ತನ್ನ ಗೆಳೆಯನನ್ನು ಮಿಸ್ ಮಾಡಿಕೊಂಡಾಗ ಹುಡುಗಿಯರು ಮಾಡುವ ಕೆಲಸಗಳಿವು

ಸಂಗಾತಿಯ ಸೋಶಿಯಲ್ ಮೀಡಿಯಾ ಪರಿಶೀಲನೆ:

ಒಂದು ಹುಡುಗಿ ತನ್ನ ಸಂಗಾತಿಯನ್ನು ಭೇಟಿಯಾಗಲು ಸಾಧ್ಯವಾಗದಿದ್ದಾಗ ಅಥವಾ ಅವನನ್ನು ಕಳೆದುಕೊಂಡಾಗ, ಸೋಶಿಯಲ್ ಮೀಡಿಯಾದಲ್ಲಿ ಗೆಳೆಯನ ಪ್ರೊಫೈಲ್ ನೋಡುತ್ತಾಳೆ. ಪ್ರತಿ ಗಂಟೆಗೆ ಒಮ್ಮೆ ಅದನ್ನು ವೀಕ್ಷಿಸುವುದನ್ನು ಮರೆಯುವುದಿಲ್ಲ. ಅವಳು ಆತನ ಪ್ರೊಫೈಲ್‌ನಲ್ಲಿರುವ ಪ್ರತಿಯೊಂದು ಸಣ್ಣ ವಿಷಯವನ್ನೂ ದೀರ್ಘಕಾಲ ನೋಡುತ್ತಲೇ ಇರುತ್ತಾಳೆ. ಜೊತೆಗೆ ಆತನ ಪೋಸ್ಟ್ ಗೆ ಇತರ ಜನರು ಮಾಡಿರುವ ಕಾಮೆಂಟ್‌ಗಳನ್ನು ಓದಲು ತನ್ನ ಸಮಯವನ್ನು ಕಳೆಯುತ್ತಾಳೆ.

ಕನಸಿನಲ್ಲಿ ಕಳೆದುಹೋಗುವುದು:

ಗೆಳೆಯನ ಅನುಪಸ್ಥಿತಿಯಲ್ಲಿ ಹುಡುಗಿ ರೋಮ್ಯಾಂಟಿಕ್ ಚಲನಚಿತ್ರವನ್ನು ನೋಡುತ್ತಿದ್ದರೆ, ಆ ಚಿತ್ರದಲ್ಲಿ ಅವಳು ತನ್ನ ಗೆಳೆಯನ ಬಗ್ಗೆ ಯೋಚಿಸಲು ಪ್ರಾರಂಭಿಸುತ್ತಾಳೆ. ಆ ಚಿತ್ರವನ್ನು ತನಗೆ ರಿಲೇಟ್ ಮಾಡಿಕೊಂಡು ಹಗಲು ಕನಸು ಕಾಣುವುದರಲ್ಲಿ ಮಗ್ನರಾಗಿರುತ್ತಾಳೆ. ಒಂದು ವೇಳೆ ಆತ ಆಕೆಯನ್ನು ತೊರೆದು ಹೋಗಿದ್ದರೆ, ಚಲನಚಿತ್ರ ನೋಡಿದಾಗ ಅದನ್ನು ನೆನೆಸಿಕೊಂಡು ಅಳುವುದು ಉಂಟು.

ಪದೇ ಪದೇ ಕರೆ ಮಾಡುವುದು:

ಒಂದು ಹುಡುಗಿ ತನ್ನ ಸಂಗಾತಿಯನ್ನು ಮಿಸ್ ಮಾಡಿಕೊಳ್ಳುತ್ತಿದ್ದರೆ ಆತನಿಗೆ ಆಕೆ ಪದೇ ಪದೇ ಕರೆ ಮಾಡುವಳು. ಏನೋ ಎಮರ್ಜೆನ್ಸಿ ಹೇಳೋಕೆ ಇದೆ ಅಂತ ಕಾರಣ ಹೇಳಿ, ಅದಕ್ಕೆ 'ಸಾರಿ' ನೂ ಕೇಳಿ ಆತನ ಜೊತೆ ಮಾತನಾಡುವಳು. ಆದಾಗ್ಯೂ, ಇಬ್ಬರ ನಡುವಿನ ತುರ್ತು ಮಾತು 'ಐ ಲವ್ ಯು' ನಿಂದ ಪ್ರಾರಂಭವಾಗಿ, 'ಐ ಲವ್ ಯು' ನೊಂದಿಗೆ ಕೊನೆಗೊಳ್ಳುತ್ತದೆ.

ಸ್ನೇಹಿತರೊಂದಿಗೆ ಚರ್ಚೆ:

ತನ್ನ ಸ್ನೇಹಿತರೊಂದಿಗೆ ಮಾತನಾಡುವಾಗಲೂ ಸಹ ಹುಡುಗಿ ತನ್ನ ಗೆಳೆಯನ ಬಗ್ಗೆ ಮಾತ್ರ ಚರ್ಚಿಸುತ್ತಲೇ ಇರುತ್ತಾಳೆ. ತನ್ನ ಬಿಡುವಿನ ವೇಳೆಯಲ್ಲಿ ತನ್ನ ಹತ್ತಿರದ ಸ್ನೇಹಿತರೊಂದಿಗೆ ತನ್ನ ಪ್ರೀತಿಯ ಅನುಭವಗಳನ್ನು ಹಂಚಿಕೊಳ್ಳಲು ಅವಳು ಇಷ್ಟಪಡುತ್ತಾಳೆ. ಅದು ಆತ ಅವಳೊಂದಿಗೆ ಇಲ್ಲದೇ ಇರುವಾಗಲಂತೂ ತುಂಬಾ ಹೆಚ್ಚು. ತಾನು ಆತನನ್ನು ಎಷ್ಟು ಮಿಸ್ ಮಾಡಿಕೊಳ್ಳುತ್ತಿದ್ದೇನೆ ಎಂಬುದನ್ನು ಯಾರ ಬಳಿಯಾದರೂ ಹೇಳಿಕೊಂಡರೆ ಆಕೆಗೆ ಸಮಾಧಾನ. ಆಗ ತನ್ನ ಸ್ನೇಹಿತರ ಮೊರೆ ಹೋಗುವಳು.

ಆತ ನೀಡಿದ ಉಡುಗೊರೆಗಳು:

ತಮ್ಮ ಸಂಗಾತಿಯನ್ನು ನೆನಪಿಸಿಕೊಳ್ಳುತ್ತಾ, ಹುಡುಗಿಯರು ಆಗಾಗ್ಗೆ ಅವರು ನೀಡಿದ ಉಡುಗೊರೆಗಳನ್ನು ಮತ್ತೆ ಮತ್ತೆ ನೋಡುತ್ತಲೇ ಇರುತ್ತಾರೆ. ಇದು ಅವರ ಸಂಗಾತಿಗೆ ಹತ್ತಿರವಾಗಬೇಕೆಂಬ ಭಾವನೆಯನ್ನು ಸಹ ನೀಡುತ್ತದೆ. ಇದಲ್ಲದೆ, ಗೆಳೆಯನ ಪತ್ರಗಳು ಅಥವಾ ಫೋನ್‌ನಲ್ಲಿ ಸೇವ್ ಮಾಡಿದ ಸಂದೇಶಗಳು ಸಹ ಪಾಲುದಾರನಿಗೆ ಹತ್ತಿರವಾಗುವಂತೆ ಮಾಡುತ್ತದೆ. ಅಷ್ಟೇ ಅಲ್ಲ ಇನ್ನು ಕೆಲವರು ಆತನ ಭಾವಚಿತ್ರದ ಜೊತೆ ಮಾತನಾಡುವ ಅಭ್ಯಾಸವನ್ನು ಬೆಳೆಸಿಕೊಂಡಿರುತ್ತಾರೆ.