ಯುವ ಜನತೆಗೆ ಮಾದರಿಯಾಗಿ ನಿಲ್ಲುವ ಸಿನಿತಾರೆಯರು

ಪ್ರೇಮ ಜಾತಿಯನ್ನು ನೋಡುವುದಿಲ್ಲ

ಸೈಫ್ ಅಲಿ ಖಾನ್ ಮತ್ತು ಕರೀನಾ ಕಪೂರ್ ಇಬ್ಬರೂ ವಿಭಿನ್ನ ಧರ್ಮಕ್ಕೆ ಸೇರಿದವರಾಗಿದ್ದರೂ ಪರಸ್ಪರ ಪ್ರೇಮ ಇವರ ನಡುವೆ ಗೋಡೆಯನ್ನು ಸೃಷ್ಟಿಸಲಿಲ್ಲ. ನಿಮ್ಮ ಧರ್ಮ ಭಿನ್ನವಾಗಿದ್ದರೂ ನಿಮ್ಮ ಪ್ರೇಮ ಅಪ್ಪಟವಾಗಿದ್ದರೆ ಈ ಜೋಡಿ ನಿಮಗೆ ಪ್ರೇರಣೆ ನೀಡುತ್ತದೆ.

ಪ್ರೇಮಕ್ಕೆ ವಯಸ್ಸಿನ ಅಂತರವೂ ಮುಖ್ಯವಲ್ಲ

ರಿತೇಶ್ ದೇಶಮುಖ್ ಮತ್ತು ಜಿನೀಲಿಯಾ ಡಿಸೋಜಾರವರ ನಡುವೆ ಒಂಬತ್ತು ವರ್ಷಗಳ ಅಂತರವಿದ್ದರೂ ಇವರ ವಿವಾಹದ ನಡುವೆ ಯಾವುದೇ ಅಡ್ಡಿ ಎದುರಾಗಲಿಲ್ಲ. ಪ್ರೇಮಿಗಳ ನಡುವೆ ಅಪ್ಪಟ ಪ್ರೇಮ ಮತ್ತು ಪರಸ್ಪರ ವಿಶ್ವಾಸ, ಬದ್ದತೆಗಳಿದ್ದರೆ ಅಲ್ಲಿ ವಯಸ್ಸಿನ ಅಂತರಕ್ಕೆ ಏನೂ ಕೆಲಸವಿಲ್ಲ.

ಅಪ್ಪಟ ಪ್ರೇಮ ಎರಡನೆಯ ಅವಕಾಶವನ್ನೂ ಬಳಸಿಕೊಳ್ಳುತ್ತದೆ!

ತಮ್ಮ ಪ್ರಥಮ ಪ್ರೇಮದಿಂದ ಸಂತುಷ್ಟಿ ಹೊಂದಿರದಿದ್ದ ಆಮಿರ್ ಖಾನ್ ತಮ್ಮ ಪ್ರಥಮ ಪತ್ನಿ ರೀನಾ ದತ್ತಾರಿಂದ 2002ರಲ್ಲಿ ದೂರಸರಿದ ಬಳಿಕ 2005ರಲ್ಲಿ ಕಿರಣ್ ರಾವ್ ರೊಂದಿಗೆ ಪ್ರೇಮವಿವಾಹವಾಗಿದ್ದಾರೆ. ಮೊದಲು ಮಾಂಸಾಹಾರಿಯಾಗಿದ್ದ ಅವರು ತಮ್ಮ ಪತ್ನಿಗಾಗಿ ಈಗ ಸಸ್ಯಾಹಾರಿಯಾಗಿರುವುದು ಇವರ ಪ್ರೇಮವನ್ನು ಮನದಟ್ಟು ಮಾಡಿಸುತ್ತದೆ.

ಕೂಡು ಕುಟುಂಬ ಸ್ವರ್ಗಕ್ಕೆ ಸಮಾನ

ಇಂದು ಕೂಡು ಕುಟುಂಬಗಳು ಅಪರೂಪವಾಗುತ್ತಿವೆ. ಅದರಲ್ಲೂ ಇಬ್ಬರು ಸವತಿಯರು ಒಂದು ಸೂರಿನ ಕೆಳಗಿರುವುದು ಅನುಮಾನ. ಅಂತಹದ್ದರಲ್ಲಿ ಸಲ್ಮಾನ್ ಖಾನ್ ರವರ ತಂದೆಯವರಾದ ಸಲೀಂ ಖಾನ್ ರಿಗೆ ಇಬ್ಬರು ಪತ್ನಿಯರಿದ್ದು (ಸಲ್ಮಾ ಖಾನ್ ಮತ್ತು ಹೆಲೆನ್) ಅವರ ಎಲ್ಲಾ ಮಕ್ಕಳು (ಸಲ್ಮಾ ಖಾನ್ ರಿಂದ ನಾಲ್ವರು ಮಕ್ಕಳು -ಸಲ್ಮಾನ್ ಖಾನ್, ಸೊಹೇಲ್ ಖಾನ್, ಅರ್ಬಾಝ್ ಖಾನ್, ಅಲ್ವಿರಾ ಖಾನ್ ಅಗ್ನಿಹೋತ್ರಿ (ಅತುಲ್ ಅಗ್ನಿಹೋತ್ರಿ ಪತ್ನಿ) ಮತ್ತು ಹೆಲೆನ್ ರಿಂದ ಒಬ್ಬಳು ಮಗಳು ಅರ್ಪಿತಾ ಖಾನ್) ಇಂದಿಗೂ ಒಂದೇ ಸೂರಿನಡಿ ಕೂಡುಕುಟುಂಬದಲ್ಲಿ ಸುಖಬಾಳ್ವೆ ನಡೆಸುತ್ತಿದ್ದಾರೆ.

ಹದಿಹರೆಯದ ಪ್ರೇಮ ಜೀವಮಾನ ಪರ್ಯಂತ ಜೀವಂತ

ತಮ್ಮ ಹದಿನಾಲ್ಕನೆಯ ವಯಸ್ಸಿನಲ್ಲಿ ಶಾರುಖ್ ಖಾನ್‌ರನ್ನು ಭೇಟಿಯಾದ ಗೌರಿಯವರಿಗೆ ಅಂದು ಮೊಳೆದ ಪ್ರೇಮ ನಂತರ ಹೆಮ್ಮರವಾಗಿ ಬೆಳೆದು ಇಂದು ಇಬ್ಬರೂ ಅತ್ಯಂತ ಸುಖೀ ದಂಪತಿಗಳಾಗಿದ್ದಾರೆ.

ಪ್ರೇಮ ಸಫಲವಾಗಲು ಪ್ರೇವವಿವಾಹವೇ ಆಗಬೇಕೆಂದಿಲ್ಲ

ಶಾಹಿದ್ ಕಪೂರ್ ಮತ್ತು ಮೀರಾ ರಾಜಪೂತ್ ರವರದ್ದು ಮನೆಯವರು ನಿಗದಿಪಡಿಸಿದ ವಿವಾಹವಾಗಿದೆ. ಕರೀನಾ, ಪ್ರಿಯಾಂಕಾ ಮತ್ತು ವಿದ್ಯಾ ಬಾಲನ್ ನಡುವೆ ಗುಸುಗುಸು ಕೇಳಿಬರುತ್ತಿದ್ದರೂ ತಾನು ಬಾಲಿವುಡ್ ತಾರೆಯನ್ನು ಮದುವೆಯಾಗಲಾರೆ ಎಂದು ಶಾಹಿದ್ ಹೇಳಿದ್ದರು. ಅಂತೆಯೇ ಸತ್ಸಂಗ್ ಎಂಬ ಧಾರ್ಮಿಕ ಕಾರ್ಯಕ್ರಮದಲ್ಲಿ ಶಾಹಿದ್ ತಂದೆ ಪಂಕಜ್ ಕಪೂರ್ ಮತ್ತು ಮೀರಾ ತಂದೆಯವರ ಪರಿಚಯವಾಯಿತು. ಅಂತೆಯೇ ಅವರ ಮಕ್ಕಳೂ ಹತ್ತಿರಾಗಿ ಈ ಪರಿಚಯ ಪ್ರೇಮಕ್ಕೆ ತಿರುಗಿತು. ನಂತರ ಇಬ್ಬರ ಮನೆಯ ಹಿರಿಯರು ಹನ್ನೆರಡು ವರ್ಷ ಅಂತರವಿರುವ ಇಬ್ಬರನ್ನೂ ವಿವಾಹಬಂಧನದ ಮೂಲಕ ಒಂದುಗೂಡಿಸಿದರು.