ಅಬ್ಬಬ್ಬಾ..! ವಿಚ್ಛೇದನದ ಪರಿಹಾರ ರೂಪದಲ್ಲಿ ಈ ಮಹಿಳೆಗೆ ಸಿಗ್ತಿದೆ ಬರೋಬರಿ ₹8,333 ಸಾವಿರ ಕೋಟಿ ಆಸ್ತಿ..!

ಮನೆ ಕಟ್ಟಿ ನೋಡು, ಮದುವೆ ಮಾಡಿ ನೋಡು ಅಂತಾ ಗಾದೆ ಮಾತೊಂದಿತ್ತು. ಆಧುನಿಕ ಯುಗಕ್ಕೆ ಇದನ್ನು ಮದುವೆ ಮಾಡಿ ನೋಡು, ಡಿವೋರ್ಸ್​ ಪಡೆದು ನೋಡು ಅಂತಾ ಬದಲಾಯಿಸಬೇಕಾ ಎಂಬ ಅನುಮಾನಗಳು ಮೂಡುತ್ತಿವೆ.

ಕೆಲವು ದಿನಗಳ ಹಿಂದೆಯಷ್ಟೇ ಟೀಂ ಇಂಡಿಯಾ ಆಟಗಾರ ಹಾರ್ದಿಕ್​ ಪಾಂಡ್ಯಾ ಹಾಗೂ ನತಾಶಾ ಜೋಕ್​ವಿಕ್​ ಅವರ ದಾಂಪತ್ಯ ಜೀವನ ಮುರಿದಿದೆ. ನತಾಶಾಗೆ ಹಾರ್ದಿಕ್​ರ 70 ಪ್ರತಿಶತ ಆಸ್ತಿ ಸಿಗುತ್ತದೆ ಎಂಬೆಲ್ಲ ವದಂತಿಗಳು ಬಾರೀ ಸದ್ದು ಮಾಡಿದ್ದು ನಿಮಗೆ ತಿಳಿದಿರಬಹುದು.

ಆದರೆ ಇದೀಗ ಮತ್ತೊಂದು ವಿಚ್ಛೇದನ ಭಾರೀ ದೊಡ್ಡ ಪ್ರಮಾಣದಲ್ಲಿ ಸುದ್ದಿ ಮಾಡುತ್ತಿದ್ದು ದಾಖಲೆಯನ್ನೇ ಬರೆಯುವದರಲ್ಲಿದೆ. ದಕ್ಷಿಣ ಕೊರಿಯಾದ ವ್ಯಾಪಾರಿ ಉದ್ಯಮದಲ್ಲಿರುವ ಚೆಯ್ ಟೇ-ವೋನ್‌ ತಮ್ಮ ವಿಚ್ಛೇದನದ ಕಾರಣಕ್ಕೆ ಭಾರೀ ಸುದ್ದಿಯಲ್ಲಿದ್ದಾರೆ.

ದಾಂಪತ್ಯ ಜೀವನದಿಂದ ವಿಚ್ಛೇದನ ಪಡೆದಿರುವ ಈ ವ್ಯಕ್ತಿ ಮಾಜಿ ಪತ್ನಿ ರೋಹ್ ಸೋ-ಯಂಗ್‌ಗೆ ಬರೋಬ್ಬರಿ 8,333 ಕೋಟಿ ರೂಪಾಯಿಗಳನ್ನು ನೀಡಬೇಕು ಎಂದು ಕೋರ್ಟ್ ಆದೇಶ ನೀಡಿದೆ. ಒಂದು ವೇಳೆ ಈ ಎಲ್ಲಾ ಷರತ್ತುಗಳಿಗೆ ಒಪ್ಪಿ ಚೆಯ್​ ವಿಚ್ಛೇದನ ಕೊಟ್ಟು ಪರಿಹಾರ ನೀಡಿದರೆ ಇದು ಆ ದೇಶದ ಅತೀದೊಡ್ಡ ವಿಚ್ಛೇದನದ ಪರಿಹಾರ ಮೊತ್ತ ಎನಿಸಲಿದೆ.

ವೃತ್ತಿಯಲ್ಲಿ ಉದ್ಯಮಿ ಎನಿಸಿರುವ ಚೆಯ್​ 35 ವರ್ಷಗಳ ಹಿಂದೆ ರೋಹ್ ಸೋ-ಯಂಗ್ ಜೊತೆ ವಿವಾಹವಾಗಿದ್ದರು. ಆದರೆ ಚೆಯ್​ ವಿವಾಹೇತರ ಅಕ್ರಮ ಸಂಬಂಧ ಹೊಂದಿದ್ದು ಈ ಸಂಬಂಧದಿಂದ ಮಗುವನ್ನೂ ಹೊಂದಿದ್ದಾರೆ ಎಂಬ ವಿಚಾರ ಪತ್ನಿ ಗಮನಕ್ಕೆ ಬಂದಿದೆ. ಇದಾದ ಬಳಿಕ ಪತ್ನಿ ರೋಹ್​ ತನ್ನ ಮೂವರು ಮಕ್ಕಳೊಂದಿಗೆ ಕಳೆದ 10 ವರ್ಷಗಳಿಂದ ಪ್ರತ್ಯೇಕವಾಗಿ ವಾಸಿಸುತ್ತಿದ್ದಾರೆ ಹಾಗೂ ಅಧಿಕೃತವಾಗಿ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದರು ಎನ್ನಲಾಗಿದೆ .

ಚೆಯ್​ ದಕ್ಷಿಣ ಕೊರಿಯಾದ ಅತ್ಯಂತ ಶ್ರೀಮಂತ ಉದ್ಯಮಿಗಳ ಪೈಕಿ ಒಬ್ಬರು. ಪ್ರಪಂಚದ ಎರಡನೇ ಅತೀ ದೊಡ್ಡ ಮೆಮೊರಿ ಚಿಪ್​ ತಯಾರಕ ಸಂಸ್ಥೆ ಎಸ್​ಕೆ ಗ್ರೂಪ್​ನ ಅಧ್ಯಕ್ಷರಾಗಿರುವ ಚೆಹ್​ ಇದೀಗ ತನ್ನ ಕಂಪನಿಯ ಷೇರುಗಳ ಒಂದು ಭಾಗವನ್ನು ಪತ್ನಿಗೆ ನೀಡಬೇಕಿದೆ.

ಅಲ್ಲದೇ ಚೆಯ್​ ಈ ರೀತಿ ಶ್ರೀಮಂತರಾಗೋಕೆ ಅವರ ಮಾಜಿ ಪತ್ನಿ ಹಾಗೂ ಆಕೆಯ ತಂದೆ ಕೂಡ ಕಾರಣರಾಗಿರುವ ವಿಚಾರ ಕೋರ್ಟ್ ಗಮನಕ್ಕೆ ಬಂದ ಹಿನ್ನೆಲೆಯಲ್ಲಿ ಪರಿಹಾರದ ಮೊತ್ತವನ್ನು ಈ ಮಟ್ಟಕ್ಕೆ ಕೋರ್ಟ್ ಏರಿಸಿದೆ ಎನ್ನಲಾಗಿದೆ.
ಕಳೆದ 10 ವರ್ಷಗಳಿಂದ ರೋಹ್​ ತಮ್ಮ ಪತಿಯ ವಿರುದ್ಧ ಡಿವೋರ್ಸ್ ಕೇಸ್​ನಲ್ಲಿ ಹೋರಾಡುತ್ತಲೇ ಇದ್ದಾರೆ.

ಕೋಟ್ಯಾಧಿಪತಿಯಾಗಿರುವ ಚೇಹ್​ನ ಆಸ್ತಿಯಲ್ಲಿ ಒಂದು ಭಾಗವನ್ನು ನೀಡಲು ಇದೇ ಕೋರ್ಟ್ ಮೊದಲು ನಿರಾಕರಿಸಿತ್ತು . ಆದರೆ ಆ ಷೇರುಗಳು ಜಂಟಿ ಆಸ್ತಿ ಎಂಬುದು ಕೋರ್ಟ್ ಗಣನೆಗೆ ಬಂದ ಬಳಿಕ ತನ್ನ ಆದೇಶವನ್ನು ಬದಲಿಸಿ ಭಾರೀ ಮೊತ್ತದ ಹಣವನ್ನು ಮಾಜಿ ಪತ್ನಿ ರೋಹ್​ಗೆ ಪಾವತಿಸುವಂತೆ ಚೇಹ್​ಗೆ ಕೋರ್ಟ್ ಆದೇಶಿಸಿದೆ .

ಈ ಎಲ್ಲಾ ಘಟನೆಗಳು ಸಾಲು ಸಾಲಾಗಿ ಬೆಳಕಿಗೆ ಬರುತ್ತಿರೋದನ್ನು ನೋಡುತ್ತಿದ್ದರೆ ಮುಂದಿನ ದಿನಗಳಲ್ಲಿ ಪತಿಯಿಂದಿರು ತಮ್ಮ ಹೆಸರಲ್ಲಿ ಆಸ್ತಿ ಹೊಂದುವುದೇ ಅನುಮಾನ..!