ಈ ರೀತಿಯೆಲ್ಲಾ ನಿಮಗೆ ಅನಿಸುತ್ತಿದ್ದರೆ ನಿಮ್ಮಿಂದ ದಾಂಪತ್ಯ ಹಾಳಾಗಬಹುದು ಹುಷಾರ್ ಕಣ್ರೀ!

# ನಿಮ್ಮ ಮನಸ್ಸು ಯಾವಾಗಲೂ ಬೇರೆ ವ್ಯಕ್ತಿಯ ಬಗ್ಗೆ ಯೋಚಿಸುವುದು

ನೀವು ನಿರಂತರವಾಗಿ ಯಾವುದೋ ವ್ಯಕ್ತಿಯ ಬಗ್ಗೆ ಯೋಚನೆ ಮಾಡುತ್ತಿದ್ದರೆ ಒಂದು ಬಾರಿ ಸ್ವಯಂ ಕೇಳಿಕೊಳ್ಳಿ, ಯಾರು ಆ ವ್ಯಕ್ತಿ ಎಂದು?.. ಕೇವಲ ಸ್ನೇಹಿತರಾಗಿದ್ದರೆ, ಅವರ ಬಗ್ಗೆ ನಿರಂತರವಾಗಿ ಯೋಚಿಸುವುದಿಲ್ಲ. ಯಾವಾಗ ಸ್ನೇಹಿತರಿಗಿಂತ ಹೆಚ್ಚಿನ ಸಂಪರ್ಕವನ್ನು ಹೊಂದಲು ಬಯಸುತ್ತೇವೋ ಆಗ ಅವರ ಬಗ್ಗೆ ನಿರಂತರವಾಗಿ ಯೋಚನೆ ಮಾಡುತ್ತಲೇ ಇರುತ್ತೇವೆ. ಇದು ನಿಮ್ಮ ಸಂಬಂಧಕ್ಕೆ ಅಪಾಯಕಾರಿಯಾಗಿದೆ.

# ನಿಮ್ಮ ಸಂಗಾತಿಯೊಂದಿಗೆ ನಿಮ್ಮ "ಸ್ನೇಹಿತ"ನನ್ನು ಹೋಲಿಸುವುದು:

ನಿಮ್ಮ ಜೀವನದಲ್ಲಿ ಇಬ್ಬರು ವ್ಯಕ್ತಿಗಳನ್ನು ಹೋಲಿಕೆ ಮಾಡಿದರೆ, ಸಮಸ್ಯೆಗಳಾಗುತ್ತವೆ. ನಿಮ್ಮ ಸಂಗಾತಿಯು ನಿಮ್ಮ ಸ್ನೇಹಿತರು, ಕುಟುಂಬ ಮತ್ತು ಸಹೋದ್ಯೋಗಿಗಳಿಗಿಂತ ಪ್ರತ್ಯೇಕವಾಗಿರುತ್ತದೆ. ಆದ್ದರಿಂದ ಹೋಲಿಕೆ ಮಾಡಬಾರದು. ಹೀಗೆ ಮಾಡುತ್ತಿದ್ದರೆ, ಇದು ಅಪಾಯಕಾರಿ ಲಕ್ಷಣವಾಗಿದೆ.

# ನೀವು ಹೆಚ್ಚು ಹೆಚ್ಚು ಸಮಯವನ್ನು ಒಟ್ಟಿಗೆ ಕಳೆಯುವುದು:

ಸಾಮಾನ್ಯವಾಗಿ ನೀವು ಹತ್ತಿರವಿರುವ ಜನರೊಂದಿಗೆ ಸಮಯ ಕಳೆಯುತ್ತೀರಿ, ಆದರೆ ನೀವು ಈ ವ್ಯಕ್ತಿಯೊಂದಿಗೆ ಕಳೆಯುವ ಸಮಯವು ಹೆಚ್ಚಾಗುತ್ತಿದೆ ಎಂದು ನಿಮಗನಿಸಿದರೆ, ಅದು ಏಕೆ ಎಂದು ಪ್ರಶ್ನಿಸಿ. ನಿಮ್ಮ ಸಂಬಂಧದ ಆಧಾರವು ಬದಲಾಗುತ್ತಿದೆಯೇ ಎಂಬುದನ್ನು ಗಮನಿಸಿ, ಅದಕ್ಕೆ ಕಡಿವಾಣ ಹಾಕಿ.

# ನಿಮ್ಮ ರಹಸ್ಯಗಳನ್ನು ಆ ವ್ಯಕ್ತಿಗೆ ತಿಳಿಸುವುದು:

ನಿಮ್ಮ ಸಂಗಾತಿಯನ್ನು ಹೊರತುಪಡಿಸಿ ಬೇರೆ ಯಾರೊಂದಿಗೂ ಹಂಚಿಕೊಳ್ಳಬಾರದ ಕೆಲವು ವಿಷಯಗಳಿವೆ. ಆದರೆ ಅಂಥ ವಿಷಯವನ್ನೂ ನೀವು ಆ ವ್ಯಕ್ತಿಯೊಂದಿಗೆ ಹಂಚಿಕೊಳ್ಳುತ್ತಿದ್ದರೆ ದಾಂಪತ್ಯಕ್ಕೆ ದ್ರೋಹ ಮಾಡುತ್ತಿದ್ದೀರಿ ಎಂದರ್ಥ.

# ಆ ವ್ಯಕ್ತಿಯ ಬಗ್ಗೆ ನಿಮ್ಮ ಸಂಗಾತಿಗೆ ಹೆಚ್ಚು ಹೇಳದೇ ಇರುವುದು:

ನೀವು ಸ್ನೇಹಿತನನ್ನು ನೋಡಲು ಹೋಗುತ್ತಿದ್ದರೆ, ಅದನ್ನು ನೇರವಾಗಿ ನಿಮ್ಮ ಸಂಗಾತಿಗೆ ಹೇಳಬಹುದು, ಒಂದು ವೇಳೆ ಹೇಳದೇ ಭೇಟಿಯಾದರೆ ಅಥವಾ ಆ ವ್ಯಕ್ತಿಯ ಹೆಸರನ್ನೇ ಮರೆಮಾಚಿದರೆ, ನೀವು ದಾಂಪತ್ಯಕ್ಕೆ ಮಾಡುವ ಮೋಸ ಎನ್ನಬಹುದು.

# ನಿಮ್ಮ ಸಂಗಾತಿಯೊಂದಿಗೆ ಕಡಿಮೆ ಸಂಪರ್ಕದಲ್ಲಿರುವಿರಿ:

ನಿಮ್ಮ ಸಂಗಾತಿಯೊಂದಿಗಿನ ಲೈಂಗಿಕ ಜೀವನವು ತೃಪ್ತಿದಾಯಕವಾಗಿರುವುದಿಲ್ಲ ಹಾಗೂ ಅವರ ಬಗ್ಗೆ ಹೆಚ್ಚು ಗಮನ ಹರಿಸುವುದಿಲ್ಲ. ನಿಮ್ಮ ಮನಸ್ಸು ಇನ್ನೊಬ್ಬ ವ್ಯಕ್ತಿಯ ಮೇಲೆ ಇದ್ದಾಗ ನೀವು ಸಂಗಾತಿಯೊಂದಿಗೆ ಸಹಕರಿಸುವುದು ಕಡಿಮೆಯಾಗಬಹುದು.

# ಆ ವ್ಯಕ್ತಿಯ ಮುಂದೆ ನೀವು ಅತ್ಯುತ್ತಮವಾಗಿ ಕಾಣಲು ಪ್ರಯತ್ನಿಸುತ್ತೀರಿ:

ಆ ವ್ಯಕ್ತಿಯ ಮುಂದೆ ನೀವು ಚೆನ್ನಾಗಿ ಕಾಣಬೇಕು ಎಂದು ಬಯಸುತ್ತೀರಿ, ಅವರನ್ನು ಮೆಚ್ಚಿಸಲು ಪ್ರಯತ್ನಿಸುವುದು ಇವೆಲ್ಲಾ ನಿಮ್ಮ ದಾಂಪತ್ಯ ಜೀವನಕ್ಕೆ ನಿಮ್ಮಿಂದ ಮೋಸವಾಗುವ ಲಕ್ಷಣಗಳಾಗಿವೆ.

# ನೀವು ಹೊಂದಿರುವ ಸಂಪರ್ಕವನ್ನು ನಿರಾಕರಿಸಲು ಸಾಧ್ಯವಾಗದಿರುವುದು:

ಆ ವ್ಯಕ್ತಿ ಜೊತೆ ಮಾತನಾಡದೆ ಇರಲು ಸಾಧ್ಯವಾಗುತ್ತಿಲ್ಲ, ಅವರು ಬೇಕೇಬೇಕು ಎಂದು ಅನಿಸಲಾರಂಭಿಸಿದರೆ ಆ ಬಗ್ಗೆ ಎಚ್ಚೆತ್ತುಕೊಳ್ಳಿ. ಅದರಿಂದ ನಿಮ್ಮ ಸಂಬಂಧಕ್ಕೆ ಹಾನಿಯಾಗಬಹುದು ಎಂದು ಅನಿಸಿದರೆ ನಿಮ್ಮ ಮನಸ್ಸನ್ನು ನಿಯಂತ್ರಿಸಲೇಬೇಕು.

# ಅವರಿಗೆ ಮೆಸೇಜ್‌ ಕಳುಹಿಸುವುದು:

ನಿಮ್ಮ ಸಂಗಾತಿಯೊಂದಿಗೆ ನೀವು ಮನೆಯಲ್ಲಿದ್ದಾಗ ಕೂಡ ನೀವು ಆ ಇನ್ನೊಬ್ಬ ವ್ಯಕ್ತಿಗೆ ಮೆಸೇಜ್ ಕಳುಹಿಸಿಸುವುದು, ಅವರ ಬಗ್ಗೆ ಆಸಕ್ತಿ ವಹಿಸುತ್ತಿದ್ದೀರಿ ಎಂದಾದರೆ ಅದು ದಾಂಪತ್ಯ ದ್ರೋಹದ ಸಂಕೇತವಾಗಿದೆ.

# ಅವರು ನಿಮ್ಮ ಕನಸಲ್ಲಿ ಬರಲಾರಂಭಿಸುತ್ತಾರೆ:

ನಿಮ್ಮ ಕನಸುಗಳ ಮೇಲೆ ನಿಮಗೆ ಸಂಪೂರ್ಣ ನಿಯಂತ್ರಣವಿಲ್ಲ ಆದರೆ ನೀವು ಒಬ್ಬ ವ್ಯಕ್ತಿಯ ಬಗ್ಗೆ ಹೆಚ್ಚು ಯೋಚಿಸುತ್ತಿದ್ದರೆ, ವಿಶೇಷವಾಗಿ ಮಲಗುವ ಮೊದಲು, ಅವರು ನಿಮ್ಮ ಕನಸಿನಲ್ಲಿ ಬರುವ ಸಾಧ್ಯತೆಗಳಿವೆ. ಇದು ಕೂಡ ನಿಮ್ಮ ಮನಸ್ಸು ಹಾದಿ ತಪ್ಪಿದೆ ಎಂದು ಸುಚಿಸುತ್ತೆ.

# ಅವರನ್ನು ನೋಡಿದಾಗ ನಿಮ್ಮ ಪ್ರತಿಕ್ರಿಯೆ ಬದಲಾಗುವುದು:

ಆ ವ್ಯಕ್ತಿಯನ್ನು ನೋಡಲು ಏನೋ ಕಾತರ, ಅವರ ಮಾತು ಕೇಳಿದಾಗ ಹೊಟ್ಟೆಯಲ್ಲಿ ಚಿಟ್ಟೆ ಬಿಟ್ಟಂತಾಗುವುದು ಈ ರೀತಿಯೆಲ್ಲಾ ಅನಿಸುತ್ತಿದ್ದರೆ ನೀವು ಎಚ್ಚೆತ್ತುಕೊಮಡರೆ ಒಳ್ಳೆಯದು.

# ನಿಮ್ಮ ಸ್ಥಾನ ಬೇರೊಬ್ಬರಿಗೆ ನೀಡಿದ್ದಾರೆ ಎಂದೆನಿಸುವುದು:

ನೀವು ಮಾಡುತ್ತಿರುವಂತೆಯೇ ನಿಮ್ಮ ಸಂಗಾತಿಯೂ ಮಾಡುತ್ತಿದ್ದರೆ, ನೀವು ಅದರ ಬಗ್ಗೆ ಸಂತೋಷಪಡುತ್ತೀರಾ? ಅಥವಾ ದ್ರೋಹವೆಂದು ಭಾವಿಸುವಿರಾ? ಉತ್ತರವು 'ಹೌದು' ಆಗಿದ್ದರೆ, ನೀವೇನು ಮಾಡುತ್ತಿದ್ದೀರಿ ಎಂಬುದನ್ನು ಒಮ್ಮೆ ಯೋಚಿಸಿ. ಆಗ ನೀವೇನು ಮಾಡಬೇಕು ಎಂಬ ಉತ್ತರ ಸಿಗುತ್ತೆ.