ನಿಮ್ಮ ಮುಖದ ನೈಜ ಬಣ್ಣ ಕಳೆಗುಂದುತ್ತಿದೆಯಾ?

Skin Care

oi-Sumalatha

By Sumalatha

Published: Monday, October 24, 2011, 11:37 [IST]

ಕನ್ನಡಿಯಲ್ಲಿ ನೋಡಿಕೊಂಡ ತಕ್ಷಣ ನಿಮ್ಮ ಮುಖ ಕಳೆಗುಂದಿದಂತೆ ಕಾಣುತ್ತಿದೆಯಾ? ಅಲ್ಲಲ್ಲಿ ಸಣ್ಣ ಗೆರೆ, ಕಪ್ಪು ಕಲೆ, ಒಣ ಚರ್ಮ ಇವೆಲ್ಲಾ ಸೇರಿ ಮುಖವನ್ನು ಕಳಾಹೀನವಾಗಿ ಮಾಡಿರಬಹುದು. ಹೀಗಾಗುವುದು ಸಹಜ. ಆದರೆ ಚಿಂತಿಸುವ ಅಗತ್ಯವಿಲ್ಲ.

ಬಣ್ಣ ಕುಂದುವಿಕೆ ಸಮಸ್ಯೆ ನೀಗಿಸಲು ಕೆಲವು ನೈಸರ್ಗಿಕ ಸಲಹೆಗಳನ್ನು ಪಾಲಿಸಿದರೆ ಸಾಕು.

1. ಆಲೂಗಡ್ಡೆಯನ್ನು ತುರಿದು, ರಸವನ್ನು ಮುಖಕ್ಕೆ ಲೇಪಿಸಬೇಕು. ಆಲೂಗಡ್ಡೆ ರಸದಲ್ಲಿನ ಬ್ಲೀಚಿಂಗ್ ಅಂಶ ಚರ್ಮವನ್ನು ಬೆಳ್ಳಗೆ ಮಾಡುತ್ತದೆ.

2. ದಿನವೂ ಮೊಸರಿನಿಂದ ಮುಖವನ್ನು ಚೆನ್ನಾಗಿ ಮಸಾಜ್ ಮಾಡಿಕೊಂಡು ತಣ್ಣನೆ ನೀರಿನಿಂದ ತೊಳೆದುಕೊಂಡರೆ ಕಪ್ಪು ಕಲೆ ಕ್ರಮೇಣ ಕಡಿಮೆಗೊಳ್ಳುತ್ತದೆ. ಮುಖದ ಮೇಲಿನ ಕೂದಲನ್ನು ಬ್ಲೀಚ್ ಮಾಡಿ ನೈಜ ಬಣ್ಣವನ್ನು ನಿಮಗೆ ನೀಡುತ್ತದೆ.

3. ನಿಂಬೆ ಮತ್ತು ಟೊಮೆಟೊ ರಸ ನಿರ್ಜೀವ ಬಣ್ಣ ಹೋಗಿಸಲು ಪರಿಣಾಮಕಾರಿ. ಈ ಎರಡೂ ರಸವನ್ನು ಬೆರೆಸಿ ಅದರಲ್ಲಿ ಹತ್ತಿ ಅದ್ದಿ ಅದನ್ನು ಮುಖದ ಮೇಲೆ ವೃತ್ತಾಕಾರವಾಗಿ ಮಸಾಜ್ ಮಾಡಿಕೊಂಡರೆ ಚರ್ಮ ಕಾಂತಿಯುತವಾಗುತ್ತದೆ.

4. ಪರಂಗಿ, ಓಟ್ ಮೀಲ್ ಮತ್ತು ಜೇನಿನ ಫೇಸ್ ಪ್ಯಾಕ್ ಹಾಕಿಕೊಂಡರೆ ನಿರ್ಜೀವ ಕಳೆ ಹೋಗಿ ಮುಖ ಹೊಳೆಯುವಂತೆ ಮಾಡುತ್ತದೆ.

5. ವಿಳ್ಳೆಯದೆಲೆಯೂ ಸೂರ್ಯನ ಕಿರಣಗಳಿಂದ ಕಪ್ಪಾದ ಚರ್ಮಕ್ಕೆ ಹೆಚ್ಚು ಪರಿಣಾಮಕಾರಿ. ವಿಳ್ಳೆಯದೆಲೆಯ ರಸವನ್ನು ಕಪ್ಪಾದ ಜಾಗಕ್ಕೆ ಹಚ್ಚಿಕೊಂಡು ತಣ್ಣಗಿನ ನೀರಿನಿಂದ ತೊಳೆದುಕೊಂಡರೆ ಕ್ರಮೇಣ ಸಮಸ್ಯೆ ದೂರವಾಗುತ್ತದೆ.

6. ಕಡಲೆ ಹಿಟ್ಟು, ಹಾಲು ಮಿಶ್ರಿತ ಫೇಸ್ ಪ್ಯಾಕ್ ಈ ಸಮಸ್ಯೆಗೆ ಸರಳೋಪಾಯ. ನಿರ್ಜೀವ ಚರ್ಮವನ್ನು ತೊಲಗಿಸಿ ತ್ವಚೆ ತಾಜಾ ಆಗಿರುವಂತೆ ನೋಡಿಕೊಳ್ಳುತ್ತದೆ.
ಯಾವುದೇ ಅಡ್ಡ ಪರಿಣಾಮ ಉಂಟುಮಾಡದೆ, ನೈಸರ್ಗಿಕ ಬಣ್ಣವನ್ನು ಮರಳಿ ಪಡೆಯಲು ಸಹಾಯ ಮಾಡುವ ಈ ಅಂಶಗಳನ್ನು ಪಾಲಿಸಿದರೆ ಉತ್ತಮ ಫಲಿತಾಂಶ ನಿಮ್ಮದಾಗುತ್ತದೆ.