For Quick Alerts
ALLOW NOTIFICATIONS  
For Daily Alerts

ಕೆಮಿಕಲ್ ಶಾಂಪುಗಳಿಗೆ ವಿದಾಯ ಹೇಳಿ

|
Shampoo
ಕೂದಲಿಗೆ ಬಳಸುವ ಶಾಂಪುಗಳಲ್ಲಿ ಕೆಮಿಕಲ್ ಬಳಸುವ ಕಾರಣ ಇದರ ನಿರಂತರ ಬಳಕೆ ಕೂದಲಿನ ಅನೇಕ ಸಮಸ್ಯೆಯನ್ನು ತಂದೊಡ್ಡಬಹುದು. ಆದ್ದರಿಂದ ಮನೆಯಲ್ಲೇ ಶಾಂಪು ತಯಾರಿಸಿ ಕೂದಲನ್ನು ಸುಪೋಷಿತಗೊಳಿಸುವುದು ಸಾಧ್ಯವಿದೆ. ಮನೆಯಲ್ಲೇ ತಯಾರಿಸಬಹುದಾದ ಕೆಲವೊಂದು ನೈಸರ್ಗಿಕ ಶಾಂಪುಗಳನ್ನು ನೀವೂ ಬಳಸಿ ಇದರ ಸಂಪೂರ್ಣ ಉಪಯೋಗವನ್ನು ಪಡೆಯಬಹುದು.

ಕೂದಲ ಪೋಷಣೆಗೆ ಮನೆಯಲ್ಲೇ ತಯಾರಿಸಬಹುದಾದಂತ ಕೆಲವು ಶಾಂಪುಗಳು:

1. ಒಂದು ಚಮಚ ಅಡುಗೆ ಸೋಡಾಗೆ ಬಿಸಿ ನೀರು ಬೆರೆಸಿ ಹಚ್ಚಿಕೊಂಡರೆ ಕೂದಲು ಉದುರುವುದನ್ನು ಕಡಿಮೆಗೊಳಿಸಿ ಹೊಳಪು ತಂದುಕೊಡುತ್ತದೆ.

2. ಬಿಸಿ ನೀರಿನಲ್ಲಿ ಮೊಟ್ಟೆಯನ್ನು ಚೆನ್ನಾಗಿ ಕಲೆಸಿ ಕೂದಲಿನ ಬುಡಕ್ಕೆ ಮತ್ತು ಕೂದಲಿಗೆ ಹಚ್ಚಿ ಒಂದು ಗಂಟೆ ನಂತರ ತೊಳೆದುಕೊಂಡರೆ ಕಂಡೀಶನರ್ ನಂತೆ ಹೊಳಪು ನೀಡುತ್ತದೆ.

3. ಅಂಟವಾಳದ ಕಾಯಿಯನ್ನು ನೀರಿನಲ್ಲಿ ಒಂದು ರಾತ್ರಿಯಿಡೀ ನೆನೆಯಿಟ್ಟು, ಬೆಳಗ್ಗೆ ಚೆನ್ನಾಗಿ ಹಿಂಡಿ ರಸ ಮತ್ತು ಅದರ ನೀರನ್ನು ಸೀಗೆಕಾಯಿಯೊಂದಿಗೆ ಬೆರೆಸಿ ಹಚ್ಚಿಕೊಳ್ಳಬೇಕು.

4. ಒಂದು ಲೀಟರ್ ನೀರಿನಲ್ಲಿ, ಸೀಗೆಕಾಯಿ, ಅಂಟವಾಳ ಮತ್ತು ಬೆಟ್ಟದ ನೆಲ್ಲಿಕಾಯಿಯನ್ನು 24 ಗಂಟೆ ನೆನೆಯಿಸಿ ನಂತರ ಬಿಸಿ ಮಾಡಿ ಸೋಸಿಕೊಂಡು ಅದು ತಣ್ಣಗಾದ ನಂತರ ಕೆಲವು ಹನಿ ವೆನಿಗರ್ ಹಾಕಿ ಕೂದಲನ್ನು ತೊಳೆದುಕೊಂಡರೆ ಕೂದಲು ತುಂಬಾ ಮೃದುವಾಗಿ ಸುಪೋಷಿತಗೊಳ್ಳುತ್ತದೆ.

5. ಸೀಗೆಕಾಯಿ, ಭೃಂಗರಾಜ ಮತ್ತು ನೆಲ್ಲಿಕಾಯಿ ಪುಡಿಯನ್ನು ಬಿಸಿನೀರಿನಲ್ಲಿ ಹಾಕಿ ಕೆಲವು ಹನಿ ನಿಂಬೆರಸ ಮತ್ತು ವೆನಿಗರ್ ಮಿಶ್ರಣ ಮಾಡಬೇಕು. ಈ ಮಿಶ್ರಣವನ್ನು 30 ನಿಮಿಷ ಇಟ್ಟು ನಂತರ ತಲೆಗೆ ಹಚ್ಚಿಕೊಂಡು ತೊಳೆಯಬೇಕು. ಇದು ಕೂದಲುದುರುವುದನ್ನು ಕಡಿಮೆಗೊಳಿಸಿ ತಲೆಹೊಟ್ಟನ್ನೂ ನಿವಾರಿಸುತ್ತದೆ. ಇದನ್ನು ಹೆಚ್ಚು ಕಾಲ ಇಡಬೇಕೆಂದರೆ ಫ್ರಿಡ್ಜ್ ನಲ್ಲಿ ಇಟ್ಟುಕೊಳ್ಳಬಹುದು.

ಕೃತಕ ಮತ್ತು ಕೆಮಿಕಲ್ ಮಿಶ್ರಿತ ಶಾಂಪುಗಳು ಕೆಲಕಾಲ ಕೂದಲನ್ನು ಚೆನ್ನಾಗಿ ಕಾಣುವಂತೆ ಮಾಡಬಹುದು. ಆದರೆ ಅವು ಕೂದಲಿನ ಮೇಲೆ ದೀರ್ಘಕಾಲದ ವ್ಯತಿರಿಕ್ತ ಪರಿಣಾಮ ಬೀರುತ್ತದೆ. ಆದ್ದರಿಂದ ಮನೆಯಲ್ಲೇ ಈ ನೈಸರ್ಗಿಕ ಶಾಂಪೂಗಳನ್ನು ತಯಾರಿಸಿಕೊಂಡು ಕೂದಲನ್ನು ಸಮಸ್ಯೆಗಳಿಂದ ಮುಕ್ತವಾಗಿಟ್ಟುಕೊಳ್ಳಬಹುದು.

English summary

Natural Shampoo to cure hair loss | Homemade shampoo for healthy hair | ಕೂದಲುದುರುವಿಕೆಗೆ ನೈಸರ್ಗಿಕ ಶಾಂಪು | ಆರೋಗ್ಯಕರ ಕೇಶಕ್ಕೆ ನೈಸರ್ಗಿಕ ಶಾಂಪು

Chemicals in hair shampoo makes hair dull and weak which leads to hair loss. Homemade shampoos are mostly herbal shampoos which always give best hair care result. Here are few homemade shampoo recipes to cure hair loss and stay natural. Take a look.
Story first published: Saturday, August 20, 2011, 11:55 [IST]
X
Desktop Bottom Promotion