ಲೈಂಗಿಕ ಸಮಸ್ಯೆ ಹಾಗೂ ಶೀಘ್ರ ಸ್ಖಲನ ಕುರಿತು ಪುರುಷರು ತಿಳಿದಿರಲೇಬೇಕಾದ ಅಂಶಗಳಿವು

ಲೈಂಗಿಕ ಸಮಸ್ಯೆ ಹೃದಯ ಸಮಸ್ಯೆ ಅಥವಾ ಇತರ ಸಮಸ್ಯೆಯ

ಲಕ್ಷಣವಿರಬಹುದು

ಯಾವುದಾದರೂ ಲೈಂಗಿಕ ತೊಂದರೆ ಕಾಣಿಸಿದರೆ ಕೂಡಲೇ ನಿಮ್ಮ ವೈದ್ಯರನ್ನು ಕಂಡು ಅವರ ಸಲಹೆ ಪಡೆಯಿರಿ. ಶೀಘ್ರ ಸ್ಖಲನಕ್ಕೆ ಇವುಗಳೂ ಒಂದು ಕಾರಣವಾಗಿರಬಹುದು

• ನರಗಳ ತೊಂದರೆ ಅಥವಾ ಮೂತ್ರ ಸೋಂಕು
• ಶಿಶ್ನದಲ್ಲಿ ಬದಲಾವಣೆ ಮಧುಮೇಹದ ಮೊದಲ ಲಕ್ಷಣವಾಗಿರಬಹುದು
• ಹಾರ್ಮೋನ್‌ಗಳ ಅಸಮತೋಲನ
• ಹೃದಯ ಸಂಬಂಧಿ ಸಮಸ್ಯೆ ಅಥವಾ ಪ್ರೊಸ್ಟೇಟ್ ಕ್ಯಾನ್ಸರ್



ಲೈಂಗಿಕ ಕ್ರಿಯೆ ಹಾಗೂ ಮಾನಸಿಕ ಆರೋಗ್ಯದ ನಡುವಿನ ಸಂಬಂಧ

ಖಿನ್ನತೆ, ಒತ್ತಡ ಅಥವಾ ಇತರ ಮಾನಸಿಕ ತೊಂದರೆಗಳು ಕೂಡ ಲೈಂಗಿಕ ಸಮಸ್ಯೆಗೆ ಒಂದು ಕಾರಣವಾಗಿದೆ. ಖಿನ್ನತೆ ಮುಂತಾದ ಮಾನಸಿಕ ತೊಂದರೆಗಳು ಕಾಣಿಸಿದಾಗ ಲೈಂಗಿಕ ಆಸಕ್ತಿ ಕುಂದುವುದು ಅಥವಾ ಲೈಂಗಿಕ ಕ್ರಿಯೆಯ ವೇಳೆ ತೊಂದರೆಗಳು ಕಾಣಿಸಿಕೊಳ್ಳುವುದು. ಇಂಥ ಸಮಸ್ಯೆ ಹೋಗಲಾಡಿಸಲು ಥೆರಪಿಗಳಿವೆ. ವೈದ್ಯರ ಸಲಹೆ ಮೇರೆಗೆ ನೀವು ಆ ಥೆರಪಿ ತೆಗೆದುಕೊಂಡರೆ ಸಮಸ್ಯೆ ಇಲ್ಲವಾಗುವುದು.



ಮಾನಸಿಕ ಕಾಯಿಲೆಗೆ ತೆಗೆದುಕೊಳ್ಳುವ ಔಷಧಗಳು ಲೈಂಗಿಕ ತೊಂದರೆ ಉಂಟು ಮಾಡುವುದಿಲ್ಲ

ಮಾನಸಿಕ ಚಿಕಿತ್ಸೆಗೆ ತೆಗೆದುಕೊಳ್ಳುವ ಔಷಧಿಗಳಿಂದ ಲೈಂಗಿಕ ತೊಂದರೆ ಉಂಟಾಗುತ್ತದೆ ಎಂಬ ತಪ್ಪು ಕಲ್ಪನೆಗಳಿವೆ. ಆದರೆ ತಜ್ಞರ ಪ್ರಕಾರ ಇಂಥ ಚಿಕಿತ್ಸೆಗಳು ಲೈಂಗಿಕ ಕ್ರಿಯೆಗೆ ಯಾವುದೇ ಅಡ್ಡ ಪರಿಣಾಮ ಉಂಟು ಮಾಡುವುದಿಲ್ಲ. ಮಾನಸಿಕ ಚಿಕಿತ್ಸೆ ಪಡೆಯುತ್ತಿರುವ ಶೇ.70ರಷ್ಟು ಜನರಿಗೆ ಲೈಂಗಿಕವಾಗಿ ಯಾವುದೇ ಅಡ್ಡ ಪರಿಣಾಮ ಉಂಟಾಗುವುದಿಲ್ಲ, ಒಂದು ವೇಳೆ ಯಾವುದಾದರೂ ಅಡ್ಡ ಪರಿಣಾಮ ಕಂಡು ಬಂದರೆ ವೈದ್ಯರ ಬಳಿ ಹೇಳಿದರೆ ಸೂಕ್ತ ಪರಿಹಾರ ಸಿಗುವುದಾಗಿ ತಜ್ಞರು ಹೇಳುತ್ತಾರೆ.



ವಯಸ್ಸಾದಂತೆ ಲೈಂಗಿಕ ಕ್ರಿಯೆ ವೇಳೆ ಕೆಲವೊಂದು ಬದಲಾವಣೆ ಸಹಜ

ವಯಸ್ಸಾದಂತೆ ಲೈಂಗಿಕ ಸಾಮಾರ್ಥ್ಯ ಕೆಲವರಲ್ಲಿ ಕುಂದುವುದು, ಇದು ಸಹಜ. ಇಂಥವರು ಸೆಕ್ಸ್ ಥೆರಪಿ ತೆಗೆದುಕೊಂಡರೆ ಸೆಕ್ಸ್ ವೇಳೆ ಹೆಚ್ಚಿನ ತೊಂದರೆಗಳು ಕಾಣಿಸುವುದಿಲ್ಲ. ವಯಸ್ಸಾದಂತೆ ಆರೋಗ್ಯ ಸಮಸ್ಯೆಯೂ ಕಾಡುವುದು ಇವು ಕೂಡ ಲೈಂಗಿಕ ತೊಂದರೆಗಳು ಕಾಣಿಸಿಕೊಳ್ಳಲು ಒಂದು ಕಾರಣವಾಗಿದೆ.



ಆರೋಗ್ಯ ಚೆನ್ನಾಗಿದ್ದರೆ ಲೈಂಗಿಕ ಸಮಸ್ಯೆ ಕಾಡುವುದಿಲ್ಲ

ನಿಮ್ಮ ಆರೋಗ್ಯಕ್ಕೂ ಲೈಂಗಿಕ ಸಮಸ್ಯೆಗೂ ಒಂದಕ್ಕೊಂದು ಸಂಬಂಧವಿದೆ. ಸದೃಢ ಮೈಕಟ್ಟು, ದೈಹಿಕ ಹಾಗೂ ಮಾನಸಿಕ ಆರೋಗ್ಯ ಚೆನ್ನಾಗಿದ್ದರೆ ಲೈಂಗಿಕ ಕ್ರಿಯೆ ವೇಳೆ ಸಮಸ್ಯೆ ಕಾಣಿಸುವುದಿಲ್ಲ.

ಒಟ್ಟು ಮೊತ್ತ ಆರೋಗ್ಯಕ್ಕಾಗಿ ವ್ಯಾಯಾಮ ಮಾಡಬೇಕು, ಆರೋಗ್ಯಕರ ಆಹಾರ ಸೇವನೆ ಮಾಡಬೇಕು ಹಾಗೂ ಮಾನಸಿಕ ಆರೋಗ್ಯ ಚೆನ್ನಾಗಿ ಇಟ್ಟುಕೊಳ್ಳಲು ಧ್ಯಾನ ಮಾಡಬೇಕು.

ಸಲಹೆ: ಲೈಂಗಿಕ ತೊಂದರೆ ಕಾಣಿಸಿದರೆ ಮಾನಸಿಕವಾಗಿ ಕುಗ್ಗಬೇಡಿ, ತಜ್ಞರಲ್ಲಿ ಹೇಳಿಕೊಂಡರೆ ನಿಮ್ಮ ಸಮಸ್ಯೆಗೆ ಸೂಕ್ತ ಪರಿಹಾರ ಸಿಗುವುದು.