ಕೌನ್ ಬನೇಗಾ ಕರೋಡ್ ಪತಿಯ ಅಧಿಪತಿ ಯಾರು ಗೊತ್ತಾ?

Talk Of The Town

oi-Sadhu

By Srinath

Published: Thursday, October 20, 2011, 9:55 [IST]

ಬೆಂಗಳೂರು, ಆಗಸ್ಟ್ 19: ಕೌನ್ ಬನೇಗಾ ಕರೋಡ್ ಪತಿ 5 ನೇ ಆವೃತ್ತಿ ಮೊನ್ನೆ ಆಗಸ್ಟ್ 15ರಂದು 'ಕೌನ್ ಬನೇಗಾ ಪಂಚ್ ಕೋಟಿ ಮಹಾ ಮನಿ'ಯಾಗಿ ಸೋನಿ ಟಿವಿ ಚಾನೆಲಿನಲ್ಲಿ ಪುನರಾವತಾರ ಎತ್ತಿದೆ. ಸೋ, ತಡವೇಕೆ? 'ಕೌನ್ ಬನೇಗಾ ಪಂಚ್ ಕೋಟಿ ಮಹಾ ಮನಿ'ಯಲ್ಲಿ ಭಾಗವಹಿಸಲು ನೀವೂ ಪ್ರಯತ್ನಿಸಿ.

ಅಂದಹಾಗೆ, ಕೆಬಿಸಿ ಆರಂಭವಾಗಿದ್ದು 2000ನೇ ಇಸ್ವಿಯಲ್ಲಿ. ತನ್ಮೂಲಕ ಅಮಿತಾಬ್ ಮೊದಲ ಬಾರಿಗೆ ಕಿರುತೆರೆ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡರು. ಕೆಬಿಸಿ ಮೂಲ ಇಂಗ್ಲೆಂಡಿನ Who Wants to Be a Millionaire? ಟಿವಿ ಶೊ ಆಗಿದೆ. ಇನ್ನು, ಕೆಬಿಸಿ ಯಶಸ್ಸಿನ ರೂವಾರಿ ಕಿರು ಪರದೆಯ ಮೇಲೆ ಅಮಿತಾಬ್ ಎಂಬುದಲ್ಲಿ ಎರಡು ಮಾತಿಲ್ಲ.

ಆದರೆ ಪರದೆ ಕೆ ಪೀಛೆ ಕೆಬಿಸಿ ಅಂತಃಸತ್ವ ಅಡಗಿರುವುದು ಭಾರತದ ಕ್ವಿಜ್ ಪಿತಾಮಹ ಸಿದ್ಧಾರ್ಥ ಬಸು ಅವರ ಬುದ್ಧಿಮತ್ತೆಯಲ್ಲಿ. ಅವರೇ ಇದರ ಅಧಿಪತಿ. 80ರ ದಶಕದಲ್ಲಿ ಇವರು ನಡೆಸಿಕೊಡುತ್ತಿದ್ದ ಕ್ವಿಜ್ ಪ್ರೋಗ್ರಾಂ ಕೆಬಿಸಿಗಿಂತ ಒಂದು ಪಟ್ಟು ಹೆಚ್ಚೇ ಎನ್ನುವಂತೆ ಮನೆ ಮಾತಾಗಿತ್ತು. ಇವರಿಗೆ ಪತ್ನಿ ಅನಿತಾ ಸಹ ಸಾಥ್ ನೀಡುತ್ತಿದ್ದಾರೆ.