಳ ಅನೇಕ ಸ್ಕ್ರಬ್ ಶೈಲಿಗಳು ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಇದರಲ್ಲಿರುವ ಒರಟಾದ ಲಕ್ಷಣವು ಮತ್ತು ಬೀಜದ ಸತ್ವವು ನಿಮ್ಮ ಚರ್ಮದ ಸತ್ತ ಜೀವಕೋಶಗಳನ್ನು ಹೊರತೆಗೆಯಲು ಹೆಚ್ಚು ನೆರವಾಗುತ್ತದೆ. ಅಲ್ಲದೆ ಇದರಲ್ಲಿ ಬೇಕಾಗುವ ಅವಶ್ಯಕ ಮೇದಾಮ್ಲ ಸತ್ವವಿದ್ದು, ಚರ್ಮವನ್ನು ಮೃದುಗೊಳಿಸಲು ನಿಜಕ್ಕೂ ಹೆಚ್ಚು ಸಹಕಾರಿ.

ಹೆಸರು ಕಾಳು

ಹೆಸರು ಕಾಳುಗಳಲ್ಲಿ ಯಥೇಚ್ಛವಾಗಿ ವಿಟಮಿನ್-ಎ ಮತ್ತು ಸಿ ಸತ್ವವು ನಿಮ್ಮ ಚರ್ಮಕ್ಕೆ ಹೆಚ್ಚಿನ ಆರೈಕೆ ನೀಡಿ ಸತ್ತ ಜೀವಕೋಶಗಳನ್ನು ತೆಗೆಯಲು ಸಹಕಾರಿಯಾಗಿದೆ. ಈ ಕಾಳುಗಳ ಪೇಸ್ಟ್ ಗೆ ಜೇನು ಮತ್ತು ಬಾದಾಮಿ ತೈಲವನ್ನು ಬೆರೆಸಿ ನಿಮ್ಮ ಚರ್ಮಕ್ಕೆ ನಯವಾಗಿ ತಿಕ್ಕಿಕೊಂಡಲ್ಲಿ ನಿಮ್ಮ ಚರ್ಮವು ಮೃದುಗೊಂಡು ಹೆಚ್ಚು ನಾಜೂಕಾಗುತ್ತದೆ.

ಅಕ್ಕಿ

ಅಕ್ಕಿಯಲ್ಲಿ ವಿಟಮಿನ್-ಇ, ಕೆ ಮತ್ತು ಬಿ6 ಸತ್ವಗಳು ಯಥೇಚ್ಛವಾಗಿದ್ದು, ಅಕ್ಕಿಯು ಸತ್ತ ಜೀವಕೋಶಗಳನ್ನು ಹೊರತೆಗೆಯಲು ನಿಜಕ್ಕೂ ನೆರವಾಗುತ್ತದೆ. ಅಕ್ಕಿ ಹಿಟ್ಟಿಗೆ ಸ್ವಲ್ಪ ಜೇನನ್ನು ಬೆರೆಸಿ ನಿಮ್ಮ ತ್ವಚೆ ಮತ್ತು ದೇಹದ ಭಾಗಕ್ಕೆ ನಯವಾಗಿ ತಿಕ್ಕಿಕೊಳ್ಳಿ. ಈ ಮಿಶ್ರಣವು ಚರ್ಮದ ಸತ್ತ ಜೀವಕೋಶಗಳನ್ನು ಹೊರತೆಗೆಯಲು ಹೆಚ್ಚು ಪರಿಣಾಮಕಾರಿಯಾಗಿದ್ದು, ಚರ್ಮದ ಧೂಳು ಮತ್ತು ಸತ್ತ ಜೀವಕೋಶಗಳನ್ನು ಹೊರತೆಗೆಯಲು ಹೆಚ್ಚು ನೆರವಾಗುತ್ತದೆ.

ಕಡಲುಪ್ಪು

ಕಡಲುಪ್ಪಿನಲ್ಲಿರುವ ಖನಿಜ ಸತ್ವಗಳು ಚರ್ಮದ ಒಳಗಿನಿಂದ ತೇವಾಂಶ ನೀಡಿ ಜೀವಕೋಶಗಳ ಬೆಳವಣಿಗೆಗೆ ನೆರವಾಗುತ್ತದೆ. ಕಡಲುಪ್ಪನ್ನು ಆಲಿವ್ ಅಥವಾ ಬಾದಾಮಿ ತೈಲದೊಂದಿಗೆ ಬೆರೆಸಿ ನಿಮ್ಮ ಒಣಚರ್ಮದ ಮೇಲೆ ಚೆನ್ನಾಗಿ ತಿಕ್ಕಿಕೊಳ್ಳಿ. ಉಪ್ಪಿನಲ್ಲಿರುವ ವಿಶಿಷ್ಟ ಗುಣವು ನಿಮ್ಮ ಚರ್ಮದ ಸತ್ತ ಜೀವಕೋಶಗಳನ್ನು ಹೊರತೆಗೆದು ರಕ್ತ ಸಂಚಾರವನ್ನು ಸುಗಮಗೊಳಿಸಿ, ಮಿಶ್ರಣ ಮಾಡಿರುವ ತೈಲದ ಅಂಶಗಳು ಚರ್ಮಕ್ಕೆ ಒಳಗಿನಿಂದಲೇ ತೇವಾಂಶ ನೀಡಿ ಚರ್ಮವನ್ನು ಹೆಚ್ಚು ಹಿತಗೊಳಿಸಿ ನಾಜೂಕುಗೊಳಿಸುತ್ತದೆ.