ನಲವತ್ತರ ನಂತರ ಕೂದಲುದುರುತ್ತಿದೆಯಾ?

Published: Wednesday, September 14, 2011, 11:38 [IST]

ನಲವತ್ತು ದಾಟುತ್ತಿದ್ದಂತೆ ಪುರುಷರು ಮತ್ತು ಮಹಿಳೆಯರಿಗೆ ತಲೆಕೂದಲುದುರುವ ಸಮಸ್ಯೆ ಎದುರಾಗುತ್ತೆ. ಕೆಲಸದ ಒತ್ತಡ, ಜೀವನ ಶೈಲಿ ಇದಕ್ಕೆ ಕಾರಣವಿರಬಹುದು. ಆದರೆ ನೈಸರ್ಗಿಕ ವಿಧಾನದಿಂದ ಕೂದಲುದುರುವಿಕೆ ತಡೆಯುವುದು ಸಾಧ್ಯವಿದೆ. ಮೆಂತ್ಯೆ ಕಾಳು ಅಥವಾ ಸೊಪ್ಪು ಕೂದಲಿನ ಸ್ವಾಸ್ಥ್ಯಕ್ಕೆ ತುಂಬಾ ಉಪಯೋಗಕ್ಕೆ ಬರುತ್ತದೆ.

ಕೂದಲಿಗೆ ಮೆಂತ್ಯೆ ಹೇಗೆ ಸಹಕಾರಿ?
* ಮೆಂತ್ಯೆಯಲ್ಲಿರುವ ನಿಕೊಟಿನಿಕ್ ಆಸಿಡ್ ಮತ್ತು ಪ್ರೊಟೀನ್ ಕೂದಲನ್ನು ಪುನಶ್ಚೇತನಗೊಳಿಸಿ ಕೂದಲ ಬೆಳವಣಿಗೆಗೆ ಸಹಾಯಕವಾಗುತ್ತದೆ.
* ಮೆಂತ್ಯೆಯಲ್ಲಿನ ಲೆಸಿತಿನ್ ಅಂಶ ಒಣಗಿದ ಮತ್ತು ನಿಸ್ತೇಜ ಕೂದಲನ್ನು ಧೃಡಪಡಿಸುತ್ತದೆ.

ಕೂದಲಿನ ಪೋಷಣೆಗೆ ಮೆಂತ್ಯೆ ಬಳಕೆ ಹೇಗೆ?
1. ಮೆಂತ್ಯೆಯನ್ನು ಕೂದಲುದುರುವಿಕೆಗೆ ಸೂಕ್ತವಾಗಿ ಬಳಸಿಕೊಳ್ಳುವ ವಿಧಾನವೆಂದರೆ ಮೆಂತ್ಯೆ ಕಾಳನ್ನು ಬಿಸಿ ನೀರಿನಲ್ಲಿ ನೆನೆಸಿ ರುಬ್ಬಿಕೊಂಡು ತಲೆಗೆ ಹಚ್ಚಿಕೊಳ್ಳುವುದು.

2. ಬಿಸಿ ಮಾಡಿದ ಕೊಬ್ಬರಿ ಎಣ್ಣೆಯಲ್ಲಿ ಮೆಂತ್ಯೆಯನ್ನು ಒಂದು ರಾತ್ರಿ ನೆನೆಹಾಕಿ ಮರುದಿನ ಲೇಪಿಸಿಕೊಳ್ಳಬೇಕು. ಒಂದು ಗಂಟೆ ನಂತರ ಬಿಸಿ ನೀರಿನಿಂದ ತೊಳೆದುಕೊಂಡರೆ ಕಣ್ಣೂ ಕೂಡ ತಂಪಾಗಿರುತ್ತದೆ. ಕಣ್ಣಿನ ಆಯಾಸವೂ ಕಡಿಮೆಯಾಗುತ್ತದೆ.

3. ರಾತ್ರಿ ಮೆಂತ್ಯೆ ಕಾಳನ್ನು ನೆನೆಹಾಕಿ ಗಟ್ಟಿ ಮೊಸರಿನೊಂದಿಗೆ ರುಬ್ಬಿ ಕೂದಲಿಗೆ ಮತ್ತು ಕೂದಲಿನ ಬುಡಕ್ಕೆ ಹಚ್ಚಬೇಕು. ಒಂದು ಗಂಟೆ ನಂತರ ನೀರಿನಲ್ಲಿ ಚೆನ್ನಾಗಿ ತೊಳೆದರೆ ತಲೆಹೊಟ್ಟು ನಿವಾರಣೆಯಾಗಿ ತಲೆಯು ತಂಪಾಗಿರುವಂತೆ ನೋಡಿಕೊಳ್ಳುತ್ತದೆ.

4. ಮೆಂತ್ಯೆ ಕಾಳು ಅಥವಾ ಎಲೆಯೊಂದಿಗೆ ದಾಸವಾಳವನ್ನೂ ಸೇರಿಸಿ ರುಬ್ಬಿ ಅದನ್ನು ಹಚ್ಚಿಕೊಂಡರೆ ತಲೆಯನ್ನು ತಂಪಾಗಿಸಿ ಕೂದಲು ಗಟ್ಟಿಮುಟ್ಟಾಗಿರುವಂತೆ ನೋಡಿಕೊಳ್ಳುತ್ತದೆ.

Comments

English summary

Fenugreek For Hair | Hair loss treatment by Fenugreek | ಕೂದಲಿಗೆ ಮೆಂತ್ಯೆ ಬಳಕೆ | ಕೂದಲುದುರುವಿಕೆಗೆ ಮೆಂತ್ಯೆಯಿಂದ ಚಿಕಿತ್ಸೆ

The fenugreek leaves and the seeds help to remove dryness on scalp, cure dandruff, condition hair, cool the eyes, scalp and most importantly the best hair loss treatment. Take a look to know more about the fenugreek benefits and application tips for hair.

Story first published: Wednesday, September 14, 2011, 11:38 [IST]

Other articles published on Sep 14, 2011