Just In
Don't Miss
- Movies ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸುಖಿ ಸಂಸಾರ ಅಂತ ಇದ್ದರೂ ಗಂಡ ಅನೈತಿಕ ಸಂಬಂಧ ಬೆಳೆಸುವುದೇಕೆ?
ನನ್ನ ಗಂಡ ನನ್ನ ಜೊತೆ ಚೆನ್ನಾಗಿಯೇ ಇದ್ದ, ಆದರೂ ಬೇರೆಯೊಬ್ಬಳ ಸಂಬಂಧದಲ್ಲಿದ್ದಾನೆ, ನನಗೆ ಈ ರೀತಿ ಮೋಸ ಮಾಡುತ್ತಾನೆ ಅಂತ ಕನಸು ಮನಸ್ಸಿನಲ್ಲಿಯೂ ಅಂದುಕೊಂಡಿರಲಿಲ್ಲ, ನನ್ನ ಜೊತೆ ಎಷ್ಟು ಚೆನ್ನಾಗಿದ್ದ ಆದರೂ ಏಕೆ ಮೋಸ ಮಾಡಿದ ಎಂದು ಗಂಡನ ಅನೈತಿಕ ಸಂಬಂಧ ಗೊತ್ತಾಗ ಹೆಂಡತಿ ಅಳಲು ತೋಡಿಕೊಳ್ಳುತ್ತಾಳೆ.
ಇನ್ನು ಕೆಲವರಿಗೆ ತಮ್ಮ ಗಂಡ ಬೇರೆ ಸಂಬಂಧದಲ್ಲಿರುವುದು ಕೊನೆಯವರೆಗೆ ಗೊತ್ತಾಗುವುದೇ ಇಲ್ಲ, ಏಕೆಂದರೆ ಅಷ್ಟು ಚೆನ್ನಾಗಿ ಇವರ ಜೊತೆ ಇರ್ತಾರೆ, ಆದ್ದರಿಂದ ನನ್ನ ಗಂಡನಿಗೆ ಬೇರೆಯೊಬ್ಬಳ ಜೊತೆ ಸಂಬಂಧವಿದೆ ಎಂದು ಊಹಿಸಲೂ ಸಾಧ್ಯವಿಲ್ಲದಷ್ಟು ಮೈಂಟೇನ್ ಮಾಡಿರುತ್ತಾರೆ.
ಹೆಂಡತಿ ಜೊತೆ ತುಂಬಾ ಚೆನ್ನಾಗಿದ್ದು ಅನೈತಿಕ ಸಂಬಂಧದಲ್ಲಿ ಬೀಳುವುದೇಕೆ. ಸುಖಿ ಸಂಸಾರದಲ್ಲಿದ್ದರೂ ಗಂಡ ಬೇರೆ ಸಂಬಂಧ ಬೆಳೆಸಲು ಏನು ಕಾರಣ ಎಂದು ನೋಡೋಣ ಬನ್ನಿ:
ಸಂಗಾತಿಯಿಂದ ತೃಪ್ತಿ ಸಿಗದಿದ್ದಾಗ
ಸಂಗಾತಿ ಮೇಲೆ ಅವರಿಗೆ ಯಾವುದೇ ಬೇಸರವಿರಲ್ಲ, ಆದರೆ ತಾನು ಬಯಸಿದಂಥ ಸುಖ ಹೆಂಡತಿಯಿಂದ ಸಿಗದಿದ್ದರೆ ಅಥವಾ ಲೈಂಗಿಕ ತೃಪ್ತಿ ಇಲ್ಲದಿದ್ದರೆ ಆ ಕಾರಣಕ್ಕೆ ಹೆಂಡತಿಯನ್ನು ದೂರ ಮಾಡಲು ಮನಸ್ಸಿರುವುದಿಲ್ಲ, ಆದರೆ ತಮಗೆ ಬೇಕಾದ ಸುಖಕ್ಕಾಗಿ ಬೇರೆ ಕಡೆ ಹೋಗುತ್ತಾರೆ.
ಸಂಬಂಧದಲ್ಲಿ ಉಸಿರುಕಟ್ಟುವ ಪರಿಸ್ಥಿತಿ ಇದ್ದಾಗ
ಖುಷಿಯಾಗಿಯೇ ಮದುವೆಯಾಗಿರುತ್ತಾರೆ, ಚೆನ್ನಾಗಿಯೇ ಇರುತ್ತಾರೆ ಆದರೆ ಪತ್ನಿಯ ಕೆಲವೊಂದು ಗುಣ ಅಥವಾ ನಡವಳಿಕೆ ಇಷ್ಟವಿರುವುದಿಲ್ಲ, ಅದನ್ನು ನಾನಾ ಕಾರಣಗಳಿಂದಾಗಿ ಅವರ ಬಳಿ ಹೇಳಿಕೊಳ್ಳಲು ಸಾಧ್ಯವಾಗಲ್ಲ. ಆಗ ತಮ್ಮ ಆಸಕ್ತಿಗೆ ತಕ್ಕ ವ್ಯಕ್ತಿಯನ್ನು ಭೇಟಿಯಾದಾಗ ಅವರ ಕಡೆಗೆ ಆಕರ್ಷಣೆ ಬೆಳೆಯುವುದು.
ಅಸುರಕ್ಷತೆ ಭಾವನೆ
ಅಸುರಕ್ಷತೆ ಭಾವನೆ ಬಂದಾಗ ಕೆಲವರು ಈ ರೀತಿ ಅನಾರೋಗ್ಯಕರವಾಗಿ ಡೀಲ್ ಮಾಡಲು ಪ್ರಯತ್ನಿಸುತ್ತಾರೆ. ಒಳ್ಳೆಯ ಗಂಡ ಹಾಗೂ ಮಕ್ಕಳಿಗೆ ಒಳ್ಳೆಯ ತಂದೆ ಅನಿಸಿಕೊಂಡಿರುತ್ತಾರೆ, ಆದರೆ ಯಾವುದೋ ಅಸುರಕ್ಷತೆ ಭಾವನೆ ಕಾಡಿದಾಗ ಅದನ್ನು ಹೇಳಿಕೊಳ್ಳಲು ಸಾಧ್ಯವಾಗದೆ ಸೀಕ್ರೆಟ್ ಸಂಬಂಧ ಬೆಳೆಸಬಹುದು.
ಅಸುರಕ್ಷತೆ ಭಾವನೆ ಬರಲು ಹಲವಾರು ವಿಷಯಗಳು ಕಾರಣವಾಗಿರಬಹುದು. ಒಂದು ವೇಳೆ ಸರಿಯಾದ ಕೆಲಸ ಇಲ್ಲದಿದ್ದರೆ ಅಥವಾ ಆರ್ಥಿಕ ತೊಂದರೆ, ಹೆಂಡತಿಯಲ್ಲಿ ಆರೋಗ್ಯ ಸಮಸ್ಯೆ ಈ ರೀತಿಯೆಲ್ಲಾ ಇದ್ದಾಗ ಪರಿಸ್ಥಿತಿಯಿಂದ ತಪ್ಪಿಸಿಕೊಳ್ಳಲು ಅಡ್ಡ ಮಾರ್ಗ ಹಿಡಿಯುತ್ತಾರೆ. ಆದರೆ ಈ ರೀತಿ ಮಾಡುವ ಮೂಲಕ ತಮ್ಮ ನೆಮ್ಮದಿ ಮತ್ತಷ್ಟು ಹಾಳು ಮಾಡುತ್ತಾರೆ.
ತನ್ನನ್ನು ನಿರ್ಲಕ್ಷ್ಯ ಮಾಡಲಾಗುತ್ತಿದೆ ಎಂದು ಭಾವಿಸಿದಾಗ
ಮದುವೆಯಾಗಿ ಮಕ್ಕಳಾದ ಮೇಲೆ ಹೆಂಡತಿ ಮಕ್ಕಳ ಕಡೆ ಗಮನ ಕೊಡುವುದು ಸಹಜ. ಮನೆ ಕೆಲಸ, ಮಕ್ಕಳ ಜವಾಬ್ದಾರಿ ಇವುಗಳ ನಡುವೆ ಮೊದಲಿನಂತೆ ನಿಮಗೆ ನಿಮ್ಮ ಗಂಡನ ಜೊತೆ ಇರಲು ಸಾಧ್ಯವಾಗಲ್ಲ, ಆದರೆ ಈ ಸಂದರ್ಭದಲ್ಲಿ ಪರಿಸ್ಥಿತಿಯನ್ನು ಅರ್ಥಮಾಡಿಕೊಳ್ಳುವುದು ಬಿಟ್ಟು ಕೆಲ ಪುರುಷರು ಅವಳು ನನ್ನನ್ನು ಇತ್ತೀಚೆಗೆ ಗಮನಿಸುತ್ತಿಲ್ಲ ಎಂದು ಭಾವಿಸುತ್ತಾರೆ, ಈ ಕಾರಣಕ್ಕೆ ಬೇರೆ ವ್ಯಕ್ತಿ ಅವರ ಭಾವನೆಗೆ ಸ್ಪಂದಿಸಿದರೆ ಆಕರ್ಷಣೆ ಬೆಳೆಯುವುದು.
ಪುರುಷ ಎಂಬ ಅಹಂ
ನಾನು ಪುರುಷ ಎಂಬ ಅಹಂ, ನನ್ನ ಪುರುಷತ್ವ ಸಾಬೀತು ಪಡಿಸಲು ಮನೆಯಲ್ಲಿ ಹೆಂಡತಿ ಇದ್ದರೂ ಹಲವಾರು ಮಹಿಳೆಯರ ಜೊತೆ ಸಂಪರ್ಕ ಇಟ್ಟುಕೊಳ್ಳುವ ಕೆಟ್ಟ ಚಟ ಕೆಲ ಪುರುಷರಲ್ಲಿ ಇರುತ್ತದೆ.
ಮೆಚ್ಯೂರಿಟಿ ಇಲ್ಲದಿರುವುದು
ಕುಟುಂಬ ಎಂದರೇನು? ವೈವಾಹಿಕ ಜೀವನ ಎಂದರೇನು ಎಂಬ ಮೆಚ್ಯೂರಿಟಿ ಇಲ್ಲದೇ ಹೋದರೆ ಮದುವೆಯಾದ ಮೇಲೂ ಫ್ಲರ್ಟ್ ಮಾಡುವ ಸ್ವಭಾವ ಮುಂದುವರೆಸುತ್ತಾರೆ. ನಾನು ಈ ರೀತಿ ಮಾಡಿದರೆ ತನ್ನ ಹೆಂಡತಿಗೆ ಗೊತ್ತಾಗಲ್ಲ ಎಂದು ಭಾವಿಸಿ ಮೋಸ ಮಾಡಲು ಮುಂದಾಗುತ್ತಾರೆ.
ಇನ್ನು ಕೆಲವರಿಗೆ ಈ ರೀತಿ ಫ್ಲರ್ಟ್ ಮಾಡಿದರೆ ಏನೂ ಆಗಲ್ಲ, ಇದೇನು ಸೀರಿಯಸ್ ಸಂಬಂಧವಲ್ಲ, ಟೈಂಪಾಸ್ ಅಷ್ಟೇ ಎಂಜಾಯ್ ಮಾಡೋಣ ಅಂತ ಭಾವಿಸಿ ಫ್ಲರ್ಟ್ ಮಾಡುತ್ತಿರುತ್ತಾರೆ, ಆದರೆ ಈ ರೀತಿ ಮಾಡುವುದರಿಂದ ಹೆಂಡತಿಗೆ ಮೋಸ ಮಾಡಿದಂತಾಗುವುದು ಮಾತ್ರವಲ್ಲ, ಈ ವಿಷಯ ತಿಳಿದರೆ ಸಂಸಾರ ಜೀವನದಲ್ಲಿ ಬಿರುಗಾಳಿಯೇ ಏಳುವುದು.
ಆದ್ದರಿಂದ ಸುಂದರ ಕುಟುಂಬ ನಿಮ್ಮದಾಗಿದ್ದರೆ ಅದರಲ್ಲಿಯೇ ನೆಮ್ಮದಿ ಕಾಣಿ. ಮತ್ತೊಂದು ಸಂಬಂಧ ಅರಿಸಿ ಹೊರಟರೆ ಪತಂಗಕ್ಕೆ ದೀಪದ ಕಡೆಗೆ ಆಕರ್ಷಿತವಾಗಿ ತನ್ನನ್ನು ತಾನು ಸುಟ್ಟುಕೊಂಡಂತಾಗುವುದು ಪರಿಸ್ಥಿತಿ, ನಿಜ ತಾನೆ?