ಪರ್ಫ್ಯೂಮ್ ಸುವಾಸನೆಗೆ ಪಕ್ಕದವರು ಓಡಿ ಹೋಗದಿರಲಿ!

ಮಣಿಗಂಟನ್ನು ಉಜ್ಜಿಕೊಳ್ಳುವುದು

ಸುಗಂಧ ದ್ರವ್ಯ ಸಿಂಪಡಣೆ ಬಳಿಕ ಮಣಿಗಂಟನ್ನು ಪರಸ್ಪರ ಉಜ್ಜಿಕೊಳ್ಳುವುದರಿಂದ ಸುಗಂಧ ದ್ರವ್ಯದ ಅಣುಗಳು ಛಿದ್ರವಾಗಬಹುದು. ಇದರಿಂದ ಘರ್ಷಣೆ ಉಂಟಾಗಿ ಸುಗಂಧ ದ್ರವ್ಯದ ನವಿರಾದ ಸುವಾಸನೆಯು ಕಳೆದುಹೋಗಬಹುದು.

ಲೋಷನ್ ಬಳಸದೆ ಇರುವುದು

ಚರ್ಮಕ್ಕೆ ಒಳ್ಳೆಯ ತೇವಾಂಶವನ್ನು ನೀಡುವಂತಹ ಲೋಷನ್ ಹಚ್ಚಿಕೊಂಡ ಬಳಿಕ ಅದರ ಮೇಲೆ ಸುಗಂಧ ದ್ರವ್ಯವನ್ನು ಸಿಂಪಡಿಸಿದರೆ ಅದರಿಂದ ಸುವಾಸನೆಯು ದೀರ್ಘ ಸಮಯ ಉಳಿಯುತ್ತದೆ.

ಮೊಣಕೈಗಳ ಮೇಲೆ ಮಾತ್ರ ಸಿಂಪಡಣೆ

ಮೊಣಕೈ, ಕುತ್ತಿಗೆ ಹಾಗೂ ಕುತ್ತಿಗೆಯ ಹಿಂಭಾಗಕ್ಕೆ ಸುಗಂಧ ದ್ರವ್ಯವನ್ನು ಸಿಂಪಡಿಸಿ. ದೇಹದ ಉಷ್ಣತೆ ಹೆಚ್ಚಾಗುವಂತಹ ಸಮಯದಲ್ಲಿ ದೇಹದ ಈ ಭಾಗಗಳಿಗೆ ಸುಗಂಧ ದ್ರವ್ಯ ಸಿಂಪಡಣೆ ತುಂಬಾ ಒಳ್ಳೆಯದು.

ಸುಗಂಧ ದ್ರವ್ಯ ಇಡುವ ಜಾಗ

ಸೂರ್ಯನ ಕಿರಣಗಳು ಬೀಳದಂತೆ ತಂಪು ಹಾಗೂ ಒಣಗಿರುವಂತಹ ಜಾಗದಲ್ಲಿ ಸುಗಂಧ ದ್ರವ್ಯದ ಬಾಟಲಿಯನ್ನು ಇಡಿ. ಇದರಿಂದ ಸುಗಂಧ ದ್ರವ್ಯವು ಹಾಳಾಗದಂತೆ ತಡೆಯಬಹುದು. ಫ್ರಿಡ್ಜ್ ನಲ್ಲಿ ಇಡುವುದು ಒಳ್ಳೆಯ ವಿಧಾನ.

ಅನುಕರಣೆ

ಯಾವುದೇ ಪಾರ್ಟಿಗೆ ಹೋದಾಗ ಅಲ್ಲಿ ಯಾರೋ ಹಾಕಿಕೊಂಡಿರುವ ಸುಗಂಧ ದ್ರವ್ಯದ ಸುವಾಸನೆಯಿಂದ ಮನಸೋತು ಅದನ್ನು ತಂದು ಬಳಸಲು ಪ್ರಾರಂಭಿಸುತ್ತೇವೆ. ಆದರೆ ಇದು ಒಳ್ಳೆಯ ವಿಧಾನವಲ್ಲ. ಯಾಕೆಂದರೆ ಒಬ್ಬರ ಮೇಲೆ ಹೊಂದಿಕೊಳ್ಳುವಂತಹ ಸುಗಂಧ ದ್ರವ್ಯವು ಬೇರೆ ವ್ಯಕ್ತಿಯ ಮೇಲೆ ಭಿನ್ನವಾಗಿ ವರ್ತಿಸಬಹುದು. ಯಾಕೆಂದರೆ ಸುಗಂಧ ದ್ರವ್ಯದ ಸುವಾಸನೆಯು ದೇಹದ ಮೇಲೆ ಅವಲಂಬಿತವಾಗಿರುತ್ತದೆ.

ಬಟ್ಟೆಗಳ ಮೇಲೆ ಸಿಂಪಡಣೆ

ಬಟ್ಟೆಗಳ ಮೇಲೆ ಸುಗಂಧ ದ್ರವ್ಯವನ್ನು ಸಿಂಪಡಣೆ ಮಾಡುವುದರಿಂದ ಕಲೆ ಆಗುವ ಸಾಧ್ಯತೆಗಳು ಹೆಚ್ಚಿದೆ. ಇದು ಒಳ್ಳೆಯ ವಿಧಾನವಲ್ಲ. ಸ್ನಾನದ ಬಳಿಕ ದೇಹದ ಮೇಲೆ ಇದನ್ನು ಸಿಂಪಡಿಸಿ. ಬಟ್ಟೆಗಳ ಮೇಲೆ ಅಲ್ಲ.