ಪ್ರೇಮಿಗಳ ದಿನದಂದು ನಿಮ್ಮವನು/ನಿಮ್ಮವಳಿಗೆ ಈ ಬಗೆಯ ಗಿಫ್ಟ್ಸ್ ಮಾತ್ರ ನೀಡಲೇಬೇಡಿ

ಲಾಸ್ಟ್‌ ಮಿನಿಟ್ ಕಾರ್ಡ್

ನೀವು ಒಂದು ಸುಂದರ ಗ್ರೀಟಿಂಗ್ ಕಾರ್ಡ್ ಕೊಡಲು ಬಯಸುವುದಾದರೆ ಒಂದು ಮೊದಲೇ ಕೊಂಡು ಅದರಲ್ಲಿ ನಿಮ್ಮ ಭಾವನೆಗಳನ್ನು ಬರೆಯಿರಿ. ಕೊನೆ ಕ್ಷಣದಲ್ಲಿ ಖರೀದಿ ಮಾಡಲು ಹೋದರೆ ನಿಮ್ಮ ಗ್ರೀಟಿಂಗ್ ಕಾರ್ಡ್ ತುಂಬಾ ಎಫೆಕ್ಟಿವ್ ಆಗಿ ನೀಡಲು ಸಾಧ್ಯವಿಲ್ಲ.

ಕಾಫಿ ಮಗ್‌

ತುಂಬಾ ಜನ ಕಾಫಿ ಮಗ್‌ನಲ್ಲಿ ತಮ್ಮಿಬ್ಬರ ಫೋಟೋ ಹಾಕಿ ತುಂಬಾ ಜನ ಗಿಫ್ಟ್‌ ಮಾಡುತ್ತಾರೆ. ಇದು ಗುಡ್‌ ಐಡಿಯಾ ಅಂತು ಅಲ್ವೇ ಅಲ್ಲ, ಏಕೆಂದರೆ ಇದನ್ನು ಬಳಸುವಾಗ ಬಿದ್ದು ಒಡೆದರೆ ಮನಸ್ಸಿಗೆ ತುಂಬಾನೇ ನೋವಾಗುವುದು, ಆದ್ದರಿಂದ ಈ ಗಿಫ್ಟ್ಸ್ ಸೂಕ್ತವಲ್ಲ ಎಂಬುವುದು ನನ್ನ ಅನಿಸಿಕೆ, ನಿಮಗೇನಿಸುತ್ತೆ?

ದೊಡ್ಡ ಟೆಡ್ಡಿ

ತುಂಬಾ ಪ್ರೇಮಿಗಳು ತಮ್ಮವನು/ವಳಿಗೆ ಟೆಡ್ಡಿ ಕೊಡುತ್ತಾರೆ. ಚಿಕ್ಕ ಟೆಡ್ಡಿಯಾದರೆ ಒಕೆ, ಆದರೆ ತುಂಬಾ ದೊಡ್ಡ ಟೆಡ್ಡಿ ಗಿಫ್ಟ್ಸ್ ಮಾಡುತ್ತಾರೆ. ಇಷ್ಟು ದೊಡ್ಡ ಟೆಡ್ಡಿ ಕೊಟ್ಟರೆ ನಿಮ್ಮ ಪ್ರೀತಿಯ ವಿಷಯ ಮನೆಯಲ್ಲಿ ಇನ್ನೂ ಗೊತ್ತಿಲ್ಲ ಎಂದಾದರೆ ಈ ಟೆಡ್ಡಿ ಎಸೆಯುವಂತೆಯೂ, ಮನೆಗೆ ಕೊಂಡೊಯ್ಯುವಂತೆಯೂ ಇಲ್ಲ, ಆದ್ದರಿಂದ ಇಂಥ ಟೆಡ್ಡಿ ಕೊಡುವ ಮುನ್ನ ಯೋಚಿಸಿ.

ಗಿಫ್ಟ್ಸ್ ಕಾರ್ಡ್

ನಿಮ್ಮ ಪ್ರೇಮಿಗೆ ನೀವು ಗಿಫ್ಟ್ಸ್ ಕಾರ್ಡ್ ನೀಡಿ ನಿನಗೆ ಇಷ್ಟವಾಗಿದ್ದು ತೆಗೆದಿಕೋ ಎಂದು ಹೇಳಬೇಡಿ, ಅವರು ಆಯ್ಕೆ ಮಾಡುವುದಕ್ಕಿಂತ ನೀವು ಅವರಿಗಾಗಿ ಹುಡುಕಿ-ಹುಡುಕಿ ತರುವ ಗಿಫ್ಟ್ಸ್ ತುಂಬಾನೇ ಸ್ಪೆಷಲ್ ಫೀಲ್ ಕೊಡುತ್ತೆ, ಆದ್ದರಿಂದ ನೀವೇ ನಿಮ್ಮವವರಿಗಾಗಿ ತನ್ನಿ.

ಬಳಸದೇ ಇರುವ ಗಿಫ್ಟ್ಸ್

ನಮಗೆ ಇಷ್ಟ ಅಂತ ಗಿಫ್ಟ್ಸ್ ನೀಡಬೇಡಿ, ಅವರಿಗೆ ಏನು ಇಷ್ಟ ಅಂತ ತಿಳಿದು ಗಿಫ್ಟ್ಸ್ ಮಾಡಿ, ಉದಾಹರಣೆಗೆ ಚಾಕಲೇಟ್ ಇಷ್ಟವಿರಲ್ಲ, ತುಂಬಾ ಚಾಕಲೇಟ್‌ ತಂದುಕೊಡುವುದು ಮಾಡಬೇಡಿ.