ಇದೇ ಕಾರಣಕ್ಕೆ ಕೆಲವು ಮಹಿಳೆಯರು ಮದುವೆಯ ನಂತರ ಮೋಸಮಾಡುವುದು

ಆಕೆಗೆ ತನ್ನ ಹಿಂದಿನ ಪ್ರೇಮ ಮರೆಯಲಾಗುತ್ತಿಲ್ಲ

ಮದುವೆ ಬಳಿಕ ಸಂಬಂಧವನ್ನಿಟ್ಟುಕೊಳ್ಳಲು ದೊಡ್ಡ ಕಾರಣ ಇದಾಗಿದೆ. ಮಹಿಳೆಯು ಮದುವೆಯಾದ ಬಳಿಕ ತನಗೆ ಸಿಗುತ್ತಿರುವಂತಹ ಪ್ರೀತಿಗೆ ಸಮಾನವಾದ ಪ್ರೀತಿ ನೀಡಲು ಮತ್ತು ಆ ಪ್ರೀತಿ ಸ್ವೀಕರಿಸಲು ವಿಫಲವಾಗುವುದು. ಹಿಂದಿನ ಅನುಭವಗಳು ಆಕೆಯನ್ನು ಕಾಡುತ್ತಿರುವುದು ಮತ್ತು ಇದನ್ನು ಆಕೆಗೆ ಮರೆಯಲು ಆಗುತ್ತಿಲ್ಲ. ಇದರಿಂದ ಆಕೆಗೆ ಮದುವೆಯ ಸಂಬಂಧವನ್ನು ಸರಿಯಾಗಿ ನಿಭಾಯಿಸಲು ಆಗುತ್ತಿಲ್ಲ.

ಆಕೆಗೆ ಮದುವೆ ಬೇಸರ ಮೂಡಿಸಿರಬಹುದು

ಮದುವೆಯು ಮಹಿಳೆಗೆ ಬೇಸರ ಮೂಡಿಸಿದಾಗ ಆಕೆ ಹೊರಗೆ ಹುಡುಕಲು ಆರಂಭಿಸುವಳು. ಇದರಿಂದಾಗಿ ವಿವಾಹೇತರ ಸಂಬಂಧ ಉಂಟಾಗುವುದು. ನೀವು ಮತ್ತು ನಿಮ್ಮ ಪತ್ನಿ ಸರಿಯಾಗಿ ಮಾತುಕತೆ ನಡೆಸದೆ ಮತ್ತು ಸಂಬಂಧವನ್ನು ಉತ್ತಮಪಡಿಸುವ ವಿಚಾರಗಳಲ್ಲಿ ತೊಡಗದೆ ಇದ್ದರೆ ಆಗ ಹೀಗೆ ಆಗುವುದು. ಇದನ್ನು ತಪ್ಪಿಸಲು ನೀವು ಪತ್ನಿಯ ಜತೆಗೆ ಸರಿಯಾಗಿ ಮಾತುಕತೆ ನಡೆಸಿ, ಆಕೆಯನ್ನು ಸಂತೋಷವಾಗಿಡಿ. ಇದಕ್ಕೆಲ್ಲಾ ಕಾರಣ ಸಂವಹನದ ಕೊರತೆ..

ಭಾವನಾತ್ಮಕ ಪರಿತ್ಯಾಗ

ಸಂಬಂಧಲ್ಲಿ ಭಾವನಾತ್ಮಕ ಬಾಂಧವ್ಯ ಬೇಕಾಗುವುದು ಮತ್ತು ಇದು ಭಾವನಾತ್ಮಕವಾಗಿ ನೀವು ಪತ್ನಿಯ ಜತೆಗೆ ಒಳ್ಳೆಯ ಸಂಬಂಧ ಬೆಳೆಸಿದ್ದರೆ ಆಗ ಆಕೆ ಮೋಸ ಮಾಡುವುದಿಲ್ಲ. ನೀವು ಭಾವನಾತ್ಮಕವಾಗಿ ಆಕೆ ಜತೆಗಿದ್ದರೆ ಆಗ ಬೇರೆಯವರು ಆಕೆಯ ಭಾವನೆಗಳನ್ನು ಕದಿಯಲು ಆಗಲ್ಲ.

ಹಗೆ

ಕೆಲವೊಂದು ಸಲ ಮಹಿಳೆಯು ವಿವಾಹೇತರ ಸಂಬಂಧದಲ್ಲಿ ತೊಡಗಿಕೊಳ್ಳುವುದು ಆಕೆ ಹಗೆ ಸಾಧಿಸುವ ಸಲುವಾಗಿ. ತನ್ನ ಸಂಗಾತಿಯು ಮಾಡಿರುವಂತಹ ಮೋಸ ಮತ್ತು ಅಗೌರವದಿಂದಾಗಿ ಆಕೆ ಹಗೆ ಸಾಧಿಸಬಹುದು. ತಾವು ಪುರುಷರಷ್ಟೇ ಎಂದು ತೋರಿಸಲು ಬಯಸುವರು. ಯಾವಾಗಲೂ ಒತ್ತಡದಲ್ಲಿ ಇರುವುದರಿಂದ ಹೇಗೆ ಆಗುವುದು ಎಂದು ತಮ್ಮ ಪತಿಗೆ ತೋರಿಸಲು ಹೀಗೆ ಮಾಡುವುದು ಇದೆ. ಇನ್ನು ಕೆಲವೊಮ್ಮೆ ಕೆಲವೊಂದು ಸಲ ಸಂಬಂಧಲ್ಲಿ ಪರಸ್ಪರ ವೈರತ್ವ ಇಟ್ಟುಕೊಳ್ಳುವುದು. ಹಿಂದಿನ ವಿಷಯಗಳನ್ನು ಜಗಳ ಮಾಡುವುದು ಸಾಮಾನ್ಯ. ಆದರೆ ಸಂಬಂಧದಲ್ಲಿ ಇದು ನಿಷಿದ್ಧ. ವೈರತ್ವ ಇಟ್ಟುಕೊಂಡರೆ ಆಗ ನಿಮ್ಮ ಸಂಗಾತಿ ಬಗ್ಗೆ ಅಸಹಿಷ್ಣುತೆ ಭಾವನೆ ಉಂಟಾಗುವುದು. ಇಲ್ಲಿ ಪ್ರೀತಿ ಒಳಗೊಳಗೆ ಉಸಿರುಗಟ್ಟಿ ಸಾಯುವುದು ಮತ್ತು ಕ್ರೋಧ ಹೆಚ್ಚಾಗುವುದು. ಕ್ರೀಡೆಯಲ್ಲಿ ಸೋಲಿಗೆ ಪ್ರತೀಕಾರ ಸರಿ. ಆದರೆ ಜೀವನದಲ್ಲಿ ಅಲ್ಲ. ಕ್ಷಮಿಸಿ ಹಾಗೂ ಮರೆತುಬಿಡಿ. ಇದು ಜೀವನದಲ್ಲಿ ಪಾಲಿಸಬೇಕಾದ ನಿಯಮ.

ಲೈಂಗಿಕ ಅತೃಪ್ತಿ

ಮಹಿಳೆಯು ತನಗೆ ಲೈಂಗಿಕ ಸುಖವು ಕಡಿಮೆಯಾದ ಸಮಯದಲ್ಲಿ ಹೀಗೆ ಮಾಡುವುದಿದೆ. ಸಂಬಂಧಲ್ಲಿ ಆಕೆ ಲೈಂಗಿಕಕ್ರಿಯೆಯಲ್ಲಿ ತೊಡಗಿಕೊಳ್ಳುವುದರಿಂದ ಆಕೆಗೆ ಪರಾಕಾಷ್ಠೆ ತಲುಪಲು ಸಾಧ್ಯವಾಗದೆ ಇರುವುದು. ಇದನ್ನು ಆಕೆ ಪಡೆಯಲು ಸಲುವಾಗಿ ಬೇರೆ ಸಂಬಂಧದಲ್ಲಿ ತೊಡಗುವಳು.

ಸ್ವಾಭಿಮಾನ ಕಡಿಮೆಯಾಗಿರುವುದು

ಮಹಿಳೆಯರು ವಿವಾಹೇತರ ಸಂಬಂಧದಲ್ಲಿ ತೊಡಗಿಕೊಳ್ಳಲು ಕಾರಣವೆಂದರೆ ಅವರ ಸ್ವಾಭಿಮಾನವು ಕಡಿಮೆಯಾಗಿರುವುದು ಮತ್ತು ಇದನ್ನು ಪಡೆಯಲು ಅವರು ಬೇರೆಯವರ ಜತೆಗೆ ಸಂಬಂಧ ಬೆಳೆಸುವರು. ಇಂತಹ ಸಂಬಂಧಗಳು ಪತಿ-ಪತ್ನಿ ಮಧ್ಯೆ ಜಗಳವಿದ್ದಾಗ ಸಂಭವಿಸುವುದು. ಪ್ರತೀ ಸಲವು ನೀವು ಪತ್ನಿಯನ್ನು ಕಡೆಗಣಿಸಿದಾಗ ಸ್ವಾಭಿಮಾನವು ಆಕೆಯಲ್ಲಿ ಕಡಿಮೆಯಾಗುವುದು ಮತ್ತು ತಮಗೆ ಗೌರವ ನೀಡುವಂತಹ ಪುರುಷನೊಂದಿಗೆ ಆಕೆ ಸಂಬಂಧ ಬೆಳೆಸಿಕೊಳ್ಳುವಳು. ಮಹಿಳೆಯು ವಿವಾಹೇತರ ಸಂಬಂಧದಲ್ಲಿ ತೊಡಗಿದ್ದರೆ ಈ ಮೇಲಿನ ಕಾರಣಗಳು ಇರಬಹುದು. ಪತಿಗೆ ಮೋಸ ಮಾಡಿ ಬೇರೆ ಸಂಬಂಧ ಬೆಳೆಸಲು ಇವು ಕಾರಣಗಳು. ನೀವು ತುಂಬಾ ಆಳವಾಗಿ ಇದರ ಬಗ್ಗೆ ಪರಾಮರ್ಶೆ ನಡೆಸಿದಾಗ ನಿಮಗೆ ಇದನ್ನು ತಿಳಿಯಲು ನೆರವಾಗುವುದು. ಮಹಿಳೆ ಅಥವಾ ಪುರುಷರು ಏನು ಮಾಡಿದ್ದಾರೆ ಎನ್ನುವ ಮೇಲೆ ತೀರ್ಪು ನೀಡಬೇಡಿ. ಅವರಿಗೆ ಏನು ಸಿಕ್ಕಿಲ್ಲವೆನ್ನುವ ಬಗ್ಗೆ ಆಳವಾಗಿ ಚಿಂತಿಸಿ. ನಾವು ತೀರ್ಪು ನೀಡುವ ಬದಲು ಅದರ ಹಿಂದೆ ಇರುವಂತಹ ಕಾರಣಗಳನ್ನು ಹುಡುಕಿ ಅದಕ್ಕೆ ಸರಿಯಾದ ಪರಿಹಾರ ಕೊಡಬೇಕು ಮತ್ತು ತಪ್ಪು ಯಾರಿಂದ ಆಗಿದೆ ಎಂದು ತಿಳಿಯಬೇಕು. ನಿಮಗೆ ಈ ಲೇಖನವು ಇಷ್ಟವಾಗಿದ್ದರೆ ಕಮೆಂಟ್ ಬಾಕ್ಸ್ ನಲ್ಲಿ ನಮಗೆ ಬರೆಯಿರಿ.