ಅವಿಭಕ್ತ ಕುಟುಂಬದ ಕೆಲವೊಂದು ಕೆಟ್ಟ ಪರಿಣಾಮಗಳು

Marriage And Beyond

oi-Staff

By Hemanth P

Published: Friday, December 27, 2013, 16:21 [IST]

ಮಾನವನ ಜೀವನದಲ್ಲಿ ಕುಟುಂಬವೆನ್ನುವುದು ಅತೀ ಮುಖ್ಯ ಅಂಶ. ತನ್ನನ್ನು ನೋವಿನ ನಡುವೆಯೂ ಭೂಮಿಗೆ ತಂದ ತಾಯಿ, ಸೋದರ ಸೋದರಿಯರು ಹೀಗೆ ಸಂಬಂಧಗಳಿಂದ ಕೂಡಿರುವಂತಹ ಕುಟುಂಬವು ಪ್ರತಿಯೊಬ್ಬರ ಜೀವನದಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುತ್ತದೆ. ಜೀವನದಲ್ಲಿ ಏನೇ ಕಷ್ಟಸುಖಗಳು ಬಂದರೂ ನಮ್ಮ ಕುಟುಂಬವು ನಮ್ಮೊಂದಿಗಿರುತ್ತದೆ. ಪ್ರತಿಯೊಬ್ಬರ ಜೀವನದಲ್ಲಿ ಕುಟುಂಬದವರು ಮೊದಲ ಆಸರೆಯಾಗಿರುತ್ತಾರೆ. ಇಂದಿನ ದಿನಗಳಲ್ಲಿ ಕುಟುಂಬದ ಮಾದರಿಯು ತುಂಬಾ ಬದಲಾಗಿದೆ. ಹಿಂದೆ ತುಂಬಾ ಜನರಿಂದ ಕೂಡಿದ ಅವಿಭಕ್ತ ಕುಟುಂಬವಿತ್ತು. ಎಲ್ಲರೂ ಒಂದೇ ಮನೆಯಲ್ಲಿ ವಾಸಿಸುತ್ತಿದ್ದರು. ಆದರೆ ಇಂದಿನ ದಿನಗಳಲ್ಲಿ ಎಲ್ಲವೂ ಬದಲಾಗಿದೆ.

ಇಂದಿನ ದಿನಗಳಲ್ಲಿ ಹೆಚ್ಚಾಗಿ ವಿಭಕ್ತ ಕುಟುಂಬಗಳಿವೆ.ಕುಟುಂಬಗಳ ಮಾದರಿಯಲ್ಲಿ ಅಷ್ಟೊಂದು ಬದಲಾವಣೆಗಳಾಗಲು ಕಾರಣಗಳೇನು ಎಂದು ನಾವು ವಿಶ್ಲೇಷಿಸಲು ಸಮಯ ಬಂದಿದೆ. ಅವಿಭಕ್ತ ಕುಟುಂಬಗಳು ಇಂದು ದೊಡ್ಡ ಹೊರೆ ಮತ್ತು ಹಲವರಿಗೆ ಸಮಸ್ಯೆಯಾಗುತ್ತಿದೆ. ಕುಟುಂಬದಲ್ಲಿ ಬದಲಾವಣೆಗಳಾಗುತ್ತಿರುವುದು ಯಾಕೆಂದು ನಾವು ಗಮನಹರಿಸಬೇಕಾಗಿದೆ. ಅವಿಭಕ್ತ ಕುಟುಂಬದಲ್ಲಿ ವಾಸಿಸಿದರೆ ಹಲವಾರು ರೀತಿಯ ಲಾಭಗಳಿವೆ. ಇನ್ನೊಂದು ಕಡೆಯಲ್ಲಿ ಕೆಲವೊಂದು ಅನಾನುಕೂಲಗಳು ಕೂಡ. ನೀವು ಅವಿಭಕ್ತ ಕುಟುಂಬದ ಕೆಟ್ಟ ಪರಿಣಾಮವನ್ನು ಎದುರಿಸಿದ್ದರೆ ಆಗ ನಿಮಗೆ ಇದರ ಬಗ್ಗೆ ಚೆನ್ನಾಗಿ ತಿಳಿದಿರುತ್ತದೆ. ಅವಿಭಕ್ತ ಕುಟುಂಬದಲ್ಲಿ ವಾಸಿಸುವ ಕೆಲವೊಂದು ಅನಾನುಕೂಲಗಳು ಮತ್ತು ವಿಭಕ್ತ ಕುಟುಂಬ ಯಾವಾಗಲೂ ಒಳ್ಳೆಯದು ಎನ್ನುವುದಕ್ಕೆ ಇಲ್ಲಿ ಕೆಲವೊಂದು ಕಾರಣಗಳನ್ನು ನೀಡಲಾಗಿದೆ.

1. ಸಾಂಪ್ರದಾಯವಾದಿ ಮುಖ್ಯಸ್ಥ
ಕೂಡು ಕುಟುಂಬಕ್ಕೆ ಬಂದರೆ ಅಲ್ಲಿ ಹಿರಿಯ ವ್ಯಕ್ತಿಯೊಬ್ಬರು ಮನೆಯ ಮುಖ್ಯಸ್ಥರಾಗಿರುತ್ತಾರೆ ಮತ್ತು ಅವರು ಶಿಸ್ತುಬದ್ಧವಾಗಿ ಕುಟುಂಬವನ್ನು ನಿಯಂತ್ರಿಸುತ್ತಿರುತ್ತಾರೆ. ಇಂತಹ ಕುಟುಂಬಗಳಲ್ಲಿ ಸಾಂಪ್ರದಾಯಬದ್ಧ ವರ್ತನೆ ಪ್ರಚಲಿತದಲ್ಲಿರುತ್ತದೆ. ಇದು ಪ್ರತಿಯೊಬ್ಬರಲ್ಲೂ ನಕಾರಾತ್ಮಕತೆ ಉಂಟು ಮಾಡುತ್ತದೆ. ಕೂಡು ಕುಟುಂಬದ ಪ್ರಮುಖ ಕೆಟ್ಟ ಪರಿಣಾಮವೆಂದರೆ ಈ ಒಂದು ಅಂಶ. ಇಲ್ಲಿ ಯಾವಾಗಲೂ ಮನೆಯ ಮುಖ್ಯಸ್ಥನ ಮಾತನ್ನು ಕೇಳಬೇಕು ಮತ್ತು ಅದಕ್ಕೆ ಹೊಂದಿಕೊಳ್ಳಬೇಕು. ಅವಿಭಕ್ತ ಕುಟುಂಬದಲ್ಲಿ ವಾಸಿಸುವವರಿಗೆ ಈ ಸಲಹೆಯನ್ನು ನೀಡಲಾಗುತ್ತದೆ.

2. ಗಂಭೀರ ಅವನತಿ
ಅವಿಭಕ್ತ ಕುಟುಂಬದ ಮತ್ತೊಂದು ಕೆಟ್ಟ ಪರಿಣಾಮವೆಂದರೆ ಅದು ಪ್ರೇರಣೆಯ ಕೊರತೆ. ಯಾವುದೇ ಕೆಲಸ ಮಾಡಲು ಕುಟುಂಬದ ಸದಸ್ಯರು ಮೊದಲ ಹೆಜ್ಜೆಯನ್ನಿಡಲು ಹಿಂಜರಿಯುತ್ತಾರೆ. ಹೀಗೆ ಮಾಡಿದಲ್ಲಿ ಅದನ್ನು ಇತರರೊಂದಿಗೆ ಹಂಚಿಕೊಳ್ಳಬೇಕೆಂಬ ಭಯ ಕಾಡುತ್ತದೆ. ಇಂತಹ ಕೆಟ್ಟ ಪರಿಣಾಮಗಳಿಂದಾಗಿ ಜನರು ಸಾಮಾನ್ಯವಾಗಿ ಅವಿಭಕ್ತ ಕುಟುಂಬದಲ್ಲಿ ವಾಸಿಸಲು ಬಯಸುವುದಿಲ್ಲ. ಅವಿಭಕ್ತ ಕುಟುಂಬದಲ್ಲಿ ನೀವು ಶಾಂತಿ ಬಯಸುವುದಾದರೆ ಆಗ ನೀವು ಕೆಲವೊಂದು ಸಂಬಂಧಿ ಸಲಹೆಗಳನ್ನು ಪಾಲಿಸಬೇಕು.

3. ಮಹಿಳೆಯರು ಅಡುಗೆ ಮನೆಗೆ ಮೀಸಲು
ಅವಿಭಕ್ತ ಕುಟುಂಬದ ಅತೀ ದೊಡ್ಡ ಕೆಟ್ಟ ಪರಿಣಾಮವೆಂದರೆ ಮಹಿಳೆಯನ್ನು ಕೇವಲ ಅಡುಗೆ ಕೋಣೆಗೆ ಮೀಸಲಿಡುವುದು. ಅವರನ್ನು ಕೇವಲ ಅಡುಗೆ ಮಾಡಲು ಮಾತ್ರವೆಂದು ಪರಿಗಣಿಸಿ ಅವರ ಪ್ರತಿಭೆಯನ್ನು ವ್ಯರ್ಥ ಮಾಡುವುದು. ಅವಿಭಕ್ತ ಕುಟುಂಬದ ಈ ಕೆಟ್ಟ ಪರಿಣಾಮದಿಂದಾಗಿ ಮಹಿಳೆಯರು ಹೆಚ್ಚಾಗಿ ಬೇರೆ ವಾಸಿಸಲು ಬಯಸುತ್ತಾರೆ. ಕೂಡು ಕುಟುಂಬದಲ್ಲಿರುವ ಜನರೊಂದಿಗೆ ಬೆರೆಯಲು ಮಹಿಳೆಯರಿಗೆ ಕಷ್ಟವಾಗುತ್ತದೆ. ಸಂಬಂಧಿ ಸಲಹೆ ಕೆಲವೊಮ್ಮೆ ಕೆಲಸ ಮಾಡದಿರಬಹುದು. ಇದರ ಬಗ್ಗೆ ಎಚ್ಚರವಿರಲಿ.

4. ಖಾಸಗಿತನವಿಲ್ಲ
ಕೂಡು ಕುಟುಂಬದ ಕೆಟ್ಟ ಪರಿಣಾಮವೆಂದರೆ ಅಲ್ಲಿ ನಿಮಗೆ ಖಾಸಗಿತನವೆನ್ನುವುದು ಇರುವುದಿಲ್ಲ. ನಿಮಗೆ ನಿಮ್ಮ ಪತ್ನಿ ಅಥವಾ ಮಕ್ಕಳೊಂದಿಗೆ ಸಮಯ ಕಳೆಯಲು ಹೆಚ್ಚು ಅವಕಾಶ ಸಿಗದಿರಬಹುದು. ನೀವು ಕುಟುಂಬದ ಇತರ ಸದಸ್ಯರೊಂದಿಗೆ ಕೂಡ ಸಮಯ ಕಳೆಯಬೇಕಾಗುತ್ತದೆ. ಇದರಿಂದ ಪ್ರೀತಿ ಮಾತುಗಳನ್ನು ಆಡಲು ಸಾಧ್ಯವಾಗದೆ ಇರಬಹುದು. ನೀವು ಅವಿಭಕ್ತ ಕುಟುಂಬದಲ್ಲಿದ್ದರೆ ಆಗ ಪತ್ನಿ ಮತ್ತು ಮಕ್ಕಳಿಗೆ ಸ್ವಲ್ಪ ಸಮಯ ಮೀಸಲಿಡಿ ಎನ್ನುವುದು ಸಂಬಂಧಿ ಸಲಹೆ. ಇದನ್ನು ಕಡ್ಡಾಯವಾಗಿ ಪಾಲಿಸಿ.

5. ಆರ್ಥಿಕ ಪರಿಸ್ಥಿತಿ
ಕೂಡು ಕುಟುಂಬದಲ್ಲಿ ಪ್ರತಿಯೊಬ್ಬರ ಜವಾಬ್ದಾರಿ ಮತ್ತು ಮನೆಗೆಲಸಗಳು ಹಂಚಿಕೆಯಾಗುವುದರಿಂದ ಸಂತೃಪ್ತ ಭಾವದ ಪ್ರವೃತ್ತಿ ಬೆಳೆಯುವ ಕಾರಣ ಅದು ಕುಟುಂಬದ ಆರ್ಥಿಕತೆ ಮೇಲೆ ಕೆಟ್ಟ ಪರಿಣಾಮ ಬೀರಬಹುದು. ಪರಸ್ಪರರು ಆರೋಪಗಳನ್ನು ಮಾಡುತ್ತಿರಬಹುದು. ಒಬ್ಬರು ಮತ್ತೊಬ್ಬರ ಬಗ್ಗೆ ದೂರಿ ಕರ್ತವ್ಯ ಸರಿಯಾಗಿ ನಿರ್ವಹಿಸದೆ ಇರಬಹುದು. ಇದು ಕೂಡು ಕುಟುಂಬದಲ್ಲಿ ಕಂಡುಬರುವಂತಹ ಕೆಲವೊಂದು ಕೆಟ್ಟ ಪರಿಣಾಮಗಳು. ಎಚ್ಚರಿಕೆಯಿಂದ ಇರಿ.