ಸುಂದರ ಮತ್ತು ಸುಂದರಿಯಾಗಲು ಐದೇ ಐದು ಸಲಹೆ

ನಗುನಗುತಾ ಇದ್ದರೆ ಎಲ್ಲವೂ ಸರಳ: ಏನಾದರೂ ಆಗಲಿ ನಗುನಗುತ್ತಾ ಇರಿ...ನಿಮ್ಮ ಸೌಂದರ್ಯ ನಿಮ್ಮ ನಗುವಿನಲ್ಲೇ ಅಡಗಿದೆ. ಸದಾ ಹಸನ್ಮುಖಿಯಾಗಿದ್ದರೆ ಅದೇ ನಿಮ್ಮನ್ನು ಸುಂದರವಾಗಿ ಕಾಣುವಂತೆ ಮಾಡುತ್ತದೆ. ನೀವು ಅತಿ ಆಕರ್ಷಿತ ವ್ಯಕ್ತಿಯಾಗಿ ಗೋಚರಿಸುವುದರಲ್ಲಿ ಸಂದೇಹವೇ ಇಲ್ಲ. ಏನೇ ಆದರೂ ಜಸ್ಟ್ ಫೈನ್ ಎಂದು ಮುನ್ನಡೆಯುತ್ತಿರಬೇಕು. ಅಲ್ಲಿಗೆ ಜನುಮದ ಪಯಣದ ಹಾದಿ ಸುಗಮ...

ವಯಸ್ಸು ಹೇಳಲು ಹಿಂಜರಿಕೆ? ಏಕೆ ಹೀಗೆ?: ಅಯ್ಯೋ ನನಗೀಗ ಮೂವತ್ತು, ಎಷ್ಟು ಬೇಗ ವಯಸ್ಸಾಯ್ತು, ನಾನಿನ್ನು ನೋಡೋಕೆ ಚೆನ್ನಾಗಿ ಕಾಣೋದಿಲ್ಲ ಅನ್ನಿಸುತ್ತೆ, ಇದು ತುಂಬಾ ಮಹಿಳೆಯರು ಮೂವತ್ತು ದಾಟಿದ ನಂತರ ಯೋಚಿಸುವ ಪರಿ. ಪುರುಷರೂ ಇದರಿಂದ ಹೊರತೇನಲ್ಲ.

ಆದರೆ ಈ ಯೋಚನೆಯಿಂದ ನಿಮ್ಮ ವಯಸ್ಸು ತಿರುಗಿ ಬರಲು ಸಾಧ್ಯವಾ? ಇಲ್ಲ ತಾನೆ? ಹಾಗಾದರೆ ಈ ಅನಾವಶ್ಯಕ ಬೇಸರ ಚಿಂತೆ ಬಿಟ್ಟು ನಿಮ್ಮ ವಯಸ್ಸನ್ನು ಸಂತೋಷವಾಗಿ ಸ್ವೀಕರಿಸಲು ಪ್ರಾರಂಭಿಸಿ. ಆದರೆ ದೇಹದೊಂದಿಗೆ ಮನಸ್ಸಿಗೂ ವಯಸ್ಸಾಗಿದೆ ಎಂದು ಭಾವಿಸಬೇಡಿ. ಸದಾ ಚಟುವಟಿಕೆಯಿಂದ ಇದ್ದು ಮತ್ತೊಬ್ಬರನ್ನೂ ಸಂತೋಷಗೊಳಿಸಿ. ಅನೇಕ ಅನುಭವಗಳ ಗೂಡಾಗಿರುವ ನಿಮ್ಮ ವಯಸ್ಸನ್ನು ಹೇಳಿಕೊಳ್ಳಲು ಹಿಂಜರಿಯಬೇಕಿಲ್ಲ.