ತಲೆಹೊಟ್ಟನ್ನು ಬೇರು ಸಮೇತ ಕಿತ್ತು ಹಾಕುವ ಮನೆಮದ್ದು

ಟೀ ಟ್ರೀ ಎಣ್ಣೆ

ತಲೆಹೊಟ್ಟುವಿಗೆ ಅತ್ಯಂತ ಪರಿಣಾಮಕಾರಿಯಾಗಿರುವಂತಹ ಮನೆಮದ್ದು. ಇದು ತಲೆಬುರುಡೆಗೆ ತೇವಾಂಶವನ್ನು ನೀಡಿ ಕಿರಿಕಿರಿ ಉಂಟುಮಾಡುವ ಚರ್ಮವನ್ನು ಸುಧಾರಿಸುವುದು. ಸುಮಾರು 12 ಹನಿಯಷ್ಟು ಟೀ ಟ್ರೀ ಎಣ್ಣೆಯನ್ನು ಬಾದಾಮಿ ಎಣ್ಣೆ, ಜೊಜೊಬಾ ಎಣ್ಣೆ, ಅಥವಾ ಆಲಿವ್ ತೈಲದೊಂದಿಗೆ ಮಿಶ್ರಣ ಮಾಡಿಕೊಳ್ಳಿ. ಒಂದು ಹತ್ತಿ ಉಂಡೆಯನ್ನು ಇದರಲ್ಲಿ ಮುಳುಗಿಸಿ ತಲೆಬುರುಡೆಗೆ ಹಚ್ಚಿ. 30 ನಿಮಿಷ ಕಾಲ ಹಾಗೆ ಬಿಟ್ಟುಬಿಟ್ಟು ತಂಪಾದ ನೀರಿನಿಂದ ತೊಳೆಯಿರಿ.

ಲಿಂಬೆ

ಲಿಂಬೆಹಣ್ಣಿನಲ್ಲಿರುವ ವಿಟಮಿನ್ ಸಿ ಮತ್ತು ಆಮ್ಲೀಯ ಗುಣವು ತಲೆಹೊಟ್ಟನ್ನು ದೂರವಿಡುತ್ತದೆ. ಲಿಂಬೆಯ ರಸವನ್ನು ತೆಗೆದು ತಲೆಗೆ ಹಚ್ಚಬಹುದು ಅಥವಾ ನೇರವಾಗಿ ನಿಂಬೆಯನ್ನು ತಲೆಗೆ ಉಜ್ಜಬಹುದು.

ಅಡುಗೆ ಸೋಡಾ

ಕೂದಲನ್ನು ಸರಿಯಾಗಿ ಒಣಗಿಸಿ ಮತ್ತು ಸ್ವಲ್ಪ ಅಡುಗೆ ಸೋಡಾವನ್ನು ಕೂದಲಿಗೆ ಸಿಂಪಡಿಸಿಕೊಂಡು ಮಸಾಜ್ ಮಾಡಿಕೊಳ್ಳಿ. ಶಾಂಪೂವಿನಿಂದ ತೊಳೆಯಿರಿ. ಅಡುಗೆ ಸೋಡಾವು ಫಂಗಿಗಳು ಅತಿಯಾಗಿ ಪ್ರತಿಕ್ರಿಯಿಸುವುದನ್ನು ತಡೆಯುತ್ತದೆ. ಇದರಿಂದ ತಲೆಬುರುಡೆಯು ಸ್ವಚ್ಛವಾಗಿರುತ್ತದೆ.

ಬಾಳೆಹಣ್ಣಿನ ಹೇರ್ ಮಾಸ್ಕ್

ಮಾಗಿದ ಅರ್ಧ ಬಾಳೆಹಣ್ಣನ್ನು ತೆಗೆದುಕೊಂಡು ಸರಿಯಾಗಿ ಹಿಚುಕಿಕೊಂಡು ಅದಕ್ಕೆ ಒಂದು ಚಮಚ ಮೊಸರು ಮತ್ತು ನಾಲ್ಕು ಚಮಚ ಬಾದಾಮಿ ಎಣ್ಣೆಯನ್ನು ಹಾಕಿ ಮಿಶ್ರಣ ಮಾಡಿಕೊಳ್ಳಿ. ಈ ಮಿಶ್ರಣವನ್ನು ತಲೆಗೆ ಹಚ್ಚಿಕೊಂಡು ಸರಿಯಾಗಿ ಮಸಾಜ್ ಮಾಡಿಕೊಳ್ಳಿ. 20 ನಿಮಿಷ ಬಿಟ್ಟು ಶಾಂಪೂವಿನಿಂದ ತೊಳೆಯಿರಿ.

ಶಾಂಪೂ

ಸಾಲಿಸ್ಯಲಿಕ್ ಆಮ್ಲವು ಹೊಂದಿರುವಂತಹ ಶಾಂಪೂವನ್ನು ಮಕ್ಕಳ ಕೂದಲಿಗೆ ವಾರದಲ್ಲಿ ಎರಡು ಸಲ ಬಳಸಿ. ಇದು ತಲೆಹೊಟ್ಟನ್ನು ನಿವಾರಿಸುತ್ತದೆ. ಆದರೆ ವೈದ್ಯರನ್ನು ಭೇಟಿಯಾಗಿ ಮಗುವಿಗೆ ಯಾವ ರೀತಿಯ ಶಾಂಪೂ ಬಳಕೆ ಮಾಡಬಹುದು ಎಂದು ತಿಳಿದುಕೊಂಡರೆ ಒಳ್ಳೆಯದು.

ತಲೆ ಬಾಚಿಕೊಳ್ಳಿ

ಶಾಂಪೂ ಹಾಕಿಕೊಳ್ಳುವ ಮೊದಲು ತಲೆಗೆ ಬಾಚಣಿಗೆ ಹಾಕಿದರೆ ತಲೆಹೊಟ್ಟುಯನ್ನು ತೆಗೆಯಬಹುದು. ವೈದ್ಯರು ಸೂಚಿಸಿದಂತಹ ಶಾಂಪೂ ಬಳಸದೆ ಇದ್ದರೆ ಮಕ್ಕಳ ಶಾಂಪೂ ಬಳಸಿರಿ.