ನಡುವಯಸ್ಸಿನ ಸಮಸ್ಯೆಗಳನ್ನು ನೀವು ಅನುಭವಿಸುತ್ತಿದ್ದೀರಾ?

ಮನುಷ್ಯ ಒಂದೊಂದು ಹಂತದಲ್ಲಿ ಒಂದೊಂದು ರೀತಿ ವರ್ತಿಸುತ್ತಾನೆ. ಈ ವಯಸ್ಸಿನಲ್ಲಿ ಪುರುಷರು ಹಾಗೂ ಮಹಿಳೆಯರು ಕೆಲವೊಂದು ಮಹತ್ವದ ಬದಲಾವಣೆಗೆ ಒಳಗಾಗುತ್ತಾರೆ. ಇದನ್ನೇ ಮಧ್ಯವಯಸ್ಸಿನ ಬಿಕ್ಕಟ್ಟು ಎನ್ನಲಾಗುತ್ತದೆ.

ಇದು ಮಹಿಳೆಯರಿಗೆ ಹಾಗೂ ಪುರುಷರಿಗೆ ಭಾವನಾತ್ಮಕವಾಗಿ ಅಸಹನೀಯ ಸಮಯ. ಕೆಲವರು ತಮ್ಮ ಭಾವನೆಗಳ ಅಗತ್ಯತೆಗೆ ತಕ್ಕಂತೆ ಜೀವನಶೈಲಿ ಬದಲಾಯಿಸಿಕೊಂಡು ಹೊಂದಿಕೊಳ್ಳುತ್ತಾರೆ. ಮತ್ತೆ ಕೆಲವರಿಗೆ ಇದು ಅತೀ ದೊಡ್ಡ ಸಮಸ್ಯೆಯಾಗಿ ಕಾಡುತ್ತದೆ.

ಪತಿ ಅಥವಾ ಪತ್ನಿ ನಡುವಯಸ್ಸಿನ ಬಿಕ್ಕಟ್ಟು ಎದುರಿಸುತ್ತಿದ್ದರೆ ಅದು ಜೀವನದ ಅತ್ಯಂತ ನೋವಿನ ಸಮಯ. ನಿಮ್ಮ ಬಗ್ಗೆ ಆಕೆ/ಆತ ತೋರಿಸುತ್ತಿರುವ ನಡವಳಿಕೆ ನಿಮ್ಮನ್ನು ಆಘಾತಕ್ಕೀಡು ಮಾಡಬಹುದು. ಮಹಿಳೆಯರಲ್ಲಿ ಈ ವಯಸ್ಸಿನಲ್ಲಿ ಮುಟ್ಟು ನಿಲ್ಲುವ ಕಾರಣ ಕಠಿಣ ಸಮಸ್ಯೆ ಎದುರಿಸುತ್ತಾರೆ. ಪುರುಷರು ಈ ಸಮಯದಲ್ಲಿ ಖಿನ್ನತೆಗೆ ಒಳಗಾಗುತ್ತಾರೆ. ಅಲ್ಲದೆ ಇಂತಹ ಸಮಯದಲ್ಲಿ ಪರಿಸ್ಥಿತಿ ತುಂಬಾ ಕಠಿಣವಾಗಿರುತ್ತದೆ. ಮಧ್ಯವಯಸ್ಸಿನಲ್ಲಿ ಮಹಿಳೆಯರು ಮಾಡುವ 11 ತಪ್ಪುಗಳು

ನಿಮ್ಮ ಪತಿ/ಪತ್ನಿಯಲ್ಲಿ ಕಾಣಿಸಿಕೊಳ್ಳುವ ನಡುವಯಸ್ಸಿನ ಬಿಕ್ಕಟ್ಟಿನ ಲಕ್ಷಣಗಳು ಯಾವುದು? ಇದರ ಬಗ್ಗೆ ತಿಳಿದುಕೊಂಡು ನಿಮ್ಮ ಜೀವನದಲ್ಲಿ ಅಗತ್ಯ ಬದಲಾಣೆಗಳನ್ನು ಮಾಡಿಕೊಳ್ಳಲು ತಯಾರಾಗಿ ಮತ್ತು ಇದರಿಂದ ಹೊರಬನ್ನಿ.

ಖಿನ್ನತೆಯ ಭಾವನೆ
ನಡುವಯಸ್ಸಿನ ಬಿಕ್ಕಟ್ಟನ್ನು ಎದುರಿಸುತ್ತಿರುವ ಜನರಲ್ಲಿ ಖಿನ್ನತೆಯ ಭಾವನೆ ಕಾಡುತ್ತದೆ. ಖಿನ್ನತೆಯಿಂದ ಅವರ ಮನಸ್ಥಿತಿ ಬದಲಾಗುತ್ತದೆ ಮತ್ತು ಇದರಿಂದ ಪ್ರತಿಯೊಂದರಲ್ಲಿ ಅಶಿಸ್ತು ಕಾಣಿಸುತ್ತದೆ. ಈ ಸಮಯದಲ್ಲಿ ನಿಮ್ಮ ಸಂಬಂಧದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಬೇಸರ, ಶಕ್ತಿಯ ಕೊರತೆ, ತೂಕ ಹೆಚ್ಚುವುದು/ಕಡಿಮೆಯಾಗುವುದು ಮತ್ತು ನಿದ್ರಾಹೀನತೆ ಖಿನ್ನತೆಯ ಕೆಲವೊಂದು ಲಕ್ಷಣಗಳು.

ಹಠಾತ್ ನಿರ್ಧಾರ ತೆಗೆದುಕೊಳ್ಳುವುದು
ನಡುವಯಸ್ಸಿನ ಬಿಕ್ಕಟ್ಟನ್ನು ಎದುರಿಸುತ್ತಿರುವ ಜನರು ಹಠಾತ್ ಆಗಿ ನಿರ್ಧಾರ ತೆಗೆದುಕೊಳ್ಳಬಹುದು. ಅವರು ಜೀವನದ ಅಮೂಲ್ಯ ವಿಷಯಗಳ ಬಗ್ಗೆ ಹಠಾತ್ ನಿರ್ಧಾರ ತೆಗೆದುಕೊಂಡು ಬಳಿಕ ಪರಿತಪಿಸಬಹುದು. ಅವರು ಕೆಲಸಕ್ಕೆ ರಾಜೀನಾಮೆ ನೀಡುವುದು, ಡೈವೋರ್ಸ್ ನೀಡುವುದು ಮತ್ತು ಮನೆ ಮಾರುವುದು ಇತ್ಯಾದಿ ಹಠಾತ್ ನಿರ್ಧಾರ ತೆಗೆದುಕೊಳ್ಳಬಹುದು.

ಶೈಲಿ ಬದಲಾಯಿಸುವುದು
ನಡುವಯಸ್ಸಿನ ಬಿಕ್ಕಟ್ಟಿಗೆ ಸಿಲುಕುವ ವ್ಯಕ್ತಿಯಲ್ಲಿ ಕಂಡುಬರುವ ಮತ್ತೊಂದು ಲಕ್ಷಣವೆಂದರೆ ಅದು ಶೈಲಿ ಬದಲಾಯಿಸುವುದು. ಫ್ಯಾಷನ್ ನಿಂದ ಯಾವಾಗಲೂ ವಿಮುಖವಾಗಿರುವ ಮತ್ತು ವರ್ಷಕ್ಕೊಮ್ಮೆ ಶಾಪಿಂಗ್ ಮಾಡುತ್ತಿರುವ ವ್ಯಕ್ತಿ ಹಠಾತ್ ಆಗಿ ಫ್ಯಾಷನ್ ಫ್ರೀಕ್ ಆಗುವುದು. ಆತ/ಆಕೆ ಕನ್ನಡಿ ಎದುರು ಗಂಟೆಗಟ್ಟಲೆ ಕಳೆಯಬಹುದು. ನಿಮ್ಮ ಸಂಗಾತಿಯಲ್ಲಿ ಈ ಲಕ್ಷಣ ಕಾಣಿಸುತ್ತಿದೆಯಾ? ಹಾಗಿದ್ದರೆ ಆಕೆ/ಆತ ನಡುವಯಸ್ಸಿನ ಬಿಕ್ಕಟ್ಟಿನಲ್ಲಿ ಸಿಲುಕಿದ್ದಾರೆಂದು ಅರ್ಥ ಮಾಡಿಕೊಳ್ಳಿ.

ನನಗೆ ಆಸಕ್ತಿಯಿಲ್ಲ!
ನಡುವಯಸ್ಸಿನ ಬಿಕ್ಕಟ್ಟಿನಲ್ಲಿ ಇದು ಅತ್ಯಂತ ಸಾಮಾನ್ಯ ಗುಣಲಕ್ಷಣ. ನಿರಾಸಕ್ತಿಯ ಭಾವನೆ ನಿಮ್ಮನ್ನು ಆವರಿಸುತ್ತದೆ ಮತ್ತು ಇದರಿಂದ ಖಿನ್ನತೆ ಉಂಟಾಗುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ ಕೆಲವರು ಕೆಲಸ ಬಿಡುತ್ತಾರೆ ಮತ್ತು ಹಿಂದಿನಂತೆ ಶಾಲೆಗೆ ಹೋಗಲು ಪ್ರಯತ್ನಿಸುತ್ತಾರೆ. ಅವರು ತಮ್ಮದೇ ನಂಬಿಕೆ ಮತ್ತು ನಿರ್ಧಾರಗಳನ್ನು ಪ್ರಶ್ನಿಸುತ್ತಾರೆ. ಇಂತಹ ಬದಲಾವಣೆ ನಿಮ್ಮ ಸಂಗಾತಿಯಲ್ಲಿ ಕಂಡುಬಂದರೆ ಆಗ ಆಕೆ/ಆತ ನಡುವಯಸ್ಸಿನ ಬಿಕ್ಕಟ್ಟಿಗೆ ಸಿಲುಕಿದ್ದಾರೆಂದು ಅರ್ಥಮಾಡಿಕೊಳ್ಳಿ.