ಗಾಯದ ಕಲೆಯಿಂದ ಮುಜುಗರವೇ? ಇಲ್ಲಿದೆ ಪರಿಹಾರ

ಸ್ವಾಭಾವಿಕ ಬ್ಲೀಚಿಂಗ್ ರಾಸಾಯನಿಕ:

ಅತ್ಯಂತ ಪ್ರಭಾವಿ ಬ್ಲೀಚಿಂಗ್ ರಾಸಾಯನಿಕಗಳಲ್ಲಿ ಲಿಂಬೆ ಹಣ್ಣು ಅತಿ ಪ್ರಮುಖವಾದುದು. ಇದರಲ್ಲಿ ಹಲವು ಉಪಯೋಗಗಳಿವೆ. ಇದು ಗಾಯದ ಗುರುತನ್ನು ತೆಗೆಯಲು ಬಹಳ ಉಪಕಾರಿ. ಲಿಂಬೆ ಹಣ್ಣನ್ನು ಬಳಸುವುದು ಬಹಳ ಸುರಕ್ಷಿತ ವಿಧಾನವೂ ಆಗಿದೆ. ಇದು ಹೊಸ ಚರ್ಮದ ಬೆಳವಣಿಗೆಯಲ್ಲೂ ಬಹಳ ಮಹತ್ವದ ಪಾತ್ರವನ್ನು ವಹಿಸುತ್ತದೆ. ಲಿಂಬೆ ಹಣ್ಣನ್ನು ಬಳಸುವಾಗ ಹತ್ತಿಯನ್ನು ಬಳಸಿ ಅದರಲ್ಲಿ ಲಿಂಬೆ ಹಣ್ಣನ್ನು ಹಿಂಡಿ ಗಾಯದ ಕಲೆಯ ಮೇಲೆ ಬಳಸಿ. ಗಾಯದ ಕಲೆ ಇರುವ ಎಲ್ಲಾ ಸ್ಥಳಗಳ ಮೇಲೂ ಸರಿಯಾಗಿ ಈ ಹತ್ತಿ ಬಟ್ಟೆಯಿಂದ ಉಜ್ಜಿ ಗಾಯವನ್ನು ಹೋಗಲಾಡಿಸಿ. ಈ ಚಟುವಟಿಕೆಯನ್ನು ಪ್ರತಿನಿತ್ಯ ಮಾಡಿ ಹಾಗೂ ನಿಯಮಿತವಾಗಿ ಪಾಲಿಸಿ. ಇದರೊಂದಿಗೆ ಟೊಮೆಟೊ ಮತ್ತು ಆಲೂಗಡ್ಡೆ ಕೂಡ ಬಹಳ ಸಹಕಾರಿಯಾದ ಬ್ಲೀಚಿಂಗ್ ಸತ್ವಗಳಾಗಿವೆ.

ಜೇನುತುಪ್ಪ:

ಜೇನುತುಪ್ಪ ಗಾಯಗಳನ್ನು ಕಡಿಮೆ ಮಾಡುವ ಮತ್ತೊಂದು ಗೃಹಬಳಕೆಯ ಸಾಧನವಾಗಿದೆ. ಇದು ತೇವಾಂಶವನ್ನು ಹೆಚ್ಚು ಮಾಡುವ ವಿಧಾನವಾಗಿದ್ದು ಇದರಿಂದಾಗಿ ಹೊಸ ಚರ್ಮದ ಬೆಳವಣಿಗೆ ಬಹಳ ಬೇಗನೆ ಆಗುತ್ತದೆ. ಗಾಯದ ಮೇಲೆ ಕಲೆಗಳಾಗಿ ಉಳಿದಿರುವುದು ನಿಜವಾಗಿಯೂ ಸತ್ತ ಚರ್ಮದ ಭಾಗಗಳೇ ಆಗಿವೆ. ಕೆಲವು ಹನಿ ಜೇನುತುಪ್ಪವನ್ನು ಬಳಸಿ ಹಾಗೂ ಅವನ್ನು ಗಾಯದ ಮೇಲೆ ಲೇಪಿಸಿ. ಈ ಚಟುವಟಿಕೆಯನ್ನು ಪ್ರತಿ ಬಾರಿ ಪಾಲಿಸಿ. ನೀವು ಜೇನುತುಪ್ಪ ಮತ್ತು ಲಿಂಬೆಯನ್ನೂ ಬಳಸಬಹುದಾಗಿದೆ. ಈ ಎರಡೂ ಒಟ್ಟಾದರೆ ಬಹಳ ಉತ್ತಮ ಪರಿಣಾಮವನ್ನು ನೀಡುತ್ತವೆ.

ಹಸಿರು ಆಲೋವೆರಾ:

ಆಲೋವೆರಾ ದಲ್ಲಿ ಆರೋಗ್ಯಕ್ಕೆ ಸಹಾಯಕ ಅನೇಕ ಸತ್ವಗಳಿವೆ. ಇದನ್ನು ನೇರವಾಗಿ ಒಂದು ರೀತಿಯ ಜೆಲ್ ನಂತೆ ಬಳಸಬಹುದು. ಇದರಲ್ಲಿ ಆಂಟಿ ಇನ್ಫ್ಲೇಮೇಟರಿ ಅಂಶಗಳಿದ್ದು ಇದು ನಮ್ಮ ಚರ್ಮಕ್ಕೆ ಬಹಳ ಉಪಯೋಗ ನೀಡುತ್ತದೆ. ಇದರಿಂದಾಗಿ ನಮ್ಮ ಸತ್ತ ಚರ್ಮ ಬಹಳ ಬೇಗನೆ ನಾಶವಾಗಿ ಹೊಸ ಚರ್ಮದ ಹುಟ್ಟು ಬಹಳ ಬೇಗನೆ ಆಗುತ್ತದೆ. ಆಲೋ ವೆರಾ ಕ್ರೀಮ್ ಅನ್ನು ಗಾಯದ ಗುರುತಿನ ಮೇಲೆ ಸರಿಯಾಗಿ ಲೇಪಿಸಿ ಗುರುತುಗಳನ್ನು ಕಡಿಮೆ ಮಾಡಿಕೊಳ್ಳಿ.

ಮುಳ್ಳುಸೌತೆ:

ಇದು ಬಹಳ ಅಗ್ಗಕ್ಕೆ ಸಿಗುವ ಗಾಯದ ಗುರುತಿನ ನಿವಾರಕವಾಗಿದೆ. ಇದರಲ್ಲಿ ಅನೇಕ ಆರೋಗ್ಯವರ್ಧಕ ಗುಣಗಳಿವೆ. ಇದು ಚರ್ಮವನ್ನು ಬಹಳ ಮೃದು ಹಾಗೂ ತೇವಾಂಶಪೂರಿತವಾಗಿಡಲು ಸಹಾಯಕ. ಮುಳ್ಳುಸೌತೆಯ ಕ್ರೀಮ್ ನ ಹಾಗೆ ತಯಾರು ಮಾಡಿ ಅದನ್ನು ಗಾಯದ ಮೇಲೆ ಲೇಪಿಸಿ ಬಹಳ ಬೇಗನೆ ಪರಿಣಾಮವನ್ನು ಕಾಣಬಹುದಾಗಿದೆ. ಮಾರುಕಟ್ಟೆಯಲ್ಲಿ ಇಂತಹ ಕ್ರೀಮ್ ಗಳು ಲಭ್ಯವಿವೆ. ಇದು ಗಾಯದ ಗುರುತನ್ನು ನಿವಾರಿಸುವ ಜೊತೆಗೆ ಗಾಯವನ್ನು ಕಡಿಮೆ ಮಾಡುವುದರಲ್ಲೂ ಬಹಳ ಸಹಾಯಕ.