ಸಂಗಾತಿಗೆ ಪರ್ಸನಲ್ ಸ್ಪೇಸ್ ನೀಡಿದಾಗ ಸಂಬಂಧದಲ್ಲಿ ಏನಾಗುತ್ತೆ ಗೊತ್ತಾ?

1. ಉಸಿರುಕಟ್ಟುವ ಸಂಬಂಧ

ನಿಮ್ಮ ಸಂಗಾತಿಯ ಜೊತೆಗೆ ಅತಿಯಾಗಿ ಸಮಯ ಕಳೆಯುವುದರಿಂದ ಇಬ್ಬರಲ್ಲೂ ಉಸಿರು ಗಟ್ಟಿಸುವಂತಹ ಭಾವನೆ ಮೂಡುತ್ತದೆ. ಯಾಕಂದ್ರೆ ಪ್ರತಿಯೊಬ್ಬರಿಗೂ ಅವರದೇ ಆದ ಪರ್ಸನಲ್ ಲೈಫ್ ಇರುತ್ತೆ. ಅದಕ್ಕೂ ಟೈಮ್ ಕೊಡಬೇಕಾಗಿರೋ ಅವಶ್ಯಕತೆ ಇರುತ್ತೆ. ಅದನ್ನು ನೀವು ಕಸಿದುಕೊಂಡರೆ ಉಸಿರುಗಟ್ಟುವಂತಹ ಭಾವನೆ ಮೂಡುತ್ತದೆ. ಸಮಯ ನೀಡುವುದು ನಿಮಗೆ ಮಾತ್ರ ಅಲ್ಲ ನಿಮ್ಮ ಸಂಬಂಧಕ್ಕೂ ಒಳ್ಳೆಯದು. ನಿಮ್ಮ ಸಂಗಾತಿಗೆ ಉಸಿರು ಗಟ್ಟುವಂತೆ ಯಾವತ್ತಿಗೂ ಮಾಡಬೇಡಿ.

2. ಪರ್ಸನಲ್ ಸ್ಪೇಸ್ ನೀಡಿದಾಗ ಏನಾಗುತ್ತೆ?

ನೀವು ನಿಮ್ಮ ಸಂಗಾತಿಗೆ ಪರ್ಸನಲ್ ಸ್ಪೇಸ್ ನೀಡಿದಾಗ ಅವರಲ್ಲೂ ಒಂದು ರೀತಿಯ ಆತ್ಮವಿಶ್ವಾಸ ಬೆಳೆಯುತ್ತೆ. ನನ್ನ ಗೆಳೆಯ-ಗೆಳತಿ ನಂಬಿಕೆ ಇಟು ಹೊರಹೊಗಲು ಅನುಮತಿ ನೀಡಿದ್ದಾರೆ ಅನ್ನೋ ಸಮಾಧಾನವೂ ಇರುತ್ತದೆ. ಇದು ನಿಮ್ಮ ಲೈಫ್ ಹಾಗೂ ಸಂಬಂಧವನ್ನು ಮತ್ತಷ್ಟು ಗಟ್ಟಿಗೊಳಿಸುತ್ತದೆ. ನಿಮ್ಮ ಮತ್ತು ನಿಮ್ಮ ಸಂಗಾತಿಯ ನಡುವೆ ನಂಬಿಕೆಯನ್ನು ಬಲಗೊಳಿಸುತ್ತದೆ.

3. ಅನುಮಾನ ಮೂಡುವುದೇ?

ನಿಮ್ಮ ಸಂಗಾತಿ ರಾತ್ರಿ ವೇಳೆ ಹೊರಹೋದಾಗ ನಿಮ್ಮಲ್ಲಿ ಅನುಮಾನ ಮೂಡುವುದೇ? ನಿಮ್ಮ ಸಂಗಾತಿಯ ಜೊತೆಗೆ ಟೈಮ್ ಕಳೆಯಲು ಆಗದೇ ಇದ್ದಾಗ ಕೆಲವೊಮ್ಮೆ ಅನುಮಾನ ಮೂಡುತ್ತದೆ. ನನ್ನ ಜೊತೆ ಟೈಮ್ ಕಳೀತಾ ಇಲ್ಲ ಎಂಬ ಬೇಜಾರು ಶುರುವಾಗಬಹದು. ಆದರೆ ಅದು ಸರಿಯಲ್ಲ, ಯಾಕಂದ್ರೆ ಅವರಿಗೂ ಬೇರೊಂದು ಲೈಫ್ ಇದ್ಯಲ್ಲಾ? ಅದನ್ನ ನಾವು ಯಾವತ್ತೂ ಕಿತ್ತುಕೊಳ್ಳಬಾರುದು. ಒಬ್ಬರಿಗೊಬ್ಬರು ಅರಿತು ಅವರ ಸುಖ-ಸಂತೋಷಗಳಿಗೂ ಸ್ಪೇಸ್ ನಿಡಬೇಕು.

4. ಸಂಬಂಧದ ಹೊರತಾಗಿಯೂ ಅನೇಕ ವಿಷಯಗಳಿವೆ

ನಿಮ್ಮ ಸಂಬಂಧದ ಹೊರತಾಗಿಯೂ ಜಗತ್ತಿನಲ್ಲಿ ಆಸಕ್ತಿದಾಯಕ ವಿಚಾರಗಳು ಬೇಕಾದಷ್ಟಿವೆ. ನೀವು ಅವುಗಳಿಗೂ ಮನಸ್ಸು ನೀಡಿದರೆ, ನಿಮ್ಮಿಬ್ಬರಲ್ಲಿ ವಿಷಯಗಳನ್ನು ಹಂಚಿಕೊಳ್ಳಲು ನೆರವಾಗುತ್ತದೆ. ನೀವಿಬ್ಬರೂ ಯಾವಾಗಲೂ ಒಟ್ಟಿಗೇ ಇದ್ದರೆ ನಿಮ್ಮ ಬಳಿ ಮಾತಾಡಲು ಅಥವಾ ಶೇರ್ ಮಾಡಿಕೊಳ್ಳಲು ಯಾವುದೇ ವಿಚಾರಗಳಿರುವುದಿಲ್ಲ. ನಿಮಗಾಗಿ ಒಂದು ಟೈಮ್ ಫಿಕ್ಸ್ ಮಾಡಿಕೊಂಡು ಹೊರ ಜಗತ್ತಿನ ಜೊತೆ ಮಿಂಗಲ್ ಆದ್ರೆ ನಿಮ್ಮ ಮನಸ್ಸಿಗೂ ರಿಲಾಕ್ಸ್ ಹಾಗೂ ನಿಮ್ಮ ಸಂಬಂಧಕ್ಕೂ ಒಳ್ಳೆಯದು.

5. ನಿಮ್ಮ ಸಂಗಾತಿಗೂ ಅವರದ್ದೇ ಆದ ಸ್ನೇಹಿತರು ಇರುತ್ತಾರೆ

ನೀವೆಷ್ಟೇ ನಿಮ್ಮ ಸಂಗಾತಿಯನ್ನು ಪ್ರೀತಿಸಿ ಆದರೆ ಆ ಪ್ರೀತಿ ಸಿಗುವ ಮುನ್ನ ಅವರೊಬ್ಬ ವ್ಯಕ್ತಿಯಾಗಿದ್ದರು. ಅವರಿಗೂ ಒಂದು ಲೈಫ್ ಇತ್ತು ಎಂಬುದನ್ನು ಯಾವತ್ತಿಗೂ ಮರೆಯಬೇಡಿ. ಸಂಬಂಧದ ಹೆಸರಲ್ಲಿ ಅಥವಾ ಪ್ರೀತಿ ಹೆಸರಲ್ಲಿ ನಿಮ್ಮತನ್ನವನ್ನು ಕಳೆದುಕೊಂಡು ವರ್ತಿಸಬೇಡಿ. ಪ್ರೀತಿ ಜೀವನದ ಒಂದು ಭಾಗವಾಗಬೇಕೆ ಹೊರತು, ಪ್ರೀತಿಯೇ ಜೀವನವಾಗಬಾರದು.

6. ಖುಷಿಗೆ ವೈಯಕ್ತಿಕತೆ ತುಂಬ ಮುಖ್ಯ

ನೀವು ಯಾರನ್ನೇ ಎಷ್ಟೇ ಹಚ್ಚಿಕೊಂಡಿದ್ದರೂ ನಿಮಗೆ ವೈಯಕ್ತಿಕ ಜೀವನ ತುಂಬಾ ಮುಖ್ಯ. ಅದನ್ನು ಪ್ರೀತಿ ಹೆಸರಲ್ಲಿ ಕಸಿದುಕೊಳ್ಳುವುದನ್ನು ಯಾರೂ ಸಹಿಸುವುದಿಲ್ಲ. ನಿಮ್ಮ ವೈಯಕ್ತಿ ಜೀವನವನ್ನು ಎಂಜಾಯ್ ಮಾಡಲು ಅಥವಾ ಅನುಭವಿಸಲು ಅನುಮತಿ ಸಿಗದೇ ಇದ್ದಾಗ ನಿಮ್ಮಲ್ಲಿ ವಾದಗಳ ಹುಟ್ಟಿಕೊಳ್ಳುತ್ತವೆ. ನೀವು ಖುಷಿಗರಬೇಕು ಅಥವಾ ನಿಮ್ಮ ಸಂಗಾತಿ ಸಂತೋಷವಾಗಿರಬೇಕು ಅಂದ್ರೆ ನಿಮ್ಮ ವೈಯಕ್ತಿಕ ಜೀವನಕ್ಕೂ ಟೈಮ್ ಕೊಡಿ.

7.ಅತೀಯಾದ್ರೆ ಅಮೃತನೂ ವಿಷ

ಹೌದು, ಯಾವುದೇ ವಿಚಾರವಾಗಲೀ ಅತೀಯಾದ್ರೆ ಅಪಾರಕಾರಿಯೇ. ಹಾಗೆಯೇ ಈ ಸಂಬಂಧದ ಕೂಡ. ಯವಾಗಲೂ ಜೊತೆನೇ ಇರಬೇಕು, ನನ್ನ ಜೊತೆ ಅಷ್ಟೇ ಮಾತನಾಡಬೇಕು, ನನ್ನ ಬಗ್ಗೆನೇ ಯೋಚನೆ ಮಾಡಬೇಕು ಅನ್ನೋದು ಎಲ್ಲ ಪ್ರೇಮಿಗಳ ಆಸೆ. ಆದ್ರೆ ಇದ್ಯಾವುದೂ ಅತೀ ಆಗ್ಬಾರ್ದು. ಯಾಕಂದ್ರೆ ಹೀಗೆ ಹೇಳ್ದಾಗ ನಿಮ್ಮ ಸಂಗಾತಿಗೆ ಕಷ್ಟ ಆಗಬಹುದು.