ಪುರುಷರ ಸ್ನೇಹ ಆತ್ಮೀಯತೆಗೆ ನಾಂದಿ ಹೇಗೆ?

ನಿಮ್ಮ ಹೃದಯವನ್ನು ತೆರೆಯುವುದು:

ನಿಮ್ಮ ಪುರುಷ ಸ್ನೇಹಿತನ ಎದುರಿಗೆ ನಿಮ್ಮ ಮನದಾಳದ ಎಲ್ಲಾ ದುಃಖವನ್ನೂ ಬಿಚ್ಚಿಡುತ್ತೀರಿ. ಮಹಿಳಾ ಸ್ನೇಹಿತೆಯರ ಎದುರು ಹೇಳಿಕೊಳ್ಳದ್ದನ್ನೂ ಅವರಲ್ಲಿ ವ್ಯಕ್ತಪಡಿಸುತ್ತೀರಿ. ಇದರಿಂದ ನಿಮಗೆ ಸಿಗುವ ಸಾಂತ್ವಾನ ಮನದಾಳದ್ದಾಗಿರುತ್ತದೆ.

ಆ ಕ್ಷಣವನ್ನು ಅನುಭವಿಸುವುದು:

ಪುರುಷ ಸ್ನೇಹಿತರು ತಾವು ಇರುವಂತಹ ಕ್ಷಣವನ್ನು ಅನುಭವಿಸುವಲ್ಲಿ ನಿಷ್ಣಾತರು. ಯಾರು ಇರಲಿ ಇಲ್ಲದೇ ಇರಲಿ ಹೆಚ್ಚು ಚಿಂತಿಸದೇ ತಮ್ಮ ಕ್ಷಣವನ್ನು ಸುಂದರಗೊಳಿಸುತ್ತಾರೆ. ಸಂತೋಷದಿಂದ ಕಳೆಯುತ್ತಾರೆ.

ನಿಮಗೆ ಬೆಲೆ ನೀಡುವುದು:

ಪುರುಷ ಸ್ನೇಹಿತರಿಗೆ ನಿಮ್ಮ ಕುಟುಂಬದ ಬಗ್ಗೆ ಅಥವಾ ನಿಮ್ಮ ವೈಯಕ್ತಿಕವಾದುದರ ಬಗ್ಗೆ ಪೂರ್ಣವಾದ ಮಾಹಿತಿ ಬೇಕೆಂದೇನಿಲ್ಲ. ಆದರೂ ನೀವು ಅವರೊಂದಿಗೆ ಹೇಗೆ ಇರುತ್ತೀರಿ ಎಂಬುದಕ್ಕೆ ಮಾತ್ರವೇ ಅವರು ಬೆಲೆ ನೀಡುತ್ತಾರೆ.

ನಿಮ್ಮೊಂದಿಗೆ ಸದಾ ಇರುವುದು:

ಅವರಿಗೆ ಕೆಡುಕು, ದ್ವೇಷ ಇರುವುದಿಲ್ಲ. ನಿಮ್ಮೊಂದಿಗಿದ್ದು ನಿಮ್ಮೆಲ್ಲಾ ನಿರ್ಧಾರಗಳಿಗೆ ಬೆಂಬಲವನ್ನು ನೀಡುತ್ತಾರೆ. ನಿಮ್ಮ ಹಿತವನ್ನೇ ಬಯಸುತ್ತಾರೆ.

ನಾಟಕೀಯತೆ ಇರುವುದಿಲ್ಲ:

ಮಹಿಳಾ ಸ್ನೇಹಿತೆರಂತೆ ಪುರುಷರು ಸ್ನೇಹದಲ್ಲಿ ಪ್ರೀತಿಯ ನಾಟಕೀಯತೆಯನ್ನು ತೋರಿಸುವುದಿಲ್ಲ. ಅವರ ಸ್ನೇಹ ನಿಷ್ಕಲ್ಮಶವಾಗಿರುತ್ತದೆ. ಮಾದರಿಯಾಗಿರುತ್ತದೆ. ಸಂತೋಷದಿಂದ ಕೂಡಿರುತ್ತದೆ.

ಸ್ನೇಹದಲ್ಲಿ ಅರಿತುಕೊಳ್ಳುವಿಕೆ:

ಒಬ್ಬರನ್ನೊಬ್ಬರು ಅರಿತುಕೊಳ್ಳುವುದನ್ನು ಪುರುಷ ಸ್ನೇಹಿತರು ಚೆನ್ನಾಗಿ ನಿರ್ವಹಿಸುತ್ತಾರೆ. ತಮ್ಮೆಲ್ಲಾ ದುಃಖಗಳನ್ನು ಪರಸ್ಪರ ಹಂಚಿಕೊಂಡು ಅಲ್ಲಿಗೆ ಮುಗಿಸುತ್ತಾರೆ ಮತ್ತು ಅದರ ಬಗ್ಗೆ ಹೆಚ್ಚು ಚಿಂತಿಸದೇ ಬೇರೆಯದಕ್ಕೆ ಗಮನ ಕೊಡುತ್ತಾರೆ.

ಕಡಿಮೆ ಮಾತು ಹೆಚ್ಚು ಕ್ರಿಯೆ:

ಪುರುಷ ಸ್ನೇಹಿತರು ಬಾಯಲ್ಲಿ ಹೇಳುವುದಕ್ಕಿಂತ ಕ್ರಿಯೆಯಲ್ಲಿ ಮಾಡುವುದು ಹೆಚ್ಚು. ತಮ್ಮ ನೆಲೆಗಟ್ಟಿಗೆ ಸಮನಾಗಿ ಅವರು ಚಿಂತನೆ ಮಾಡಿ ಕಾರ್ಯಪ್ರವೃತ್ತರಾಗುತ್ತಾರೆ. ಇದಕ್ಕಾಗಿಯೇ ಅವರು ಮಹಿಳಾ ಸ್ನೇಹಿತರಿಗಿಂತ ಬೆರೆಯಾಗಿಯೇ ನಿಲ್ಲುತ್ತಾರೆ.