ಮಾಡರ್ನ್ ಲೈಫ್ ಸ್ಟೈಲ್ ನಿಮ್ಮ ವಯಸ್ಸು ಹೆಚ್ಚಿಸಬಹುದು

Skin Care

oi-Sumalatha

By Sumalatha

Published: Wednesday, September 14, 2011, 16:52 [IST]

ಹತ್ತು ವರ್ಷ ಚಿಕ್ಕವರಂತೆ ಕಾಣಬೇಕೆಂದು ಮಹಿಳೆಯರು ಬಯಸುವುದು ಸಾಮಾನ್ಯ. ಆದರೆ ಮಹಿಳೆಯರು ಅನುಸರಿಸುವ ಅನಾರೋಗ್ಯಕರ ಜೀವನಶೈಲಿ ಅವರ ನಿಜ ವಯಸ್ಸಿಗಿಂತ ನಾಲ್ಕು ವರ್ಷ ಹೆಚ್ಚು ವಯಸ್ಸಾದವರ ಹಾಗೆ ಕಾಣುವಂತೆ ಮಾಡುತ್ತದೆ ಎಂದು ಅಧ್ಯಯನವೊಂದು ತಿಳಿಸಿದೆ.

ಅನಾರೋಗ್ಯಕರ ಜೀವನಶೈಲಿ ಅಳವಡಿಸಿಕೊಂಡಿರುವ ಮಹಿಳೆಯರಲ್ಲಿ ಅಕಾಲಿಕ ಮುಪ್ಪಿನ ಛಾಯೆ ಮೂಡಲು ಆರಂಭಿಸಿ ಅವರ ಯಥಾ ವಯಸ್ಸಿಗಿಂತ ನಾಲ್ಕು ವರ್ಷ ದೊಡ್ಡವರಂತೆ ಕಾಣುವರು ಎನ್ನಲಾಗಿದೆ.

ಧೂಮಪಾನ, ಆಲ್ಕೊಹಾಲ್ ಸೇವನೆ, ಅನಾರೋಗ್ಯಕರ ಆಹಾರ ಕ್ರಮ ಮತ್ತು ವ್ಯಾಯಾಮದ ಕೊರತೆ ಇಂತಹ ಅನಾರೋಗ್ಯಕರ ಜೀವನ ಶೈಲಿ, ತ್ವಚೆಯಲ್ಲಿನ ಕೊಲಾಜೆನ್ ಅಂಶವನ್ನು ತಗ್ಗಿಸಿ, ವಯಸ್ಸಾಗುವ ಮುನ್ನವೇ ತ್ವಚೆಯ ಕಾಂತಿ ಕಡಿಮೆಗೊಂಡು ಸುಕ್ಕು ಮೂಡಿಸುತ್ತದೆ ಇದು ಮಹಿಳೆಯರು ಹೆಚ್ಚು ವಯಸ್ಸಾದವರ ಹಾಗೆ ಕಾಣುವಂತೆ ಮಾಡುತ್ತದೆ ಎಂದು ವೈದ್ಯರು ತಿಳಿಸಿದ್ದಾರೆ.

ಬ್ರಿಟನ್ ನಲ್ಲಿ 25ರ ವಯೋಮಿತಿಯ ಸುಮಾರು 8000 ಮಹಿಳೆಯರ ಮೇಲೆ ನಡೆಸಿದ ಸಂಶೋಧನೆಯಿಂದ, ಸರಿಯಿಲ್ಲದ ಜೀವನ ಶೈಲಿ ತ್ವಚೆಯ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ ಎಂದು ತಿಳಿಸಿದೆ.

ಆದ್ದರಿಂದ ವ್ಯಾಯಾಮ, ಹೆಚ್ಚು ನೀರು ಕುಡಿಯುವುದು, ಹಣ್ಣು ತರಕಾರಿ ಸೇವನೆ ಮತ್ತು ಉತ್ತಮ ಆಹಾರ ಕ್ರಮ ರೂಢಿಸಿಕೊಂಡರೆ ಬೇಗ ವಯಸ್ಸಾಗುವಂತೆ ಕಾಣುವುದರಿಂದ ತಪ್ಪಿಸಿಕೊಳ್ಳಬಹುದು ಎಂದು ಅಧ್ಯಯನದಲ್ಲಿ ತಿಳಿಸಿದೆ.