ಪತಿಯ ನಡವಳಿಕೆಯಲ್ಲಿ ಬದಲಾವಣೆಯಾಗುತ್ತಿದೆಯೇ?

Marriage And Beyond

oi-Manohar

By Manohar Shetty

Published: Friday, July 10, 2015, 19:46 [IST]

ಮದುವೆ ಎನ್ನುವುದು ಅದೊಂದು ಅಪೂರ್ವ ಸಮಾಗಮ. ಜನ್ಮಜನ್ಮದ ಅನುಬಂಧ. ಎರಡು ಮನಸ್ಸುಗಳು ಒಂದಾಗುವಂತಹ ಸಮಯ. ಪುರಾತನ ಕಾಲದಿಂದಲೂ ಮದುವೆಗೆ ಹೆಚ್ಚಿನ ಪ್ರಾಮುಖ್ಯತೆಯನ್ನು ನೀಡಲಾಗಿದೆ. ಮದುವೆಯ ವೇಳೆ ಗಂಡು ಮತ್ತು ಹೆಣ್ಣು ಪರಸ್ಪರರನ್ನು ಒಪ್ಪಿಕೊಂಡು ಮುಂದಿನ ಜೀವನದುದಕ್ಕೂ ಜತೆಯಾಗಿ ಬಾಳುತ್ತೇವೆಂದು ಪ್ರಮಾಣ ಮಾಡಿಕೊಳ್ಳುತ್ತಾರೆ. ಆದರೆ ಇಂತಹ ಪ್ರಮಾಣ ಎಷ್ಟು ಸಮಯ ಉಳಿಯುತ್ತದೆ. ಪತ್ನಿಗೆ ಮೋಸ ಮಾಡುವ ಗಂಡಸರಿಲ್ಲವೇ?

ಇದ್ದರೆ ಅಂತವರು ವಿಶ್ವದಲ್ಲೇ ಅತೀ ದ್ವೇಷಿಸಲ್ಪಡುವಂತಹ ವ್ಯಕ್ತಿಗಳು. ಗಂಡ ತನಗೆ ವಿಧೇಯನಾಗಿರಬೇಕು ಮತ್ತು ಪ್ರಾಮಾಣಿಕವಾಗಿರಬೇಕೆಂದು ಪತ್ನಿ ಬಯಸುತ್ತಾಳೆ. ಆದರೆ ದುರಾದೃಷ್ಟದಿಂದ ಕೆಲವು ಪುರುಷರು ಒಳ್ಳೆಯವರಾಗಿರುವುದಿಲ್ಲ. ನಿಮ್ಮ ಪತಿಗೆ ಯಾವುದೇ ಸಂಶಯ ಬರದಂತೆ ಆತನ ವೈಯಕ್ತಿಕ ಜೀವನದ ಬಗ್ಗೆ ನೀವು ತಿಳಿದುಕೊಳ್ಳುವಷ್ಟು ಜಾಣರಾಗಬೇಕಾಗುತ್ತದೆ.

ಪತ್ನಿಗೆ ಮೋಸ ಮಾಡುವ ಪತಿಯ ಕೆಲವೊಂದು ಲಕ್ಷಣಗಳನ್ನು ಗುರುತಿಸುವುದರಿಂದ ನೀವು ಪತಿ ಮೇಲೆ ಒಂದು ಕಣ್ಣಿಡಬಹುದು. ಇದರಿಂದ ನೀವು ಪರಿಸ್ಥಿತಿ ಕೈಮೀರಿ ಹೋಗುವ ಮೊದಲು ಆರಂಭದಲ್ಲಿಯೇ ಅದರ ಬಗ್ಗೆ ಅಗತ್ಯ ಕ್ರಮವನ್ನು ತೆಗೆದುಕೊಳ್ಳಬಹುದು. ಪತಿಯನ್ನು ಮರಳಿ ಹಳಿಗೆ ತರಬೇಕೆಂದರೆ ನಿಮ್ಮ ಪ್ರೀತಿಯನ್ನು ತೋರಿಸುವ ರೀತಿಯಲ್ಲಿ ಸ್ವಲ್ಪ ಹೆಚ್ಚುವರಿ ಶ್ರಮ ಅಗತ್ಯವಾಗಿ ಬೇಕಾಗುತ್ತದೆ.

ಇದನ್ನು ಹೊರತುಪಡಿಸಿ ನಿಮ್ಮಿಬ್ಬರ ಸಂಬಂಧದಲ್ಲಿ ಏನು ತಪ್ಪಾಗಿದೆ ಎನ್ನುವುದನ್ನು ತಿಳಿದುಕೊಳ್ಳಬೇಕು. ಶರ್ಟ್ ಮೇಲೆ ಲಿಪ್ ಸ್ಟಿಕ್ ಮತ್ತು ಮಹಿಳೆಯರ ಪರ್ಫ್ಯುಮ್‌ನ ಸುವಾಸನೆ ಬರುವುದೆಲ್ಲವೂ ಸಿನಿಮಾಗಳಲ್ಲಿ. ಆದರೆ ನಿಜಜೀವನದಲ್ಲಿ ಹಾಗೆ ಆಗುವುದಿಲ್ಲ ಎಂಬುದನ್ನು ಅರ್ಥ ಮಾಡಿಕೊಳ್ಳುವುದು ಒಳ್ಳೆಯದು. ಸೋಮಾರಿ ಗಂಡನೊಂದಿಗೆ ಸಂಸಾರ ನಡೆಸುವುದು ಹೇಗಪ್ಪಾ?

ನಿಮ್ಮ ಗಂಡನಲ್ಲಿ ಅಚಾನಕ್ ಆಗಿ ವರ್ತನೆಯಲ್ಲಿ ಉಂಟಾಗುವಂತಹ ಕೆಲವೊಂದು ಬದಲಾವಣೆಗಳು ಸ್ಪಷ್ಟವಾಗಿ ನಿಮ್ಮ ಗಂಡ ನಿಮಗೆ ಮೋಸ ಮಾಡುತ್ತಿದ್ದಾರೆಂದು ಹೇಳಬಹುದು. ಕೆಲವೊಂದು ಸಲ ದೊಡ್ಡ ಸಾಕ್ಷ್ಯಕ್ಕಿಂತ ಸಣ್ಣ ಸುಳಿವುಗಳೇ ಸಾಕಾಗುತ್ತದೆ. ಗಂಡನನ್ನು ಯಾಕೆ ಸಂಶಯಿಸಬೇಕೆಂದು ನೀವು ಪ್ರಶ್ನಿಸುತ್ತಿದ್ದರೆ ಈ ಕೆಳಗಿನ ಅಂಶಗಳನ್ನು ತಿಳಿದುಕೊಳ್ಳಿ.

ಎಲ್ಲದರಲ್ಲೂ ಗುಟ್ಟು
ಕೆಲವೊಂದು ವಿಚಾರಗಳನ್ನು ನಿಮ್ಮ ಗಂಡ ಗುಟ್ಟಾಗಿಡಲು ಪ್ರಯತ್ನಿಸುತ್ತಿದ್ದಾನೆಯಾ? ಯಾವುದೇ ವಿಷಯವನ್ನು ಗುಟ್ಟಾಗಿಡಬೇಕೆಂದು ನಿಮ್ಮ ಗಂಡ ಪ್ರಯತ್ನಿಸುತ್ತಿದ್ದಾನೆಂದು ನಿಮಗನಿಸಿದರೆ ಆಗ ಆತನನ್ನು ಸಂಶಯಿಸಲು ಇದು ಒಳ್ಳೆಯ ಕಾರಣ. ಗಂಡನ ಮೊಬೈಲ್ ನ ಮೆಸೇಜ್ ಬಾಕ್ಸ್ ನಲ್ಲಿನ ಇನ್ ಬಾಕ್ಸ್/ಔಟ್ ಬಾಕ್ಸ್ ಮತ್ತು ಕರೆ ಮಾಡಿದ ವಿವರಗಳು ಇಲ್ಲವೆಂದಾದರೆ ಆಗ ಸಂಶಯಿಸಬಹುದು. ನಿಮ್ಮಿಂದ ಏನಾದರೂ ಮುಚ್ಚಿಡಲು ಪ್ರಯತ್ನಿಸುತ್ತಿದ್ದರೆ ಆಗ ಮಾತ್ರ ನಿಮ್ಮ ಗಂಡ ಏನನ್ನೋ ಮುಚ್ಚಿಡಲು ಪ್ರಯತ್ನಿಸುತ್ತಿದ್ದಾನೆಂದರ್ಥ.

ಲೈಂಗಿಕ ಆಸಕ್ತಿ ಕಡಿಮೆಯಾಗುವುದು

ನಿಮ್ಮ ಮೇಲೆ ಗಂಡನಿಗೆ ಆಸಕ್ತಿ ಕಡಿಮೆಯಾಗಿದೆ ಎಂದಾದರೆ ಆಗ ಅದು ನಿಮ್ಮ ಲೈಂಗಿಕ ಜೀವನದ ಮೇಲೆ ನೇರ ಪರಿಣಾಮ ಬೀರುತ್ತದೆ. ಗಂಡನನ್ನು ಎಚ್ಚರಿಕೆಯಿಂದ ಗಮನಿಸಿ ಮತ್ತು ಬದಲಾವಣೆಗಳು ಸುಲಭವಾಗಿ ಕಂಡುಬರುತ್ತದೆ. ನಿಮ್ಮಲ್ಲಿ ಆಸಕ್ತಿ ಕಳೆದುಕೊಳ್ಳುವುದು ಗಂಡನನ್ನು ಸಂಶಯಿಸಬೇಕಾಗದ ಅಗ್ರ ಐದು ಕಾರಣಗಳಲ್ಲಿ ಅತೀ ಮುಖ್ಯವಾಗಿರುವುದು.

ಅತಿಯಾದ ಪ್ರೀತಿ ತೋರಿಸುವುದು

ಇದುವರೆಗೆ ನಿಮ್ಮಿಬ್ಬರ ಜೀವನದ ರಸ ನಿಮಿಷಗಳಲ್ಲಿ ತೋರಿಸದೇ ಇರದಂತಹ ಪ್ರೀತಿಯನ್ನು ಗಂಡ ತೋರಿಸುತ್ತಿದ್ದರೆ ಆಗ ಖಂಡಿತವಾಗಿಯೂ ನೀವು ಆತನನ್ನು ಸಂಶಯಿಸಬೇಕು. ತಪ್ಪಿತಸ್ಥ ಭಾವನೆ ಮತ್ತು ಅವಮಾನದಿಂದಾಗಿ ಹೆಚ್ಚಿನ ಗಂಡಸರು ಹೀಗೆ ಮಾಡುತ್ತಾರೆ. ಹೀಗೆಲ್ಲ ಮಾಡಿ ನಿಮ್ಮ ಗಮನವನ್ನು ಆತನ ವೈಯಕ್ತಿಕ ಬದುಕಿನಿಂದ ದೂರ ಸೆಳೆಯಬಹುದು ಎನ್ನುವುದು ಅವರ ಭಾವನೆ. ಗಂಡನ ಲೇಟ್ ನೈಟ್ ಡ್ಯೂಟಿಯ ವಿಚಾರದಲ್ಲಿ ಎಚ್ಚರ ತಪ್ಪದಿರಿ

ಫೋನಿನ ಉಪಯೋಗದಲ್ಲಿ ಬದಲಾವಣೆ

ತನ್ನ ಫೋನನ್ನು ಉಪಯೋಗಿಸುವ ರೀತಿಯಲ್ಲಿ ಆತ ಯಾವುದೇ ರೀತಿಯ ಬದಲಾವಣೆಗಳನ್ನು ಮಾಡಿಕೊಂಡಿದ್ದರೆ ಆಗ ನೀವು ಗಂಡನ ಮೇಲೆ ಹದ್ದಿನ ಕಣ್ಣಿಡಬೇಕು. ಆತ ಈ ಸಮಯದಲ್ಲಿ ಫೋನಿನಲ್ಲಿ ಮಾತನಾಡುತ್ತಿರಬಹುದು. ಆಗಾಗ ಫೋನ್ ಗಮನಿಸುತ್ತಾ ಇರುವುದು, ಮೆಸೇಜ್ ಮಾಡುವುದರಲ್ಲೇ ಸಮಯ ಕಳೆಯುವುದು, ಹೊಸ ಪಾಸ್ ವರ್ಡ್ ಮತ್ತು ಲಾಕ್‌ಗಳನ್ನು ಅಳವಡಿಸುವುದು ಇಂತಹ ವಿಷಯಗಳನ್ನು ನೀವು ಗಮನಿಸಬೇಕು. ಈ ಅಂಶಗಳನ್ನು ತಿಳಿದುಕೊಂಡು ನಿಮ್ಮ ಗಂಡನ ಮೇಲೆ ಗಮನವಿಡಿ. ಇದು ಹೆಚ್ಚು ಕಠಿಣವಲ್ಲ. ಯಾಕೆಂದರೆ ಮಹಿಳೆಯರಂತೆ ಗುಟ್ಟನ್ನು ಅಡಗಿಸಿಡಲು ಗಂಡಸರಿಗೆ ಬರಲ್ಲ!