ಗರ್ಭಾವಸ್ಥೆಯಲ್ಲಿ ಕೂದಲಿನ ಬಗ್ಗೆ ಜಾಗ್ರತೆಯಿರಲಿ

Hair Care

oi-Sumalatha

By Sumalatha

Published: Wednesday, October 12, 2011, 18:03 [IST]

ಗರ್ಭಾವಸ್ಥೆ ಸಮಯದಲ್ಲಿ ದೈಹಿಕ ಮತ್ತು ಮಾನಸಿಕ ಬದಲಾವಣೆಯಾಗುವುದರಿಂದ ಕೂದಲುದುರುವ ಸಮಸ್ಯೆಯೂ ಕಾಣಿಸಿಕೊಳ್ಳುತ್ತದೆ. ಆದ್ದರಿಂದ ಗರ್ಭಿಣಿಯರು ಯಾವ ಆಹಾರ ಸೇವಿಸಿದರೆ ಕೂದಲಿನ ಸಮಸ್ಯೆ ತಡೆಯಬಹುದು ಎಂದು ಇಲ್ಲಿ ಸಲಹೆಗಳನ್ನು ನೀಡಲಾಗಿದೆ.

ಕೂದಲುದುರುವ ಸಮಸ್ಯೆಗೆ ಪರಿಹಾರ:

1. ಫೋಲಿಕ್ ಆಸಿಡ್: ಗರ್ಭಾವಸ್ಥೆ ಸಮಯದಲ್ಲಿ ಕೂದಲು ತುಂಬಾ ಚೆನ್ನಾಗಿ ಬೆಳೆಯುತ್ತದೆ. ಆದರೆ ಒಮ್ಮೊಮ್ಮೆ ಕೂದಲುದುರುವ ಸಮಸ್ಯೆಯೂ ಬರುತ್ತದೆ. ಫೋಲಿಕ್ ಆಸಿಡ್ ಕೂದಲ ಬೆಳವಣಿಗೆಗೆ ತುಂಬಾ ಸಹಕಾರಿ.

ಆದ್ದರಿಂದ ಫೋಲಿಕ್ ಆಸಿಡ್ ಅಂಶ ಹೆಚ್ಚಿರುವ ಪಾಲಾಕ್, ಬೀಟ್ ರೂಟ್, ಹೂಕೋಸು, ಕಿಡ್ನಿ ಬೀನ್ಸ್, ಧಾನ್ಯಗಳು, ಸಿಟ್ರಸ್ ಅಂಶ ಹೆಚ್ಚಿರುವ ಹಣ್ಣು, ಕಾಳು, ದಂಟು, ಮರಕೋಸು, ಎಲೆಕೋಸು ಮುಂತಾದುವನ್ನು ಸೇವಿಸುತ್ತಿದ್ದರೆ ಈ ಸಮಸ್ಯೆಯಿಂದ ಪಾರಾಗಬಹುದು.

2. ಕಬ್ಬಿಣಾಂಶವಿರಲಿ: ಕಬ್ಬಿಣಾಂಶ ಹೆಚ್ಚಿರುವ ಆಹಾರ ಸೇವಿಸುವುದರಿಂದ ರಕ್ತ ಸಂಚಲನ ಹೆಚ್ಚಾಗಿ ಕೂದಲಿನ ಕಣಗಳು ಉತ್ಪತ್ತಿಯಾಗುತ್ತದೆ. ಆದ್ದರಿಂದ ಕಬ್ಬಿಣಾಂಶವಿರುವ ಕಿಡ್ನಿ ಬೀನ್, ಪಾಲಾಕ್ಮ ರಾಗಿ, ಮೆಂತ್ಯೆ, ಮೊಳಕೆಯೊಡೆದ ಕಾಳು, ಕ್ಯಾರೆಟ್, ಟೋಫು, ಕಡಲೆಕಾಳು, ಬಟಾಣಿ, ಸೊಯಾ ಬೀನ್, ಬಾದಾಮಿ, ದ್ರಾಕ್ಷಿ ಸೇವಿಸಿದರೆ ಕೂದಲುದುರುವಿಕೆಯಿಂದ ಮುಕ್ತಿ ಹೊಂದಬಹುದು.

3. ಕ್ಯಾಲ್ಸಿಯಂ: ಕ್ಯಾಲ್ಸಿಯಂ ಹೆಚ್ಚಿರುವ ಅಂಶಗಳಾದ, ಕಡಿಮೆ ಕೊಬ್ಬಿರುವ ಹಾಲಿನ ಉತ್ಪನ್ನಗಳು, ಮೀನು, ಬೀಟ್ ರೂಟ್, ನುಗ್ಗೆಕಾಯಿ, ಪಾಲಾಕ್, ಹೂಕೋಸು, ಮೆಂತ್ಯೆ, ಲವಂಗ ಮುಂತಾದುವನ್ನು ಸೇವಿಸಿದರೆ ಕೂದಲು ಸೊಂಪಾಗಿರಲು ಸಹಕಾರಿಯಾಗುತ್ತದೆ.