For Quick Alerts
ALLOW NOTIFICATIONS  
For Daily Alerts

ಪ್ರೀತಿಯಲ್ಲಿ ಮೊದಲ ಹಂತ ಕಾಮವಾದರೆ ಕೊನೆಯ ಹಂತ ಯಾವುದು ಗೊತ್ತೇ?

|

ಪ್ರೀತಿ ಎಂದರೆ ಅದೊಂದು ಸುಂದರವಾದ ಅನುಭವ. ಒಬ್ಬ ವ್ಯಕ್ತಿಯನ್ನು ನೋಡಿ ಆ ವ್ಯಕ್ತಿ ನಮ್ಮ ಬದುಕಿನಲ್ಲಿ ಬೇಕೆಂದು ಬಯಸುವುದೇ ಪ್ರೀತಿ. ಪ್ರೀತಿ ಮೂಡಿದಾಗ ಪ್ರತಿಕ್ಷಣವೂ ಅವರ ಗುಂಗಿನಲ್ಲಿರುತ್ತೇವೆ, ಅವರಿಗಾಗಿ ಏನು ಮಾಡಲೂ ಸಿದ್ಧರಾಗುತ್ತೇವೆ. ಈ ದೇಹ-ಮನಸ್ಸು ಎರಡೂ ಅವರಿಗೇ ಸಮರ್ಪಿಸಲು ಸಿದ್ಧರಾಗುತ್ತೇವೆ.

ಪ್ರೀತಿ ಎಂದ ಮೇಲೆ ನಿಷ್ಕಲ್ಮಷ ಪ್ರೀತಿ ಮಾತ್ರವಲ್ಲ, ಅಲ್ಲಿಯೂ ಕಾಮವೂ ಇರುತ್ತದೆ. ಪ್ರೀತಿಯಲ್ಲಿ ಪ್ರೀತಿಗೆ ಹೆಚ್ಚು ಪ್ರಾಮುಖ್ಯತೆ ನೀಡುತ್ತಾರಾ, ಕಾಮಕ್ಕೆ ಹೆಚ್ಚು ಪ್ರಾಮುಖ್ಯತೆ ನೀಡುತ್ತಾರಾ? ಎಂದು ಕೇಳುವುದಾದರೆ ಪ್ರೀತಿ ಎಂಬುವುದು ಪ್ರೇಮ+ಕಾಮದ ಮಿಶ್ರಣವಾಗಿದೆ. ಮೊದಲನೇ ಹಂತ ಕಾಮವೇ ಪ್ರಮುಖವಾಗಿರುತ್ತದೆ ನಂತರ ಮೈತ್ರಿಯಾಗುವುದು, ಬಳಿಕ ಆತ್ಮ ಪ್ರೀತಿ ಬೆಳೆಯುತ್ತದೆ. ಹೀಗೆ ಪ್ರೀತಿಯ ವಿವಿಧ ಹಂತಗಳ ಬಗ್ಗೆ ಪುರಾತನವಾದ ಹಿಂದೂ ತತ್ತ್ವದಲ್ಲಿ ಕೂಡ ಹೇಳಲಾಗಿದೆ.

ಪ್ರೀತಿಯ ವಿವಿಧ ಹಂತಗಳನ್ನು ನೋಡುವುದಾದರೆ:

1. ಕಾಮ

1. ಕಾಮ

ಪ್ರೀತಿಯ ಮೊದಲ ಹಂತವೆಂದರೆ ದೈಹಿಕ ಆಕರ್ಷಣೆ. ಒಬ್ಬ ಹೆಣ್ಣು-ಗಂಡು ಪ್ರೀತಿಯಲ್ಲಿ ಬಿದ್ದಾಗ ಅವರಲ್ಲಿ ದೈಹಿಕ ಆಕರ್ಷಣೆ ಇರುತ್ತದೆ. ಒಂದು ಜೋಡಿ ಪ್ರೀತಿಯಲ್ಲಿದ್ದಾಗ ಅವರು ದೈಹಿಕವಾಗಿ ಒಂದಾಗದಿದ್ದರೂ ಒಂದಾಗಬೇಕೆಂಬ ದೈಹಿಕ ಆಕರ್ಷಣೆ ಇದ್ದೇ ಇರುತ್ತದೆ. ವೈವಾಹಿಕ ಜೀವನದ ಭದ್ರತೆಯ ಕೀಲಿಕೈ ದೈಹಿಕ ತೃಪ್ತಿಯೇ ಆಗಿದೆ. ಆದರೆ ಪ್ರೀತಿಯ ಮೊದಲ ಹಂತ ಕಾಮ. ಕಾಮಸೂತ್ರ ಎಂಬುವುದು ಲೈಂಗಿಕತೆ ಕುರಿತು ಹೇಳುವುದು ಮಾತ್ರವಲ್ಲ, ಅದರಲ್ಲಿ ಬದುಕಿನ ತತ್ತ್ವವೂ ಅಡಗಿದೆ.

2. ಶೃಂಗಾರ

2. ಶೃಂಗಾರ

ಇದರಲ್ಲಿ ಕಾಮ ಶೃಂಗಾರವಾಗಿ ಮಾರ್ಪಡಬಹುದು. ತನ್ನ ಸಂಗಾತಿ ಜೊತೆ ರೊಮ್ಯಾಂಟಿಕ್‌ ಮಾತನಾಡುವುದು, ಅವರನ್ನು ಪ್ರೀತಿಯಿಂದ ಅಡ್ಡ ಹೆಸರಿನಲ್ಲಿ ಮುದ್ದಾಡುವುದು, ಉಡುಗೊರೆಗಳನ್ನು ನೀಡುವುದು, ಸರ್ಫ್ರೈಸ್ ನೀಡುವುದು ಇವೆಲ್ಲಾ ಶೃಂಗಾರದ ಭಾಗವಾಗಿದೆ.

3. ಮೈತ್ರಿ

3. ಮೈತ್ರಿ

ಎಲ್ಲಿ ಪ್ರೀತಿ ಇರುತ್ತದೋ ಅಲ್ಲಿ ಸ್ನೇಹವಿದ್ದರೆ ಮಾತ್ರ ಆ ಪ್ರೀತಿ ಮತ್ತಷ್ಟು ಬಿಗಿಯಾಗಲು ಸಾಧ್ಯ. ಒಬ್ಬರಿಗೊಬ್ಬರು ಅಕ್ಕರೆ ತೋರುವುದು, ಆರೈಕೆ ಮಾಡುವುದು, ಭಾವನೆಗಳಿಗೆ ಸ್ಪಂದಿಸುವುದು ಇವೆಲ್ಲಾ ಮೈತ್ರಿಯಾಗಿದೆ.

4. ಭಕ್ತಿ

4. ಭಕ್ತಿ

ನಮ್ಮ ಸಂಗಾತಿಗೆ ನಾವು ತೋರುವ ಗೌರವವೇ ಭಕ್ತಿ. ಅವರನ್ನು ಗೌರವಿಸುವುದು , ಅವರ ಭಾವನೆಗಳನ್ನು ಗೌರವಿಸುವುದು, ಅವರ ಇಷ್ಟದಂತೆ ನಡೆದುಕೊಳ್ಳುವುದು ಭಕ್ತಿಯಾಗಿದೆ.

5. ಆತ್ಮ ಪ್ರೇಮ

5. ಆತ್ಮ ಪ್ರೇಮ

ಇದು ಪ್ರೀತಿಯ ಅತ್ಯುನ್ನತ ಹಂತವಾಗಿದೆ. ನಾವು ನಮ್ಮನ್ನು ಪ್ರೀತಿಸದಿದ್ದರೆ ಬೇರೆಯವರನ್ನು ಪ್ರೀತಿಸಲು ಸಾಧ್ಯವೇ ಇಲ್ಲ ಎಂದು ಇದು ಹೇಳುತ್ತದೆ. ನಮ್ಮೊಂದಿಗೆ ಇತರರು ಹೇಗೆ ವರ್ತಿಸುತ್ತಾರೋ ಅದು ನಮ್ಮ ಆಲೋಚನೆ ಹಾಗೂ ವ್ಯಕ್ತಿತ್ವವನ್ನು ತೋರಿಸುತ್ತದೆ.

English summary

Stages Of Love Experience in Life According To Ancient Hindu Philosophy in Kannada

Stages Of Love Experience in Life According To Ancient Hindu Philosophy in Kannada, read on..
X