ಬೆಂಗಳೂರಿನಲ್ಲಿ 5 ಕಾಲಿನ ಸ್ಟೂಲ್ ಕೇಳಿದ ಮಾಯಾವತಿ

Talk Of The Town

oi-Praveen Chandra

By Praveen Chandra

Published: Monday, June 6, 2011, 11:52 [IST]

ಉತ್ತರ ಪ್ರದೇಶದ ಮುಖ್ಯಮಂತ್ರಿಯ ಹಲವು ಬೇಡಿಕೆಗಳಿನ್ನೂ ಕೇಂದ್ರದ ಫೈಲ್ ಗಳಲ್ಲಿ ಬೆಚ್ಚಗಿವೆ. ಕೆಲವೊಂದು ಈಡೇರಿಸಲು ಕೇಂದ್ರಕ್ಕಿನ್ನೂ ಸಾಧ್ಯವಾಗಿಲ್ಲ. ಮುಖ್ಯಮಂತ್ರಿಗಳ ಎಲ್ಲಾ ಬೇಡಿಕೆಗಳನ್ನು ಕೇಂದ್ರ ಈಡೇರಿಸುವುದೂ ಇಲ್ಲ. ಆದರೆ ಮುಖ್ಯಮಂತ್ರಿಗಳು ಬೇಡಿಕೆ ಸಲ್ಲಿಸುವುದನ್ನು ನಿಲ್ಲಿಸುವುದಿಲ್ಲವಲ್ಲ.

ಆದರೆ ಮುಖ್ಯಮಂತ್ರಿಗಳ ಕೆಲವೊಂದು ಬೇಡಿಕೆಗಳು ವಿಚಿತ್ರವಾಗಿರುತ್ತವೆ. ಮೊನ್ನೆ ಇದೇ ಮಾಯಾವತಿ ನಮ್ಮ ಬೆಂಗಳೂರಿನ ಎಚ್ ಎಎಲ್ ಸಮೀಪದ ಸ್ಟಾರ್ ಹೋಟೆಲೊಂದರಲ್ಲಿ ತಂಗಿದ್ದರು. ಅಲ್ಲಿ ಅವರ ಬೇಡಿಕೆಗಳನ್ನು ಕೇಳಿದ ಹೋಟೆಲ್ ಸಿಬ್ಬಂದಿ ಅರೆಕ್ಷಣ ತಬ್ಬಿಬ್ಬಾದರು.

ಯಾಕೆಂದರೆ ಮಾಯಾವತಿ ಬೇಡಿಕೆಗಳಲ್ಲಿ 5 ಕಾಲುಗಳಿರುವ ಬಾತ್ ಸ್ಟೂಲ್, ಇಮಾಮಿ ಆಲ್ಮೊಡ್ ಸಾಬೂನು ಮತ್ತು ಲಿಬರ್ಟಿ ಗ್ಲಿಡರ್ ಸ್ಲಿಪರ್ ಪ್ರಮುಖವಾಗಿದ್ದವು.

ಮುಖ್ಯಮಂತ್ರಿಯೊಬ್ಬರ ಬೇಡಿಕೆಗೆ ಇಲ್ಲವೆನ್ನಲಾದೀತೆ. ಮೇಡಂ ನಮ್ಮಲ್ಲಿರುವ ಸ್ಟೂಲ್ ಗಳಿಗೆ ನಾಲ್ಕೇ ಕಾಲು ಎಂದು ಹೇಳುವುದಾದರೂ ಹೇಗೆ? ಕೊನೆಗೆ ಎಲ್ಲಿಂದಲೋ 5 ಕಾಲಿನ ಸ್ಟೂಲ್ ತಂದು ಕೊಡಲಾಯಿತು. ಆದರೆ ಆಲ್ಮೊಂಡ್ ಸಾಬೂನಿಗೆ ಬದಲಾಗಿ ಆಕೆ ಜಾನ್ಸನ್ ಸಾಬೂನಿಗೆ ತೃಪ್ತಿಪಟ್ಟುಕೊಂಡರು.

ಇದೀಗ ಬಂದ ಸುದ್ದಿಯ ಪ್ರಕಾರ ನಗರದ ಹೋಟೆಲ್ ಮಾಲೀಕರು ತುರ್ತು ಪರಿಸ್ಥಿತಿಗಳಿಗೆ ಬೇಕಾಗಬಹುದು ಎಂದು 5 ಕಾಲಿನ ಸ್ಟೂಲ್ ಗಳಿಗೆ ಆರ್ಡರ್ ಮಾಡುತ್ತಿದ್ದರಂತೆ!