ಮದುವೆ ಮಾಡುವಾಗ ಕುಂಡಲಿಯ 18 ಗುಣ ಹೊಂದಾಣಿಕೆಯಾಗಲೇ ಬೇಕಾ?

ನೀವು ಮಾಡುವೆ ಮಾಡಿಕೊಳ್ಳಲು ನಿರ್ಧರಿಸಿದರೆ, ಜಾತಕ ಹೊಂದಾಣಿಕೆಯು ಮುಖ್ಯವಾಗಿ ನೋಡಲಾಗುವುದು. ಜಾತಕ ಹೊಂದಾಣಿಕೆಯಾಗಬೇಕೆಂದರೆ ಗುಣಗಳ ಹೊಂದಾಣಿಕೆ ಅತ್ಯವಶ್ಯಕ.

ಒಟ್ಟು 36 ಗುಣಗಳಿದ್ದು ಅವುಗಳಲ್ಲಿ ಕನಿಷ್ಠ 18 ಗುಣಗಳು ಹೊಂದಾಣಿಕೆ ಆಗಲೇಬೇಕು. ವೈವಾಹಿಕ ಜೀವನ ಚೆನ್ನಾಗಿರಬೇಕೆಂದರೆ ಈ ಗುಣಗಳು ಹೊಂದಾಣಿಕೆಯಾಗುವುದು ಮುಖ್ಯ ಎಂಬ ನಂಬಿಕೆ ಹಿಂದೂಗಳ ಮದುವೆಯಲ್ಲಿದೆ.

ಈ ಜಾತಕ ಹೊಂದಾಣಿಕೆಯಾಗದಿದ್ದರೆ ಇಬ್ಬರ ನಡುವೆ ಹಲವಾರು ಸಮಸ್ಯೆಗಳು ಬರಬಹುದು, ಆದ್ದರಿಂದ ಜಾತಕದಲ್ಲಿ ಹೊಂದಾಣಿಕೆ ಮುಖ್ಯ ಎಂದು ಹೇಳಲಾಗುವುದು.

ವಿವಾಹಕ್ಕೆ 18 ಗುಣಗಳು ಹೊಂದಾಣಿಕೆಯಾಗಬೇಕು

ಜ್ಯೋತಿಷ್ಯದ ಪ್ರಕಾರ ಜಾತಕ ಹೊಂದಾಣಿಕೆಯಲ್ಲಿ ಮುಖ್ಯವಾಗಿ ಒಟ್ಟು ಗುಣಕೂಟ ಎಂಟು. ಪ್ರತಿ ಗುಣಕ್ಕೂ ಅಂಕಗಳನ್ನಿಟ್ಟು ಹೊಂದಾಣಿಕೆಯನ್ನು ಮಾಡಲಾಗುವುದು.ವಿವಾಹಕ್ಕೆ ಕನಿಷ್ಠ 18 ಗುಣಗಳು ಹೊಂದಾಣಿಕೆಯಾಗುವುದು ಅವಶ್ಯಕ. ಯಾವ ಜೋಡಿಗೆ 32 ರಿಂದ 36ಗುಣಗಳು ಹೊಂದಾಣಿಕೆಗುವುದೋ ಆ ಜೋಡಿಯನ್ನು ಅತ್ಯುತ್ತಮ ಹೊಂದಾಣಿಕೆಯ ಜೋಡಿ ಎಂದು ಪರಿಗಣಿಸಲಾಗಿದೆ. ಇವರಿಬ್ಬರ ನಡುವೆ ಎಲ್ಲಾ ವಿಷಯದಲ್ಲಿ ತುಂಬಾನೇ ಹೊಂದಾಣಿಕೆ ಇರುತ್ತದೆ ಎಂದು ಹೇಳಲಾಗುವುದು.

ಜಾತಕದಲ್ಲಿ ನೋಡಲಾಗುವ ಗುಣಗಳು

ಮುಖ್ಯವಾದ ಎಂಟುಗುಣಗಳು

ಗಣಕೂಟಕ್ಕೆ 6 ಅಂಕಗಳು, ಗ್ರಹಮೈತ್ರಿ ಕೂಟಕ್ಕೆ 5, ನಾಡಿಕೂಟಕ್ಕೆ 8, ವೈಶ್ಯ ಕೂಟಕ್ಕೆ 2, ವರ್ಣಕೂಟಕ್ಕೆ 1, ಯೋನಿಕೂಟಕ್ಕೆ 4, ತಾರಾ ಕೂಟಕ್ಕೆ 3 ಮತ್ತು ರಾಶಿಕೂಟ/ಭಾಕೂಟಕ್ಕೆ 7 ಅಂಕಗಳು ಇವೆ, ಇವುಗಳಲ್ಲಿ ಮದುವೆಯಾಗುವಾಗ ಒಟ್ಟು 36 ಗುಣಗಳಲ್ಲಿ ಹೊಂದಾಣಿಕೆಯನ್ನು ನೋಡಲಾಗುವುದು,ಅಷ್ಟು ಆದರೆ ತುಂಬಾ ಒಳ್ಳೆಯದು. ಇಲ್ಲದಿದ್ದರೆ ಕನಿಷ್ಠ 18 ಗುಣಗಳು ಹೊಂದಾಣಿಕೆಯಾಗಬೇಕು, ಇಲ್ಲದಿದ್ದರೆ ಆ ಜೋಡಿ ಒಂದಾಗಬಾರದು ಎಂದು ಜ್ಯೋತಿಷ್ಯಶಾಸ್ತ್ರ ಹೇಳುತ್ತದೆ.

ಎಷ್ಟು ಗುಣಗಳು ಹೊಂದಾಣಿಕೆಯಾದರೆ ತುಂಬಾನೇ ಶ್ರೇಷ್ಠ

25 ರಿಂದ 32 ಗುಣಗಳು ಹೊಂದಾಣಿಕೆಯಾದರೆ ತುಂಬಾ ಒಳ್ಳೆಯದು ಎಂದು ಹೇಳಲಾಗುವುದು. ಈ ಜೋಡಿಯ ವೈವಾಹಿಕ ಜೀವನ ಉತ್ತಮವಾಗಿರುತ್ತದೆ, ಅವರು ಸಂತೋಷವಾಗಿ ಬಾಳುತ್ತಾರೆ ಎಂದು ಹೇಳಲಾಗುವುದು. ಅದೇ 32ರಿಂದ 36 ಗುಣಗಳು ಹೊಂದಾಣಿಕೆಯಾದರೆ ಆ ಜೋಡಿ ತುಂಬಾ ಶ್ರೇಷ್ಠ ಜೋಡಿ ಎಂದು ಹೇಳಲಾಗುವುದು, ಏಕೆಂದರೆ ಜ್ಯೋತಿಷ್ಯ ಪ್ರಕಾರ ಇಂಥ ಜೋಡಿ ಒಂದಾದರೆ ಅವರಿಬ್ಬರ ಸಂಬಂಧ, ಬಾಂಧವ್ಯ ಅದ್ಭುತವಾಗಿರುತ್ತದೆ.

ಗುಣಗಳನ್ನು ಹೊಂದಿಸುವ ಮೂಲಕ ಹುಡುಗ -ಹುಡುಗಿಯ ಸ್ವಭಾವಗಳನ್ನು ಹೊಂದಾಣಿಕೆಯನ್ನು ನೋಡಲಾಗುತ್ತದೆ. ಜಾತಕ ನೋಡಿ ಈ ಜೋಡಿ ಮದುವೆಯಾಗಬಹುದೇ, ಬೇಡ್ವೆ ಎಂದು ಹೇಳಲಾಗುವುದು. ಜಾತಕದ ಹೊಂದಾಣಿಕೆಗಿಂತ ಇಬ್ಬರಲ್ಲಿ ಸ್ವಭಾವದ ಹೊಂದಾಣಿಕೆ ತುಂಬಾನೇ ಮುಖ್ಯ, ಆದರೆ ಮಾತ್ರ ಸುಂದರ ದಾಂಪತ್ಯ ನಡೆಸಲು ಸಾಧ್ಯ.