ಹೆಣ್ಣು ತನ್ನ ಸಂಕಲ್ಪದ ಇಂಥ ಪುರುಷನೆಡೆಗೆ ಬೇಗನೆ ಆಕರ್ಷಿತಳಾಗುತ್ತಾಳೆ

ಆತ್ಮವಿಶ್ವಾಸ ಹೊಂದಿರಬೇಕು

ಆತ್ಮವಿಶ್ವಾಸ ಹೊದಿರುವ ವ್ಯಕ್ತಿ ಎಲ್ಲರನ್ನು ಆಕರ್ಷಿಸುತ್ತಾನೆ. ಕಷ್ಟಗಳಿಗೆ ಹೇಡಿಯಂತೆ ಆಡುವ ವ್ಯಕ್ತಿ ಇಷ್ಟವಾಗುವುದಿಲ್ಲ. ಆತ್ಮವಿಶ್ವಾಸ ಹೊಂದಿರುವ ವ್ಯಕ್ತಿ ನೀ ನನ್ನೊಂದಿಗೆ ಆತ್ಮವಿಶ್ವಾಸದಿಂದ ಇರಬಲ್ಲೆ ಎಂಬ ಆತ್ಮವಿಶ್ವಾಸವನ್ನು ಆಕೆಗೆ ತುಂಬುತ್ತಾನೆ.

ನಿಯತ್ತು

ಹೆಣ್ಣು ತನ್ನ ಪುರುಷ ನನಗೆ ಯಾವುದೇ ಕಾರಣಕ್ಕೆ ಮೋಸ ಮಾಡಬಾರದೆಂದು ಬಯಸುತ್ತಾಳೆ. ಬೇರೆ ಹೆಣ್ಣಿನ ಕಡೆ ಆಕರ್ಷಿತನಾದರೆ ಅದು ಅವಳಿಗೆ ಸಹಿಸಲು ಸಾಧ್ಯವಿಲ್ಲ. ನನ್ನ ಗಂಡ ನನ್ನದು ಮಾತ್ರ ಎಂಬ ಪೊಸೆಸಿವ್ ಇರುತ್ತದೆ.

ಅತ್ಯುತ್ತಮ ನಡವಳಿಕೆ

ಹೆಣ್ಣು ಬಯಸುವುದು ಅತ್ಯುತ್ತಮ ನಡವಳಿಕೆ ಹೊಂದಿರುವ ವ್ಯಕ್ತಿ ನನ್ನ ಪುರುಷನಾಗಬೇಕೆಂದು. ಒಳ್ಳೆಯ ನಡವಳಿಕೆ ಹೊಂದಿರುವ ವ್ಯಕ್ತಿಯೊಂದಿಗೆ ಸಂಸಾರ ನಡೆಸುವುದು ಸುಲಭವಾಗುವುದು ಅಲ್ಲದೆ ಅಂಥ ವ್ಯಕ್ತಿ ಸಮಾಜದಲ್ಲಿ ಒಂದು ಒಳ್ಳೆಯ ಗೌರವ ಇರುತ್ತದೆ. ಎಲ್ಲರೂ ಆತನನ್ನು ಗೌರವಿಸುವುದೇ ಆಕೆಗೆ ಹೆಮ್ಮೆ.

ಅನುಕಂಪ

ಯಾರು ನಮ್ಮ ಕಡೆ ಅನುಕಂಪ ಹೊಂದಿರುತ್ತಾರೋ ಅವರೆಡೆಗೆ ಮಹಿಳೆ ಆಕರ್ಷಿಸುತ್ತಾಳೆ. ಅವಳು ತುಂಬಾ ದುಃಖದಲ್ಲಿದ್ದಾಗ ಸಂತೈಸುವ, ಅವಳ ಭಾವನೆಗಳನ್ನು ಅರ್ಥ ಮಾಡಿಕೊಳ್ಳಲು ಪ್ರಯತ್ನಿಸುವ ವ್ಯಕ್ತಿ ಅವಳಿಗೆ ತುಂಬಾನೇ ಇಷ್ಟವಾಗುತ್ತಾನೆ. ಯಾರು ನಮ್ಮ ಬಗ್ಗೆ ಕೇರ್ ತಗೊಳ್ಳುತ್ತಾರೋ ಅವರನ್ನು ಹುಡುಗಿಯರು ಇಷ್ಟಪಡುತ್ತಾರೆ.

ಮನಸ್ಸು ಬಿಚ್ಚಿ ಮಾತನಾಡುವವ

ಎಷ್ಟೋ ಪುರುಷರು ತಮ್ಮ ಎಲ್ಲಾ ಭಾವನೆಗಳನ್ನು ಬಾಟಲಿಯೊಳಗೆ ಹಾಕಿ ಮುಚ್ಚಳ ಹಾಕಿದಷ್ಟು ಬಿಗಿಯಾಗಿರುತ್ತಾರೆ. ಏನೂ ಹಂಚಿಕೊಳ್ಳುವುದಿಲ್ಲ, ಅಂಥ ಪುರುಷ ಹೆಂಡತಿಗೆ ನಿರಾಸೆ ಉಂಟು ಮಾಡುತ್ತಾನೆ. ಏನೇ ವಿಷಯವಾಗಿರಲಿ ಆತ ನನ್ನೊಂದಿಗೆ ಹಂಚಿಕೊಳ್ಳಬೇಕು ಎಂದು ಬಯಸುತ್ತಾಳೆ. ಅಂಥ ವ್ಯಕ್ತಿಯ ಜೊತೆಗೆ ಭಾವಾತ್ಮಕವಾದ ಸಂಬಂಧ ಗಟ್ಟಿಯಾಗಿರುವುದು.

ಗೌರವ ನೀಡುವವ

ಯಾರು ಮಹಿಳೆಯರನ್ನು ಗೌರವಿಸುತ್ತಾರೋ ಅಂಥ ಪುರುಷರನ್ನು ಮಹಿಳೆಯರೂ ಗೌರವಿಸುತ್ತಾರೆ, ಇಷ್ಟಪಡುತ್ತಾರೆ. ಎಷ್ಟೋ ಪುರುಷ ತಾನು ಅಹಂನಿಂದ ವರ್ತಿಸುವುದೇ ಪೌರುಷ ಅಂದ್ಕೊಂಡಿರುತ್ತಾರೆ, ಆದರೆ ಅಂಥ ಪುರುಷನನ್ನು ಅನಿವಾರ್ಯವಾಗಿ ಸಹಿಸಿಕೊಂಡಿರುತ್ತಾಳೇ ವಿನಃ ಅವನ ಮೇಲೆ ಪ್ರೀತಿ ಮೂಡಲ್ಲ, ಗೌರವ ಇರಲ್ಲ ಇಂಥ ಪುರುಷನನ್ನು ಮಹಿಳೆ ಇಷ್ಟಪಡಲ್ಲ, ಬದಲಿಗೆ ಮಹಿಳೆಯರನ್ನು ಗೌರವಿಸುವ ವ್ಯಕ್ತಿಯನ್ನು ಅವಳು ತುಂಬಾ ಇಷ್ಟಪಡುತ್ತಾಳೆ.

ಸ್ವಲ್ಪ ಹಾಸ್ಯ ಸ್ವಭಾವ

ಹಾಸ್ಯ ಸ್ವಭಾವ ಅಂದ್ರೆ ಕಾಮಿಡಿಯನ್ ಆಗಿರಬೇಕೆಂದು ಅಲ್ಲ, ಆದರೆ ಸ್ವಲ್ಪ ಸೆನ್ಸ್‌ ಆಫ್‌ ಹ್ಯೂಮರ್‌ ಇರಬೇಕು. ನಗಿಸುವ ವ್ಯಕ್ತಿಯೆಂದರೆ ಮಹಿಳೆಯರನ್ನು ಮಾತ್ರವಲ್ಲ ಎಲ್ಲರನ್ನು ಆಕರ್ಷಿಸುತ್ತಾರೆ. ಮುಖ ಗಂಟಕ್ಕಿ ಇರುವ ವ್ಯಕ್ತಿ ಯಾರಿಗೂ ಇಷ್ಟವಾಗುವುದಿಲ್ಲ.

ಪ್ರಭುದ್ಧ ಗುಣ

ಪುರುಷರೆಂದರೆ ಸ್ವಲ್ಪ ಪ್ರಬುದ್ಧದಿಂದ ವರ್ತಿಸಬೇಕೆಂದು ಎಲ್ಲರೂ ಬಯಸುತ್ತಾರೆ. ಸಿಲ್ಲಿ-ಸಿಲ್ಲಿ ಆಡುವವರು ಯಾರಿಗೂ ಇಷ್ಟವಾಗುವುದಿಲ್ಲ. ಸ್ವಲ್ಪ ವಿವೇಚನೆಯಿಂದ ಮಾತನಾಡುವ, ವರ್ತಿಸುವ ಪುರುಷನ ವ್ಯಕ್ತಿತ್ವವನ್ನುಹೆಣ್ಣು ತುಂಬಾ ಇಷ್ಟಪಡುತ್ತಾಳೆ.