ಜ್ಯೋತಿಷ್ಯ ಶಾಸ್ತ್ರ : ಈ ರಾಶಿಯವರು ಮದುವೆಯಾದರೆ ಬೇರೆ-ಬೇರೆ ಆಗಲ್ವಂತೆ!

1. ಮೇಷ ರಾಶಿ ಹಾಗೂ ಮೀನ ರಾಶಿ

ಮೇಷ ಹಾಗೂ ಮೀನ ರಾಶಿಯವರು ಒಂದಾದರೆ ಇಬ್ಬರಲ್ಲೂ ತುಂಬಾ ಹೊಂದಾಣಿಕೆ ಇರುತ್ತದೆಯಂತೆ. ಮೇಷದವರು ಸ್ವಲ್ಪ ಒರಡು ಅನಿಸಿದರೂ ಮೀನದವರು ತುಂಬಾ ಸೂಕ್ಷ್ಮ ಸ್ವಭಾವದರು. ಆದರೆ ಒಬ್ಬರು ಒಬ್ಬರಿಗೊಬ್ಬರು ಒತ್ತಾಸೆಯಾಗಿ ನಿಲ್ಲುತ್ತಾರೆ. ಆದ್ದರಿಂದ ಈ ಎರಡು ರಾಶಿಯವರು ಒಂದಾದರೆ ಸಂಬಂಧ ಚೆನ್ನಾಗಿರುತ್ತದೆ.

2. ಸಿಂಹ ಮತ್ತು ತುಲಾ ರಾಶಿಯವರು

ತುಲಾ ರಾಶಿಯವರು ತುಂಬಾ ಫ್ರೆಂಡ್ಲೀ ಸ್ವಭಾವದರು, ಅದೇ ರೀತಿ ಸಿಂಹರಾಶಿಯವರು ಸೋಷಿಯಲ್ ಹಾಗೂ ಅವರು ಬೇರೆಯವರನ್ನು ಬೇಗನೆ ಆಕರ್ಷಿಸುತ್ತಾರೆ. ಇಬ್ಬರ ವ್ಯಕ್ತಿತ್ವ ಒಂದೇ ರೀತಿ ಇರುವುದು, ಈ ಎರಡು ರಾಶಿಯವರು ಒಂದಾದರೆ ಇಬ್ಬರಲ್ಲಿ ಒಳ್ಳೆಯ ಹೊಂದಾಣಿಕೆ ಇರುತ್ತದೆ.

3. ಧನು ರಾಶಿ ಹಾಗೂ ಮಿಥುನ ರಾಶಿ

ಇಬ್ಬರೂ ಸ್ವತಂತ್ರ ಬಯಸುವವರು ಹಾಗೂ ಸಾಹಸ ಪ್ರವೃತ್ತಿಯವರು. ಇವರಿಬ್ಬರೂ ತುಂಬಾ ವಿಷಯವನ್ನು ಹಂಚಿಕೊಳ್ಳುತ್ತಾರೆ, ಏನಾದರೂ ಹೊಸ ಸಾಹಸಕ್ಕೆ ಇಬ್ಬರೂ ಒಟ್ಟಾಗಿ ಕೈ ಹಾಕುತ್ತಾರೆ, ಇಬ್ಬರು ಒಬ್ಬರನ್ನೊಬ್ಬರು ಇಷ್ಟಪಡುತ್ತಾರೆ, ಜೀವನ ಬೋರ್ ಅನಿಸುವುದೇ ಇಲ್ಲ, ಇಬ್ಬರು ಖುಷಿಯಾಗಿ ಕಳೆಯುತ್ತಾರೆ.

4. ವೃಷಭ ಹಾಗೂ ಕನ್ಯಾ ರಾಶಿ

ಈ ಎರಡು ರಾಶಿಯವರ ನಡುವೆ ಒಳ್ಳೆಯ ಹೊಂದಾಣಿಕೆ ಇರುತ್ತದೆ. ವೃಷಭ ರಾಶಿಯವರು ತೆರೆದ ಮನಸ್ಸಿನವರು, ಕನ್ಯಾ ರಾಶಿಯವರು ಎಲ್ಲವೂ ನನ್ನ ನಿಯಂತ್ರಣದಲ್ಲಿ ಇರಬೇಕು ಎಂದು ಬಯಸುವವರು, ಈ ರಾಶಿಯ ಜೋಡಿ ಒಂದಾದರೆ ಜೀವನ ಚೆನ್ನಾಗಿರುತ್ತದೆ.